Thread by @Riaz_Hussain77

پنجاب کی تہذیب و تمدن اور زبان کے ساتھ جو سلوک آج
#پنجابی کررہے ہیں وہ ایک المیہ ہے

آپ اس سوال پر غور کریں کہ پنجاب کی مختلف حکومتوں اور قانون ساز اسمبلیوں میں #پنجابی زبان کا داخلہ کیوں ممنوع ہے
باقی تمام صوبوں میں صوبائی زبان میں بات کرنے کی اجازت ہے۔ آئین کے مطابق
👇1/11

علاقائی زبانوں کا تحفظ ہونا ہے
سیاسی؍عسکری حکومتوں کو اس غفلت کا احساس دلایا ہے لیکن ابھی تک کوئی نتیجہ برآمد نہیں ہوا۔

یہ رویہ پنجاب کے خلاف سازش ہے۔
اردو کو پرموٹ کرنے کیلئے پنجابی زبان کے خلاف پریپوگنڈا کیا گیا

پاکستان بننے کے بعد پنجابی زبان کا قیمتی فکری ورثہ بھی
🙏2/11

ہماری نوجوان نسل کی پہنچ سے باہر ہو چکا ہے۔ پنجابی زبان علم و عرفان کے خزانوں کی رکھوالی ہے۔
بابا فریدؒ اور بابانانک جیسی عظیم شخصیتوں نے صدیوں پہلے اس زبان کے ذریعے معاشرتی تبدیلی کی بنیاد رکھی۔ پنجابی زبان سے خوف کی ایک وجہ یہ ہے کہ یہ خطہ کی وہ واحد زبان ہے جو ایشیاء
👇3/11

میں پہلی بار آٹھ صدیوں پہلے ظلم و استبدال و استحصال اور مکروہ سیاسی معاشی نظام کے خلاف مزاحمت کا تصور لے کر ابھری تھی۔ بابابلھے شاہ، سید وارث شاہ، شاہ حسین اور سلطان باہو جیسی عظیم شخصیتیں اسی پنجاب میں پیدا ہوئیں جنہوں نے تکریم آدم کے تصور کو ادبی سطح پر اجاگر کرنے
👇4/11

میں بھرپور کردار ادا کیا۔
بابافریدؒ کی روحانی تعلیمات نے
گرو گرنتھ صاحب میں محفوظ ہو کر پنجاب میں روحانی ادب کی اوّلین قابل قدر صورت اختیار کی۔ اس دور میں ادب ہی وہ میدان تھا جس کے ذریعہ ہم عصر نظام پر تبصرہ ممکن تھا
کیونکہ معروف سیاسی ذمہ داری جمہوری نظام کی عدم موجودگی
👇5/11

میں قصے، کہانیوں، اکھان، پتلی تماشوں اور منظوم ادب ہی میں اشارے کنائے سے ہم عصر سیاسی رجحانات اور زندگی کے نشیب و فراز پر مؤثر انداز میں بات ہو سکتی تھی۔ معاشرہ میں جلسے، جلوس اور تقاریر کا تصور ہی نہ تھا۔ عوام کی تربیت کا واحد مؤثر ذریعہ خانقاہ تھی جہاں اخوت اور مساوات
👇6/11

کا نظام تھا
اس پس منظر میں بابا فرید
کےنظریاتی دوہڑے تربیت کا ذریعہ اور بیداری کا پیغام بن گئے
بابا فرید نےدو دو مصرعوں پر مشتمل شلوک مرتب کئےان اشعار میں حکمت و دانائی کےعلاوہ عمل و عرفان کی ترغیب تھی
باباجی نےمروجہ فارسی، عربی زبان کی بجائے پنجابی زبان میں ادب پیدا کیا
👇7/11

تاکہ عام انسان کا شعور بیدار ہو۔ ان کے پیغام کا مخاطب عام انسان تھا اگرچہ اپنے اشعار میں اہل ثروت کو مخاطب کر کے انہیں بھی زندگی کی تلخ حقیقتوں پر غور و فکر کی دعوت ملتی ہے۔بابافرید اچھی طرح جانتے تھے کہ صدیوں سے ابلاغ کا یقینی ذریعہ زبان کی ہی صورت میں ممکن تھا۔
👇8/11

انہیں اپنا انقلابی پیغام لوگوں تک پہنچانا تھا لیکن کون سی زبان ان کے انسان دوست پیغام کی امین بنے گی؟ فارسی یا عربی۔

فارسی درباری زبان تھی جبکہ عربی زبان پر مُلّا کا قبضہ تھا۔ مُلّا نے قرآن و سنت پر پہرے بٹھائے ہوئے تھے۔ اسلامی تعلیمات کا مقامی زبانوں میں ترجمہ کرنے
👇9/11

کی اجازت نہ تھی۔ مُلّا اپنی علمی حدود میں عام انسانوں کو شامل کرنے سے انکاری تھا۔بابا فرید کی پیدائش پنجاب کی تھی اور اپنے مرشد کے وصال کے بعد وہ پہلے پنجابی صوفی تھے جن کو چشتی روحانی سلسلہ کی صدرنشینی کا اعزاز ملا تھا۔ ان کے مرشد کا مقام دِلّی تھا جو تخت شہر تھا
👇10/11

لیکن بوجوہ بابا فرید جی نے پنجاب کے وسط میں ہجرت کرنے کا فیصلہ کیا جہاں عام انسان پنجابی زبان کے سہارے اپنے شب و روز گزار رہا تھا۔
ادب کے ساتویں آسمان پر براجمان پنجابی زبان کو پنجابی عوام بولتے شرمارے ہیں
جبکہ یہ باعث فخر ھے
#پنجابی_مر_رہی_ھے
ختم شد
پلیز فالو شیئر کریں👇