#நாலாயிரம்_பிள்ளையார்_கோயில் சதுர் ஸஹஸ்ர கணபதி என்று வட மொழியில் வழங்கப்படும் இப்பிள்ளையார் கோவில் சீர்காழிக்கு அருகில் உள்ள நாங்கூரில் உள்ளது. இக்கோவில் மூல மூர்த்தி இராமாயண காலத்தே சுயம்புவாக உருவானவர். கிஷ்கிந்தையை ஆண்டு வந்த வாலிக்கு யாரிடம் போரிட்டாலும் எதிரியின் பலத்தில் 
பாதி தனக்கு வர வேண்டும் என்ற வரத்தைப் பிரம்ம தேவனிடம் பெற அவரை நோக்கிக் கடுமையான தவத்தை ஒரு குகைக்குள் இருந்து செய்து வந்தான். நெடும் காலமாகியும் வாலி வெளியில் வராதது கண்டு அவனது வீரர்கள் குகையை ஒரு பாறாங்கல்லால் மூடிவிட்டுக் கிஷ்கிந்தைக்குத் திரும்பி விட்டனர். இதற்கிடையில் கடும்
தவத்தின் பலனாக வாலிக்குப் பிரம்மனின் தரிசனம் கிடைத்தது. வாலி வேண்டியவாறே எதிரியின் பலத்தில் பாதி, அவனுக்கு வரும்படியாக நான்முகன் வரமளித்து மறைந்தார். குகையின் வாயில் மூடப்பட்டிருப்பதைக் கண்டு அதிர்ச்சியடைந்த வாலி அப்பாறையை அகற்றிவிட்டு வெளியில் வந்து, கிஷ்கிந்தையை அடைந்தான்.
அரசன் இல்லாததால் மந்திரிகளும் மக்களும் கோரியபடி சுக்ரீவன் ஆட்சிப் பொறுப்பை ஏற்றிருக்கும் வேளையில் அவனை அரியணையில் வீற்றிருக்கக் கண்ட வாலி கோபமுற்றான். தம்பியான சுக்ரீவனைப் போரிட்டு வென்று நாட்டை விட்டே துரத்தி விட்டான். ஆனால் சுக்ரீவனது மனைவியையோ அல்லது அவனது மகனான அங்கதனையோ
சுக்ரீவனோடு அனுப்பவில்லை. இத்தவறுக்காகவே இராமனால் பின்பு தண்டிக்கப்பட்டான். காடுகளில் அனுமனோடு திரிந்துகொண்டு வாலிக்கு அஞ்சி வாழ்ந்து கொண்டிருந்த சுக்ரீவன், இராம லக்ஷ்மணர்களைக் கண்டு தான்படும் துயரத்தை அவர்களிடம் கூறினான். அவனுக்கு அடைக்கலம் கொடுத்த இராமன், மரங்களுக்குப் பின்னால்
நின்று கொண்டு வாலியின் மீது பாணம் செலுத்தி அவனை வீழ்த்தினார். அதனால் ஏற்பட்ட தோஷத்தை நீக்கும் பொருட்டு, நாங்கூரை அடைந்து காவிரியின் கிளை நதியான மணிகர்ணிகையில் மணல் எடுத்து விநாயகர் திருவுருவை அதில் அமைத்துப் பூஜை செய்தார். அசரீரி வாக்கின்படி, தோஷ நிவர்த்திக்காக 4000 வேத
விற்பன்னர்களைக் கொண்டு யாகம் செய்ய முற்படுகையில் ஒரு அந்தணர் வரவில்லை. தடை ஏற்படுகிறதே என்று வருந்திய இராமருக்கு ஆறுதல் அளித்துத் தானே ஒரு வேதியராக மகா கணபதி வந்ததால் நாலாயிரத்தில் ஒருவர் என்ற திருநாமம் ஏற்பட்டது. அதுவே மக்கள் வழக்கில் தற்போது நாலாயிரம் பிள்ளையார் எனப் படுகிறது.
இராம பிரானே மணலால் வடிவமைத்த கணபதியாதலால் ஸ்வயம்பு மூர்த்தியாகக் காட்சி அளிக்கிறார். விநாயகரின் சன்னதி வாயிலில் துவார பாலகர்கள் இருக்கும் இடத்தில் சங்க நிதியும் பத்ம நிதியும் இருக்கிறார்கள். இவர்களே ஹோம சாமான்களை யாகம் செய்வதற்காக எடுத்து வந்ததாக ஐதீகம். அன்று முதல் இருவரும்
சன்னதி வாயிலிலேயே நின்று விட்டனர். எல்லா திரவியங்களாலும் பிள்ளையாருக்கு அபிஷேகங்கள் நடை பெறுகின்றன. பால் அபிஷேகம் செய்யும்போது அதில் ஒரு பகுதி, மூர்த்திக்குள் செல்வது அற்புதமாகக் கூறப்படுகிறது. விநாயக சதுர்த்தி விழா இங்கு சிறப்பாக நடை பெறுகிறது. ஆண்டுக்கொரு முறை நாங்கூர் 12
ஆலயங்களின் மூர்த்திகளும் ஒரே இடத்தில் ரிஷப வாகன சேவை தரும்போது, நாலாயிரம் பிள்ளையாரும் அம்மூர்த்திகளோடு தரிசனம் தருகிறார். இராமர் யாகம் செய்வவதற்காகக் கோயில் எதிரில் அமைத்த குண்டம் தற்போது குளமாகக் காட்சியளிக்கிறது. சுமார் நாற்பது ஆண்டுகளுக்கு முன் இதிலிருந்த நீர் காவி நிறத்தில்
இருந்ததாம். ஆனால் அதில் நீராடினால் வெள்ளை வஸ்திரத்தில் காவி படிவதில்லையாம்.அதன் பிறகு, குளத்தைத் தூர் வாரப் போய், குளத்து மணலை அகற்றிவிட்டதால் அந்தக் காவி நிறம் போய் எல்லா நீர்நிலைகளில் உள்ள நீரைப் போன்று தோற்றமளிக்கிறது.
#அறிவோம்_கோவில்கள்
சர்வம் ஶ்ரீ கிருஷ்ணார்ப்பணம்🙏🏻
#அறிவோம்_கோவில்கள்
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
