Thread by @anbezhil12

#நெய்_குள_தரிசனம்
#திருமீயச்சூர் லலிதாம்பிகை அம்மனின் நெய்க்குளம் தரிசனம் வருடத்தில் மூன்று முறை மட்டுமே கிடைக்கும் அதில் ஒன்று வைகாசி மாதம் பெளர்ணமி அன்று. கருவறைக்கு முன்பாக 15அடி நீளத்திற்கு வாழை இலையை பரப்பி அதில் சர்க்கரைப் பொங்கலை பரப்பிடுவர். அத்துடன் புளி சாதம் தயிர்சாதம்

போன்றவற்றை தயாரித்து தேவியின் சந்நதியின் முன் வாழையிலை, மட்டை, தென்னை ஓலை ஆகியவற்றின் மீது 15 அடி நீளம், 4 அடி அகலம், ஒன்றரை அடி உயரத்தில் படையலாகப் படைக்கப்படும். சர்க்கரைப் பொங்கல் நடுவே குளம் போல் அமைத்து அங்கே இரண்டரை டின் தூய நெய்யைக் கொண்டு நிரப்புவர். அதன் பின்னர்

கருவறையின் திரையை விலக்கினால் அலங்கரிக்கப்பட்ட அம்மனின் உருவம் நெய் குளத்தில் பிரதிபலிக்கும். இதனை தரிசிப்பவர்களுக்கு மறுபிறவியே கிடையாது. இதுதான் நெய்க்குள தரிசனம் திருமீயச்சூரில் உள்ள அருள்மிகு லலிதாம்பிகை சமேத ஸ்ரீ மேகநாத சுவாமி திருக்கோயில் மட்டுமே கிடைக்கப் பெறும்.

நெய் குள தரிசன காலம் இரவு 7.30pm மணி முதல் 9pm மணி வரை (1½ மணி நேரம் மட்டுமே) இரவு பேருந்து வசதி குறைவு.
வெளியூரில் வரும் அன்பர்கள் தக்க ஏற்பாடுகளுடன் செல்லவேண்டும்.
#அறிவோம்_கோவில் தேவாரப் பாடல் பெற்ற தலங்களில் காவிரி தென்கரைத் தலங்களில் இக்கோவில் 56ஆவது சிவத்தலமாகும். அம்பிகை

திருத்தலங்களில் மிகவும் சிறப்பு வாய்ந்த தலம். கருவறையில் ஸ்ரீ சக்கரத்தின் மீது 5அடி உயர லலிதாம்பிகை வலது காலை மடித்து வைத்து கம்பீரமாக அமர்ந்துள்ளாள். #ஸ்ரீலலிதா_சஹஸ்ரநாமம் தோன்றிய திருத்தலம். இங்குதான் #ஸ்ரீஹயக்ரீவர் #அகத்தியமுனிவருக்கு ஸ்ரீலலிதா சஹஸ்ரநாமத்தை உபதேசம் செய்தார்.

அகத்தியர் ஒரு பௌர்ணமி நாளன்று ஸ்ரீலலிதா சஹஸ்ரநாமத்தினால் திருமீயச்சூர் லலிதாம்பிகையை வழிபட்டதுடன் #ஸ்ரீலலிதா_நவரத்தினமாலை என்ற பாடலையும் தமிழில் இயற்றி அம்பிகைக்கு அர்ப்பணித்தார். இதனை தினமும் படித்து லலிதாம்பிகையை வழிபட சகல நலன்களும், அடைவது உறுதி. கிருத யுகத்திலிருந்து உள்ளது

இத்திருக்கோவில். சித்ரா பௌர்ணமியும் சுவாதி நட்சத்திரமும் வரும் நாள் மிக விசேஷமானது. அன்று வானில் இருந்து விழும் மழைத்துளி சிப்பியினுள் நுழைந்தால் அது நல்முத்தாக மாறிவிடும். அந்நாள் 3 ஆண்டுகளுக்கு ஒரு முறையே வரும். அந்த நந்நாளில் இத்தல லலிதாம்பிகைக்கு தங்கக்கவசம் அணிவிக்கப்பட்டு

சிறப்பு வழிபாடுகள் நடைபெறுவது வழக்கம். 1999 ஆம் வருடம் ஒரு பக்தையின் கனவில் அம்பாள் தங்கக்கொலுசு கேட்டதால், அவர் திருமீயச்சூர் ஆலய அர்ச்சகர்களிடம் தொடர்பு கொண்டு கேட்கையில் அம்பிகையின் சிலாரூபத்தில் கொலுசு அணிவிக்கும் அமைப்பு இல்லை எனத் தெரிவித்தனர். அந்த பக்தை மீண்டும்

