Thread by @anbezhil12

#பிள்ளையார்_சதுர்த்தி_ஸ்பெஷல்
யானை முகம் இன்றி மனித முகத்துடன் காட்சி அளிக்கும் #ஆதிவிநாயகர்_கோயில் உலகின் எல்லா இடங்களிலும் யானையின் தலையுடன் விநாயகரைக் காணலாம். ஆனால் சுவர்ணவல்லி அம்பிகா சமேத முக்தீஸ்வரர் சிவன், ஆதி விநாயகர் கணபதி கோயிலில் மட்டும் விநாயகரை மனித தலையுடன் காண

முடியும். இந்தக் கோயில் மாயாவரம் அருகே பூந்தோட்டம் கிராமத்திற்கு அருகில் உள்ள திலதர்பனபுரியில் (இதன் தற்போதைய பெயர் செதிலபதி) அமைந்துள்ளது. கோயிலின் முக்கிய தெய்வங்கள் சிவன் மற்றும் கணபதி. மகா சிவராத்திரி மற்றும் விநாயகருக்கான பூஜை தினங்கள் இங்கே முக்கிய விழாக்கள். இங்கு மனித

முகத்துடன் ஆதி விநாயகர் என்ற பெயரில் தனிச் சன்னதியில் காட்சியளிக்கிறார். ஸ்ரீ அகஸ்தியர் மாதந்தோறும் சங்கடஹர சதுர்த்தி தினத்தில் தூல, சூக்ஷ்ம வடிவுகளில் நேரடியாகவே வழிபடும் பிள்ளையார் மூர்த்தி இவர். கி.பி ஏழாம் நூற்றாண்டில் இந்த கோயில் கட்டப்பட்டதாக தெரிகிறது.
இத்தலத்தில் ஓடும்

அரசலாறு வடக்கிலிருந்து தெற்கு நோக்கி பாய்கிறது. இது போன்று வடக்கிலிருந்து தெற்கு நோக்கி பாயும் நதி, ஆறுகள் அருகே அமைந்துள்ள கோயிகள் பரிகாரத்துக்கும், தர்பணத்திற்கும், வழிபாட்டுக்கும் மிகச் சிறந்தவை. முன்னோர் சாபம், பெற்றோர் சாபம், பசு, குரு, சுமங்கலி, பிரம்மச்சாரி, பூமி, தெய்வ

சாபம் போன்ற எல்லாவகையான சாப பாதிப்புகளுக்கும் விமோசனம் தரும் அரிய தலம் இது . அறிந்தோ அறியாமலோ செய்த தவறுகளால் ஏற்பட்ட சாபத்தால் பாதிக்கப் பட்டவர்கள் மனம் வருந்துவோர், இத்தலத்துக்கு வந்து மன ஆறுதலும், சாப விமோசனமும் பெறுகிறார்கள். இக்கோயில் முன்னோர்களுக்கு சத்கதியை வழங்கும்

திருத்தலமாகவும் உள்ளது. அமாவாசை நாளில், பித்ரு தோஷங்களில் இருந்து விடுபடவும், மூதாதையர்களுக்கு நினைவு கூறவும் தர்பண சடங்குகளைச் செய்கிறார்கள். ராமர் தனது தந்தை தசரதருக்கு இறுதி சடங்குகளை காசி, ராமேஸ்வரம் உட்பட பல புனித தலங்களில் செய்தார், ஆனால் தசரதரால் முக்தி பெற முடியவில்லை.

பின்னர் ராமர் இப்பிரச்சினைக்கு தீர்வு காண சிவனை வழிபட்டார். சிவபெருமான் அவர் முன் தோன்றி, திலத்தர்பனபுரி முக்தீஷ்வரர் சிவன் ஆதி விநாயகர் கோவிலில் சடங்குகளை செய்யச் சொன்னார். அதன்படி, ராமர் இக்கோவிலில் தந்தை தசரதருக்கும், ஜடாயுவிற்கும் தர்ப்பணம் கொடுத்து முக்தி பெற வைத்தார்.

மேற்கு நோக்கிய தனி சந்நதியில் ஆதி விநாயகர் பாசம், அங்குசம் ஏந்தி ஆனந்த முத்திரை, ஊரு, ஹஸ்த முத்திரை இரண்டையும் தரித்து ஒரு காலை மடித்து மற்றொரு காலை தொங்கவிட்ட திருக்கோலத்துடன் அருள்கிறார். இந்த விநாயகரிடம் பிரார்த்தனை செய்து காரிய சித்தி ஆனவர்கள், இவருக்கு அருகம்புல் மாலை சாத்த

சூறைத்தேங்காய் உடைத்து தம் நன்றிக் கடனை தெரிவிக்கிறார்கள். குடும்பத்தில் பெற்றோர்கள், பிள்ளைகள் இடையே சுமூகமான, சாந்தமான உறவு நிலை ஏற்பட வழிபட வேண்டிய மிகவும் சக்தி வாய்ந்த விநாயகர் இவர். பள்ளி பருவத்தினருக்கு நல்ல ஞாபக சக்தியை அளிக்கவல்ல விநாயகர். மயிலாடுதுறை to திருவாரூர்

வழியில் மயிலாடுதுறையிலிருந்து 10கிமீ தூரத்திலுள்ள பூந்தோட்டத்தில் இறங்கினால் 0.6 கிமீ தூரத்தில் கூத்தனூர் சரஸ்வதி கோவில். அங்கிருந்து 2.6 கிமீ தூரத்தில் திலதர்பணபுரியில் முக்தீஸ்வரர் ஆலையம் உள்ளது. பூந்தோட்டத்தில் இருந்து ஆட்டோ வசதி இருக்கிறது.
சர்வம் ஸ்ரீ கிருஷ்ணார்ப்பணம்🙏