Thread by @pagli_Says

ایک بوڑھے شیخ کو اپنا مرغا بہت پیارا تھا اچانک ایک دن وہ چوری ہوگیا۔ اس نے اپنے نوکر چاکر دوڑائے، پورا قبیلہ چھان مارا مگر مرغا نہیں ملا۔
ملازموں نے کہا مرغے کو کوئی جانور کھا گیا ہو گا۔ بوڑھے شیخ نے مرغے کی کھال اور پر ڈھونڈنے کا حکم دیا۔ ملازم حیران ہو کر ڈھونڈنے نکل پڑے مگر👇

بے سود۔
شیخ نے ایک اونٹ ذبح کیا اور علاقے کے عمائدین کی دعوت کر ڈالی۔ جب وہ کھانے سے فارغ ہوئے تو شیخ نے ان سے اپنا مرغا گم ہو جانے کا ذکر کیا اور ان سے اسے ڈھونڈنے میں مدد کی درخواست کی۔
کچھ زیر لب مسکرائے، کچھ نے بوڑھے شیخ کو خبطی سمجھا، مگر وعدہ کیا کہ کوشش کریں گے۔ باہر نکل👇

کر مرغے کی تلاش میں اونٹ ذبح کرنے پر خوب گپ شپ کی۔
کچھ دن بعد قبیلے سے بکری چوری ہو گئی، غریب آدمی کی تھی بیچارہ ڈھونڈ ڈھونڈ کر خاموش ہو گیا۔ شیخ کے علم میں جب یہ بات آئی تو اس نے پھر ایک اونٹ ذبح کیا اور دعوت کر ڈالی، جب لوگ کھانے سے فارغ ہوئے تو اس نے پھر مرغے کی تلاش اور 👇

بکری کا قصہ چھیڑا اور قبیلے سے کہا اس کا مرغا ڈھونڈیں۔ اب کی بار کچھ نے اسے برا بھلا کہا، کچھ نے دلاسہ دیا کہ اتنی بڑی بات نہیں صبر کر جاؤ مرغے کی قیمت سے زیادہ کا اپنا نقصان کر چکے ہو۔
ابھی تین ہی دن گزرے تھے کہ ایک اور شیخ کا اونٹ رات کو اس کے گھر کے سامنے سے چوری ہو گیا۔ اس 👇

نے اپنے ملازمین کو خوب برا بھلا کہا اور خاموش ہو گیا کہ ایک اونٹ اس کے لئے اتنی وقعت نہیں رکھتا تھا۔
بوڑھے شیخ کو جب اس واقعہ کا علم ہوا تو اس نے پھر ایک اونٹ ذبح کیا اور دعوت کر ڈالی۔ جب سب کھانے سے فارغ ہوئے تو اس نے اونٹ کے گم ہونے کا سرسری ذکر کیا اور اپنا مرغا ڈھونڈنے کی 👇

التجا کی۔ اب تو محفل میں خوب گرما گرمی ہوئے اور بوڑھے سے کہا گیا کہ اب اگر اس نے اپنے مرغے سے متعلق بات کی تو سارا قبیلہ اس کے ساتھ قطع تعلق کر لے گا۔
شیخ کے بیٹوں نے بھی مہمانوں سے رخصت ہوتے وقت معذرت کی اور شرمندہ ہوئے کہ ایک مرغے کی وجہ سے تین اونٹ بھی ذبح ہوئے اور شرمندگی 👇

الگ ہوئی یقیناً انکا باپ سٹھیا گیا ہے۔
پندرہ دن گزرے، قبیلے کی ایک لڑکی کنویں سے پانی بھرنے گئی اور پھر واپس نہیں آئی، علاقے میں کہرام مچ گیا پورے قبیلے کی عزت داؤ پر لگ گئی۔
نوجوانوں نے جتھے بنائے اور تلاش شروع کر دی، پہلے گاؤں پھر ارد گرد پھر مزید گاؤں کے لوگ شامل ہوئے اور 👇

ارد گرد کے گاؤں سے معلومات کیں تو پتا چلا کہ کچھ ڈاکو قریب کے پہاڑ پر کچھ عرصہ سے رہ رہے ہیں۔
گاؤں کے لوگوں نے چھاپا مارا ڈاکوں کے ساتھ لڑائی ہوئی، دوران لڑائی کچھ اموات بھی ہوئیں مگر لڑکی برآمد کر لی گئی، تب انہیں احساس ہوا کہ بوڑھا شیخ کا طوفان کے آنے کا عندیہ دے رہا تھا۔ 👇

اگر لوگ مرغے کی گمشدگی پر ہی متحد ہو جاتے تو بات آبرو تک نا پہنچتی۔
"ترجمہ: بالیقین ہم انہیں قریب کے چھوٹے سے بعض عذاب اس بڑے عذاب کے سوا چکھائیں گے تا کہ وہ لوٹ آئیں (السجدہ21)"
اللہ تعالیٰ بڑی تکلیف سے پہلے چھوٹی تکلیف سے تنبیہہ فرماتا ہے تاکہ اہل عقل سمجھ جائیں اور اپنی اور 👇

اپنے ملکیتی ریوڑ پر توجہ دیں قبل اس کے کہ اسے بھیڑیے نوچ کھائیں۔
اللہ تعالیٰ نے قوم کی اخلاقی پستی، گراوٹ اور غلط سیاسی فیصلوں کی وجہ سے ان کو ایک عرصے سے مہنگائی، بےروزگاری، دھماکوں، لوڈشیڈنگ ، سیلابوں، زلزلوں اور دیگر کئی ایک چھوٹے عذابوں میں مبتلا کر کے مسلسل تنبیہہ فرماتا 👇

رہا ہے کہ وہ اپنے اصل اور حقیقی مقصد کی طرف لوٹ آئیں۔
اب بھی وقت ہے اپنی اصل اپنے تخلیق کئے جانے کے مقصد کو پہچانیں، نفسی و ذاتی خواہشات کو لامحدود مت چھوڑیں۔ اپنے لئے اٹھیں آگہی حاصل کریں کون آپ کے لئے اچھا اور مخلص ہے اسکا ساتھ دیں اپنے بچوں کے مستقبل کا سوچیں لالچ نے ہمارے 👇

بڑوں کو تباہ کیا اور یہی لالچ ہمیں خوار کر رہا ہے ۔ جو آپ کو بوڑھے شیخ کی طرح آنے والی مشکلات سے بار بار خبردار کر رہا ہے اسکا ساتھ دیں۔
اللہ تعالیٰ ہمیں ہدایت دے اور ہمیں، ہماری نسلوں کو حقیقی آزادی کے ساتھ جینا نصیب کرے آمین
#نوری
#اصلاح_معاشرہ
@threadreaderapp
#unroll