வலியுறுத்திக் கேட்கையில் கவனத்துடன் தேடிப்பார்த்தனர். ஆண்டுக் கணக்கில் அபிஷேகம் செய்திருந்ததில் அபிஷேக பொருட்கள் கொலுசு அணிவிக்கக்கூடிய துவாரத்தை அடைத்திருந்தது கண்டுபிடிக்கப்பட்டது. அதன்பின் அம்பிகைக்கு தங்கக்கொலுசு அணிவிக்கப்பட்டது. சூரியனின் தேரோட்டியான அருணன் அந்தப் பதவியைப்

பெற மாற்றுத் திறனாளியாக இருந்த போதும் முயன்ற போது, சூரியனால் உடல் குறைபாடு சுட்டிக் காட்டப்பட்டு கேலி செய்யப்பட்டதால், சிவபெருமான் சூரியன் ஒளியிழக்கும் படி சபிக்க, தன் தவறு உணர்ந்து, சாபம் தீர தவம் செய்து சிவபெருமான அருளால் தன் கருமை நிறம் விடுபட்டு இங்கு வெளிச்சம் பெற்றார்.

சூரிய பகவான் தன் கருமை நிறத்திலிருந்து மீண்டதால் #மீயச்சூர் என்று வழங்கப் படுகிறது. சித்திரை 21 லிருந்து 27 வரை விடியற்காலையில் சூரிய கிரகணங்கள் ராஜகோபுரம் வழியாக துவஜஸ்தம்பம், பலிபீடம், மகாமண்டபம், அர்த்த மண்டபம் ஆகியவற்றைக் கடந்து கருவறையில் ஈசனின்(சுயம்பு லிங்கம்) மீது படர்வது

அற்புதமான நிகழ்வு. இந்த பூஜையில் அகத்தியர் எந்த வடிவிலாவது கலந்து கொள்வதாக ஐதீகம். அப்போது #மேகநாதஸ்வாமிக்கு நெல்லிக்கட்டை ஊறிய நீரால் அபிஷேகம் செய்யப்படுகிறது. சூரியனைப் போலவே யமதர்மராஜனும் சனீஸ்வரரும் மேகநாத சுவாமியிடம் அளவற்ற அன்பும் பக்தியும் கொண்டிருந்தனர். அதனால் யமனுக்கு

உகந்த சதய நட்சத்திரத்தன்று சுவாமிக்கு யமலோக விருட்சமான பிரண்டையை உணவாக்கி சாதத்துடன் கலந்து அன்னதானம் செய்து, தாமரை இலையில், சங்கு புஷ்பத்தை வைத்து அர்ச்சனை செய்தால் உடல் நோய்களும் பாவங்களும் அகலும் என்பது ஐதீகம். கருவறை தேவகோட்டத்தில் உள்ள சிற்பங்கள் சிற்பக் கலையின் மிகச் சிறந்த

கலைப்படைப்பாகும். உமையின் கோபத்தைப் போக்கும் நிலையில் கங்காதர மூர்த்தியாக உள்ள மூர்த்தியை #சேத்ரபுராணேசுவரர் என்று அழைக்கின்றனர். இச்சிற்பத்தில் அம்பாளில் முகத்தில் வலது புறம் கோபமாகவும், இடது புறம் பார்த்தால் புன்னகைத் தவழும் நிலையிலும் இருப்பதைக் காணலாம். கணவன் மனைவிக்கான

இணக்கத்தை காட்டும் வகையில் இச்சிற்பம் அமைந்துள்ளது. இக்கோவில் மயிலாடுதுறையில் இருந்து திருவாரூர் செல்லும் சாலையிலும் அருகிலுள்ள பேரளம் ரயில் நிலையத்திலிருந்து மேற்கே ஒரு கிலோமீட்டர் தொலைவிலும் அமைந்து உள்ளது. சென்று தரிசிப்போம்.
முகவரி
மேகநாதர் திருக்கோயில்
திருமீயச்சூர் அஞ்சல்

வழி பேரளம்
நன்னிலம் வட்டம்
திருவாரூர் மாவட்டம்
PIN – 609405
சர்வம் ஸ்ரீ கிருஷ்ணார்ப்பணம்🙏🏾