#சடாரி சடாரி அல்லது சடகோபம் என்பது திருமாலின் திருப்பாதம் பொறிக்கப்பட்ட கிரீடமாகும். இந்த சடாரி வைணவ கோவில்களில் இறை தரிசனத்திற்கு பிறகு, பெருமாளின் திருவடிகளாக பாவித்து, பக்தர்களின் தலையில் வைத்து எடுக்கப் படுகிறது. சடகோபன நாலாயிர திவ்யபிரபந்த பாடல்களை பாடியதால் நம்மாழ்வாராக 
அறியப் படுகிறார். சடாரி சாற்றப் படுவதற்கு வைணவ சம்பிரதாய ரீதியாக ஒரு காரணம் சொல்லப்படுகிறது. ஒரு குழந்தை தாயின் கருப்பையிலிருந்து வெளியே வந்தவுடன், இந்த பூவுலகத்தில் உள்ள மாயை அந்த குழந்தையை பிடிக்கும் வகையில் செயல்படும் வாயு ‘சடம்’ என்று சொல்லப்படுகிறது. ஒவ்வொரு குழந்தையும் கர்ம
வினைகளால் கட்டுப்பட்ட இந்த பூமியில் பிறக்கும் பொழுது, அதன் உச்சந்தலையில் சடம் என்ற காற்று படுகிறது. அவ்வாறு பட்டவுடன், குழந்தை அதன் முன் ஜென்ம நினைவுகளை மறந்து, உலக மாயையில் சிக்கிக் கொள்கிறது. மாயையை தோற்றுவிக்கும் சடம் என்ற அந்த வாயு உச்சந்தலையில் படும் காரணத்தால் குழந்தைகள்
பிறந்தவுடன் அழுகின்றன என்பது நம்பிக்கை. ஆனால், சடம் என்ற வாயுவால் பாதிக்கப் படாதவர் ‘வேதம் தமிழ் செய்த மாறன்’ என்று போற்றப்படும் நம்மாழ்வார். பிறக்கும் குழந்தைகள் அழுவது உலக நியதி. ஆனால் இவர் பிறந்த போது அழாமல் உலக இயற்கைக்கு மாறாக இருந்தார். அதன் காரணமாக, அவருக்கு மாறன் என்று
பெயர் வந்தது. #விஷ்வக்சேனரின் அம்சமாக பிறந்த #நம்மாழ்வார் தாயின் கருப்பையில் இருக்கும்போதே, சடம் என்னும் வாயுவை கோபமாக பார்த்ததால் #சடகோபன் என்றும் அழைக்கப்படுகிறார். அவரை திருமாலின் திருவடி அம்சம் என்று கூறப்படுவது சம்பிரதாயம் ஆகும். அதன் அடிப்படையில், பெருமாளின் பாதங்களில்
சடகோபம் என்ற சடாரி வைக்கப்பட்டு பூஜை முடிந்த பின்னர் அது பக்தர்களின் தலையில் வைக்கப்படுகிறது. நம்மாழ்வாரையே பெருமாளின் திருப் பாதங்களாக பாவித்து பக்தர்களுக்கு சடாரி சார்த்தப்படுகிறது. அதன் மூலம் பக்தர் மனதில் உள்ள அகந்தை அகன்று, மனதில் அமைதியும் மகிழ்ச்சியும் குடிகொள்ளும்.
