Thread by @itzmedevi

It's #WorldElephantDay

யானைக்கு cancer வருமா?

மனிதர்களுக்கு புற்றுநோய்கள் வருவது நாம் அனைவரும் அறிந்ததே. பலசெல்உயிரிகள் அனைத்திற்குமே புற்றுநோய் வருவதற்கான வாய்ப்பு அதிகமெனில் யானை போன்ற மிகப்பெரிய, எண்ணிக்கையில் அதிக செல்களை கொண்டவிலங்கிற்கு அதிகமாக cancer வருமா?
(1/12)

Surprisingly, வருவதற்கான வாய்ப்பு மிக மிகக்குறைவு.
அது எப்படி சாத்தியம்? வாங்க பாக்கலாம்.

Thread கொஞ்சம் technicalஆ போகும்போது adjust பண்ணிக்கோங்க. (2/12)

பலசெல்உயிரிகளின் உடலில் இருக்கும் ஒவ்வொரு செல்லுக்குமே குறிப்பிட்ட ஆயுட்காலம் உண்டு. தன் ஆயுட்காலம் முடிந்த செல் நிர்ணயிக்கப்பட்ட மரணப்பாதையை (apoptosis) தேர்ந்தெடுத்து தன்னை மாய்த்துக்கொள்ளும். மேலும் ஒரு செல் இரண்டு செல்லாக பிரிந்து செல்களின் பெருக்கம் நிகழும் போதும் கூட (3/12)

குறிப்பிட்ட எண்ணிக்கையிலேயே அந்த செல்களின் பெருக்கம் இருக்கும். அந்த எண்ணிக்கையை தொட்டவுடன் செல்கள் முதுமை அடைந்து பின் மரணமடையும்.

எனவே மனிதர்கள், நாய், பூனை முதலான அத்தனை பலசெல்உயிரிகளின் செல்களுமே வளரும், பெருகும், பின் மரணமடையும். (4/12)

இந்த பெருக்கத்திற்கும் மரணத்திற்குமான சுழற்சியில் மாறுபாடு ஏற்படும் போதும், செல்களின் மரபணுத்தொகுப்பு (genome) கூட்டமைப்பு (integrity) சிதறும் போதும் செல்கள் கட்டுப்பாடு இழந்து புற்றுநோய் கட்டியாய் உருவெடுக்கின்றன. (5/12)

கட்டுப்பாடை இழந்த நிலையே புற்றுநோயை உருவாக்கும் என்றால் அந்த கட்டுப்பாடை நம் உடலுக்குள் கையாள்வது யார்?

அந்தக்கட்டுப்பாடு பல மரபணுக்களின் கூட்டுமுயற்சியால் சாத்தியப்படுகின்றது. அவற்றில் மிக முக்கியமானது tumor suppressor மரபணுக்கள். (6/12)

செல்களின் வளர்ச்சியை கட்டுக்குள்ளும், செல் தன்னிலை மாறும்போது அதனை மரணத்திற்க்கான பாதைக்கு இட்டு செல்வத்திலும் அரும்பங்காற்றுவது இந்த tumor suppressorகள் தான். (7/12)

பல tumor suppressorகள் நமக்கு இருந்தாலும் p53 எனப்படும் மரபணு தான் நம் செல்களின் மரபணுத்தொகுப்பின் நிலை பிறழாமல் இருப்பதற்கும், ஏதேனும் செல் கட்டுப்பாடு இழந்தால் அதனை மரணத்திற்கு இட்டுச்செல்வதற்குமான பணியைச் செய்கின்றது. (8/12)

சுருக்கமா சொல்லணும்னா இந்த p53 தான் நம்ம உடம்போட காவல் தெய்வம் (guardian of the genome).

புற்றுநோயில் இருந்து காப்பாத்திக்க மனிதனுக்கு இந்த p53 மரபணு 2 நகல்கள் இருக்கின்றன. ஆனா இதுவே யானைக்கு எத்தனை இருக்குன்னு தெரியுமா? Guess பண்ணுங்க. (9/12)
#அறிவோம்_மரபியல்

யானைக்கு மொத்தம் 40 நகல்கள் p53 மரபணுக்கள் (20 ஜோடிகள்) உள்ளன. இத்தனை p53 மரபணுக்களும் LIF6 எனப்படும் யானையின் பரிணாமவளர்ச்சியில் உயிர்பெற்ற இன்னொரு மரபணுவும் சேர்ந்து யானையை புற்று நோயில் இருந்து காக்கின்றன. (10/12)

இந்த மரபணுக்களுடன் சேர்ந்து யானையின் மிக நிதானமான வளர்சிதை மாற்றமும் (metabolism) புற்றுநோய் தடுப்பில் முக்கிய பங்கு வகிக்கலாம் என்றும் ஆராய்ச்சியாளர்கள் நம்புகின்றனர். (11/12)

Thanks to Parveen Kaswan, IFS for the first elephant image.

https://twitter.com/ParveenKaswan/status/1557901078603018240?s=20&t=h8QMShIaYjWNY65kCLmPHw

nature.com/articles/natur…
quantamagazine.org/a-zombie-gene-…

(12/12)