Thread by @anbezhil12

#மகாலட்சுமியை_அரவணைத்தபடி_பரஸ்பர_ஆலிங்கனம்
ஶ்ரீலட்சுமி நரசிம்ம சுவாமி திருக்கோயில் திருவள்ளூரில் இருந்து 20கிமீ தூரத்தில் உள்ள #நரசிங்கபுரம் என்னும் ஊரில் அமைந்துள்ளது. பழமையான வைணவ ஸ்தலங்களில் நரசிங்கபுரமும் தரிசிக்க வேண்டிய ஒன்று. இக்கோவில் சோழர்கள் மற்றும் விஜயநகர ராயர்கள்

காலத்தை பெருமைப் படுத்துகிறது. கோவிலில் உள்ள கட்டிடக்கலை, விஜயநகர காலத்தைச் சேர்ந்தது என்று நினைக்க வைக்கிறது. ஆனால் இங்கு சோழ மன்னர்களின் ஆட்சி கால கல்வெட்டுகள் உள்ளன. ஆண்டாள் சன்னதியின் அடித்தளத்தில் உள்ள கல்வெட்டுகளை தொல்பொருள் ஆய்வாளர்கள் மிகவும் பழமையானதாகவும், முதலாம்

குலோத்துங்க சோழன் மற்றும் முதலாம் விக்ரம சோழன் காலத்தைச் சேர்ந்ததாகவும் கருதுகின்றனர். மதுராந்தக நல்லூரில் மதுராந்தக விண்ணகர் கோயிலைக் கட்டி, ராமர் சீதை லட்சுமணன் சிலைகளை நிறுவியதைப் பற்றியும், அவர்கள் தினசரி பூஜைகள் நடத்த மானியங்கள் கொடுத்தது பற்றியும் கல்வெட்டுகளில் உள்ளன.

இக்கோயிலின் மூலவரான ஶ்ரீலட்சுமி நரசிம்மர் 7 1/2 அடி உயரத்துடன் வலது காலை கீழே வைத்து, இடது காலை மடித்து சிரித்த முகத்துடன், தாயார் மகாலட்சுமியை அமரவைத்து, தனது இடது கையால் தாயாரை அரவணைத்தபடி, வலதுகரத்தை அபயஹஸ்தமாக காட்டி அருள் பாலிக்கிறார். நரசிம்ம அவதாரத்தை குறிப்பிடுகையில்

சிங்கம் சிரித்தது என்பார் திருமங்கையாழ்வார். அதே போன்று சிரித்த முகத்துடன் பெருமாள் இருக்க, தாயாரின் பார்வை பக்தர்களை நேரடியாக பார்ப்பதாக இருப்பது தனிச்சிறப்பாகும். இத்தல மூலவர் பரஸ்பர ஆலிங்கனம் அமைப்பில் உள்ளதால் இவருக்கு #கல்யாண_லட்சுமி_நரசிம்மர் என்ற பெயரும் உண்டு. நரசிம்மர்

சுவாதி நட்சத்திரத்தில் அவதரித்தவர் என்பதால் இவரை 9 சுவாதி நட்சத்திர நாட்களில் வணங்கினால், தீராத கடன், நோய் மற்றும் திருமணத்தடை உள்ளிட்ட சகல தோஷங்களும் நிவர்த்தியாகும் என்பது ஐதீகம். உத்சவர் ஶ்ரீ பிரகலாத வரதர். இக்கோயிலில் கருடாழ்வார் 4 அடி உயரத்தில் கழுத்தில் 16 நாகங்களை

அணிகலன்களாக அணிந்து அழகாக அருள் பாலிக்கிறார். ஆதலால் இக்கோயில் நாகதோஷ பரிகார தலமாக விளங்குகிறது. இக்கோயிலில் 5 அடி உயரமுள்ள மரகதவல்லித் தாயார் அபயஹஸ்தத்துடன் வசீகரமான சிரிப்புடன் அருள்பாலிக்கிறார். முழு அலங்காரத்தில் தாயாரை தரிசிக்கக் கண் கோடி வேண்டும். பிரகாரத்தின் வடமேற்கில்

ஆண்டாள் சன்னதி அமைந்துள்ளது. பிரகாரத்தின் தெற்கில் ஆதிலட்சுமி, தான்யலட்சுமி, வீரலட்சுமி, கஜலட்சுமி ஆகியோர் அழகாக காட்சி தருகின்றனர். பிரகாரத்தின் மேற்கு பக்கம் சென்றால் சந்தானலட்சுமி, விஜயலட்சுமி, ஐஸ்வர்யலட்சுமி, தனலட்சுமி என அஷ்ட லட்சுமிகளையும் தரிசிக்கலாம்.
ஆனி பிரமோற்சவம் 10

நாட்கள், நரசிம்ம ஜெயந்தி, ஆடிப்பூரம், கருட சேவை, சுவாதி நட்சத்திரத்தில் திருமஞ்சனம், ஸ்ரீஜெயந்தி, கார்த்திகை தீபம், வைகுண்ட ஏகாதசி, அனுமன் ஜெயந்தி ஆகியவை இங்கு மிக விமர்சையாக கொண்டாடப்படுகிறது.
நாகதோஷம் நீங்க, தீராத கடன், நோய், திருமணத்தடை உள்ளிட்ட சகல தோஷங்களும் நிவர்த்தியாக

இத்தலத்தில் பிரார்த்தனை செய்கின்றனர். பக்தர்கள் பெருமாளுக்கும், தாயாருக்கும் அபிஷேகம் செய்தும், நெய் தீபம் ஏற்றியும் நேர்த்திக்கடனை செலுத்துகின்றனர். “நாளை என்பதில்லை நரசிங்கபுரம் நரசிம்மனிடத்தில்!” இத்தலம் உடனுக்குடன் பலன் தரும் பெருமை பெற்றது.
ஸ்ரீ அஹோபில மடம் 45ஆவது பட்டம்

ஸ்ரீமத் அழகிய சிங்கர் விஜயம் செய்து மங்களாஸாசனம் செய்துள்ளார்.
காலை : 7.30 AM TO 12.00 AM
மாலை: 4.30 PM TO 08.00 PM
ஸ்ரீ லக்ஷ்மி நரசிம்ம சுவாமி சேவா சபா டிரஸ்ட்,
நரசிங்கபுரம் (அஞ்சல்),
பேரம்பாக்கம் (வழி),
திருவள்ளுர் மாவட்டம் 631 402,
மெபைல் : 9442585638
: 9941038505

சர்வம் ஶ்ரீ கிருஷ்ணார்ப்பணம்🙏🏻

@threadreaderapp compile