Thread by @thamizharivan_2

#BabriMasjid #🧵- சமத்துவத் தந்தை புரட்சியாளர் #அண்ணல்_அம்பேத்கர் நினைவு நாள் - @thamizharivanAJ மீள்பதிவு.

சமத்துவத்தை விரும்பும் அனைவருக்குமான தலைவரை ஒடுக்கப்பட்ட இனங்களுக்கு மட்டுமான தலைவராக ஆக்கவே இந்துத்துவம் திட்டமிட்டு டிசம்பர் 6, 1992 அன்று பாபர் மசூதியை இடித்தது.

1/

மாட்டு மூத்திரம் குடித்தால் புற்றுநோய் வராது, கொரானாவே ஓடிவிடும் என்றெல்லாம் சிந்திக்கும் கூட்டத்துக்கு எப்படி அம்பேத்கரின் சிந்தனை வெளியை முடக்கிட திட்டமிடும் அளவுக்கான கட்டமைப்பும் கோட்பாடும் வந்தது?

2/

கடந்த நூற்றாண்டில் எழுந்த இந்துத்துவம் எனும் அடிப்படைவாத வலதுசாரிக் கோட்பாட்டுக்கு தந்தையாக பார்க்கப்படும் சாவர்க்கர், ஆங்கிலேயரின் காலை நக்கி சிறைவாசத்திலிருந்து தப்பித்தது மட்டுமல்ல, இந்த கோட்பாட்டையே சியோனிசத்திடமிருந்து தான் ஆட்டையப் போட்டார்.

3/

1890-களில் தியோடர் ஹெர்சில் எனும் ஹங்கேரியை சேர்ந்த யூத எழுத்தாளர் தான் யூதர்களுக்கான தனி நாடு வேண்டும், அது யூதர்களின் தொடக்கக் கால வாழ்விடமான பாலஸ்தீனமாகவே இருக்க வேண்டும் என்று மொழிந்தார். அக்கருத்தை வெறும் பேச்சோடு அல்லாமல்,

4/

யூதர்களின் புராணக் கதையான சாலமன் கதையை வைத்து பாலஸ்தீனின் ஜெருசலத்தில் உள்ள அல்-அக்சா மசூதி இருக்கும் இடத்தில் தான் சாலமன் கட்டிய தேவாலயம் இருந்ததாகவும், அதனை அமெலிக்கியர்கள்(பாலஸ்தீனியர்கள்) இடித்துவிட்டு அதே இடத்தில் மசூதியை நிறுவியதாகவும் சொல்லி,

5/

ஒட்டுமொத்த பாலஸ்தீனத்தையே யூத நாடாக்க வேண்டுமெனவும் மொழிந்தார்.

இந்த கோட்பாட்டைத்தான் சியோனிசம் #Zionism
என்பதான கருத்தாக்கமாக்கினார்.

இதுவே மக்களாட்சி நாடுகளில் அகம் புகுந்த முதல் மத அடிப்படைவாத வலதுசாரிக் கருத்தியல் கோட்பாடு.

6/

இதனைத் தான் பல்தேசிய இனங்கள் வாழும் இந்தியத்துணைக்கண்டத்தின் சூழலுக்கேற்ப 'பட்டி டிங்கரிங்' பார்த்து பார்பனியத்தை இந்துத்துவமாக்கி, பனியா பொருளாதாரக் கட்டமைப்புடன் வளர்த்தெடுக்க திட்டம் தந்தார் சாவர்க்கர்.

இவரை சங்பரிவார்கள் கொண்டாடுவதற்கான காரணம் இதுவே ஒழிய,

7/

நேதாஜியின் இந்திய தேசியப் படையை ஆங்கிலேயர்களுடன் சேர்ந்து ஒடுக்கிய இவரை 'விடுதலைப் போராளி' எனும் பொய்ப்புரட்டுக்காக அல்ல.

சியோனிசத்துக்கும், இந்துத்துவத்துக்கும் உள்ள ஒரே வேறுபாடு, யூதர்கள் பாலஸ்தீனியர்களை ஒட்டுமொத்தமாக அப்புறப்படுத்திவிட்டு சாலமன் ஆலயத்தை கட்ட விழைகின்றனர்.

8/

இங்கு இந்துத்துவமோ ராமர்கோவிலை வைத்து இந்தியத் துணைக்கண்டத்தின் தேசியஇனங்களின் அடையாளங்களை அழித்துவிட்டு, ஒரே நாடாக இந்து ராஷ்ட்ரத்தை அமைக்கப் பார்க்கின்றனர். அதுவும் மனு 'அதர்ம' நீதியை அரசமைப்பாகக் கொண்ட காவிராஷ்டிரியமாக நிறுவப் பார்க்கின்றனர்.

9/

இஸ்லாமியர்கள் இந்தியாவின் அதிகமானோர் பின்பற்றும் சமயமாக இருப்பதென்பதுடன், வலதுசாரித்துவ இஸ்ரேல் கூட்டணிக்கும் வலுசேர்க்குமென்பதால் தான் சு.சாமி, கு.மூதி போன்ற பார்ப்பனக் கூட்டத்தின் நாக்பூர் தலைமையகம் இஸ்லாமியர்களை வைத்து இந்த வேலையை நடத்தி வருகின்றது.

10/

இராமர் கோயில் முன்னெடுப்பு சட்டத்துக்குப் புறம்பானது மட்டுமல்ல, அடிப்படையில் மனிதத் தன்மையற்றது. பாபர் மசூதி இடிப்பு வழக்கின் சட்டப்புறம்பான தீர்ப்பை எதிர்த்து போடப்பட்ட சீராய்வு மனு நிலுவையிலிருந்த நிலையிலும் அவசர அவசரமாக இராமர் கோயில் பணிகள் நடந்தேறின.

11/

ஒருவேளை இஸ்லாமியர்களை விட கிறித்தவர்கள் மக்கள்தொகையில் அதிகமாக இருந்திருப்பின் இந்துத்துவம் இதனை அவர்களை வைத்து நடத்தேற்றியிருக்கும். அயோத்தியில் பாபர் மசூதி- ராமஜென்மபூமி, மதுராவில் ஷாகி ஹித்கா மசூதி- கிருஷ்ணஜென்மபூமி போன்ற உருட்டுகளுக்குப் பதிலாக வேளாங்கன்னி தேவாலயம்

12/

மச்சாவதார ஜென்மபூமி இந்துக்களே ஒன்றிணையுங்கள் என்று உருட்டியிருப்பர்.

சியோனிசத்துக்கும் இந்துத்துவத்துக்கும் பிரித்தாள மதம் ஒரு சாக்கு மட்டுமே; அதனை வைத்து தங்கள் முதலாளித்துவ நிறுவனக் கட்டமைப்பைப் பாதுகாக்க வேண்டும் என்ற ஒன்றுதான் அவர்களின் அடிப்படைக் குறிக்கோள்.

13/

முதலாளித்துவத்தை மார்க்சிய-லெனினியப் புரிதலுடனும், பார்ப்பனியத்தை அம்பேத்கரிய-பெரியாரியப் புரிதலுடனும் எதிர்கொள்வதின் மூலமே, இந்த பெரும் அதிகார பலம் பொருந்திய அடிப்படைவாத பாசிஸ்ட்டுகளை வீழ்த்தி பொது உரிமை கொண்ட சமத்துவம் போற்றும் பொது உடமை உலகைப் படைக்க முடியும்!

14/14