சம்பிரதாய ரீதியாக சடாரி வைக்கும் போது, குனிந்து, புருவங்களுக்கு மத்தியில், வலது கை நடுவிரலை வைத்து, வாய் பொத்தி ஏற்றுக் கொள்வது முறையாகும். வானமாமலை தலத்தில் மட்டும் சடாரியில் நம்மாழ்வாரின் உருவம் பொறிக்கப் பட்டுள்ளது. பொதுவாக பெருமாளை தரிசனம் செய்யும் போது நாம் முதலில் அவருடைய
திருப்பாதங்களை தான் பார்க்க வேண்டும் அதன் பிறகே மேல் நோக்கி அவர் திருமுகத்தை பார்க்க வேண்டும் என்பது நியதி (பாதாதிகேசம்). பெருமாளை விட, அவருடைய திருப்பாதங்களுக்கு மதிப்பு அதிகம். ராமர் ஆட்சி செய்த காலத்தை விட, அவருடைய திருப்பாதுகை ஆட்சி புரிந்த ஆட்சி காலம் மிகவும் மேன்மையாகப்
பேசப்பட்டது. பெருமாளுடைய திருப்பாதங்களை பணிந்து ஆசீர்வாதம் பெறுவதற்கு இணையானது தான் சடாரி பெறும் வழிமுறை. இதனால் நமக்கு இருக்கும் ஆணவம் அழிந்து பக்தி மேம்படும். பெருமாள் கோவில்களில் கட்டாயம் சடாரி வைத்து, துளசி தீர்த்தம் கொடுத்து வழி அனுப்புவார்கள். ஒவ்வொரு முறை நாம் பெருமாள்
கோவிலுக்கு செல்லும் பொழுதும் சடாரியை நாம் நம் தலையில் வைத்துக் கொள்ளும் எண்ணிக்கைக்கு ஏற்ப நம் தலையெழுத்து நன்முறையில் மாறும் என்பது ஐதீகம். பாதுகையை நம் தலையில் கோயில் பட்டர்கள் வைக்கும்போது அதன் மூலமாய் பெருமாள் திருவடி சம்பந்தம் நமக்கு ஏற்பட்டு விடுகிறது. இந்த வகையில் நமக்குப
பெருமாள் திருவடியை ஸ்பரிசம் அருளியவர்கள் இருவர். ஒருவர் ஆழ்வார், மற்றது பாதுகை. ஆகவே இருவருக்கும் சடாரி என்ற திருநாமம் இருப்பதில் வியப்பில்லை. ஆழ்வாருடைய அமுதத் திருவாய் ஈரத்தமிழைப் பயின்று எம்பெருமானை அடிபணிவோர்க்குப் பரமனருள் சித்திக்கும். அதற்குப் பாக்கியமில்லாதவர்களுக்கு,
பாதுகை அப்பேற்றை அளிக்கிறது. #சுவாமி_தேசிகனின் பெருமை அவர் வடமொழியில் அருளிச் செய்துள்ள #பாதுகா_ஸஹஸ்ரம் என்னும் ஸ்தோத்திரம் அதை அருளுவதற்கான காரணம் என்ன? பகவானுடைய திருவடி மகிமையை பக்தர்களாகிய நாம் அறிந்து உய்யும்படி தாய் போன்ற கருணையுடன் ஆயிரம் பாடல்கள் பாடினார் நம்மாழ்வார்.
அந்த இன்தமிழ் ஆயிரத்துக்கு பிரதி சம்பாவனையாக ஆழ்வாருக்கு வட மொழியில் ஆயிரம் சமர்ப்பித்தார் நம் தேசிகன். சிலருக்கு வாழ்க்கையில் தீராத பிரச்சனைகளும் கஷ்டங்களும் அனுபவித்துக் கொண்டிருப்பவர்கள் அடிக்கடி பெருமாள் கோவிலுக்கு சென்று சடாரியை சாற்றிக் கொள்வதால் அவர்கள் கர்மவினைகள்
தீர்ந்து நன்மைகளை அடைவார்கள்.
இந்த புரட்டாசியில் பெருமாள் கோவில் சென்று சடாரி சாற்றிக் கொள்வோம்.
சர்வம் ஸ்ரீ கிருஷ்ணார்ப்பணம்🙏🏾
இந்த புரட்டாசியில் பெருமாள் கோவில் சென்று சடாரி சாற்றிக் கொள்வோம்.
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
