Thread by @anbezhil12

#மனுஸ்ம்ரிதி #ஆ_ராசாவின்_இந்துமதவெறுப்பு_பேச்சு
மனு ஸ்ம்ரிதி, நால்வகை வர்ணங்கள் பற்றி சரியாக தெரிந்து கொள்ள இப்பதிவு. முதலில் மனு ஸ்ம்ரிதி பழக்கத்தில் இல்லாத ஒரு கோட்பாடு என்பதை மக்கள் புரிந்துகொள்ள வேண்டும். மின்சாரம் இல்லாத போது எப்படி வாழ்ந்தோமோ அப்படி தான் இன்றும் வாழ்கிறோமா?

அப்போது எண்ணெய் விளக்கொளியில் தான் படித்தோம் என்று இருந்திருக்கிறது. அதனால் மின்சார விளக்கையும் போட்டு எண்ணெய் விளக்கையும் ஏற்றி வைத்துப் படிக்கிறோமா அல்லது டிவியை எண்ணெய் விளக்கொளியில் பார்க்கிறோமா? பகுத்தறிவு என்று சொல்பவர்கள் தான் பகுத்தறியாது முட்டாள்களாக இருக்கிறார்கள்

என்பதே உண்மை. ஒரு மூடன் சொல்வதை மூடர் கூடம் கேட்டு வெறுப்பை உமிழ்கிறது. பிராமணன் தலையில் இருந்தும், க்ஷத்திரியன் கைகளில் இருந்தும், வைசியன் தொடைகளில் இருந்தும், சூத்திரன் பாதத்தில் இருந்தும் பிறந்தவன் என்று மனு ஸ்ம்ரிதியில் இருப்பது உண்மை. கீதையில் கண்ணன் சொன்ன, ‘நால் வகை

வர்ணத்தையும் நானே படைத்தேன்' என்பதையும் எழுதி இருக்கிறார்கள். ஆனால் இவை மட்டுமே அதில் சொல்லப் படவில்லை. அதில் ஏராளமான விஷயங்களை சொல்லி இருக்கிறார்கள். கடவுள் தத்துவம், வேதங்கள், புராணங்கள், ஸ்மிருதிகள், சூத்ரங்கள், கடவுளுக்கு அடுத்த நிலையில் உள்ளவர்கள், வேறுபட்ட உலகங்கள், தேவர்,

அசுரர், மனிதர்கள் படைப்பு, ஜீவாத்மா, மனித வாழ்வியல் பகுப்பு, மனிதனின் கடமைகள், சுத்தம் பராமரிப்பது, குழந்தை பிறந்த பிறகு என்ன செய்வது, பெரியோர்கள் இறந்த பிறகு செய்ய வேண்டியவை, வர்ணாசிரமங்கள், நால் வகை வர்ணங்கள், ஒவ்வொரு வர்ணத்தாரின் கடமைகள் என்று எண்ணில் அடங்காதவை அதில் கூறப்

பட்டுள்ளன. நால் வகை வர்ணம் குறித்து #சனாதனம் என்ன சொல்கிறது?
*பிறப்பினால் ஒருவன் உயர்ந்த, தாழ்ந்த வர்ணத்தவனாக ஆவதில்லை.
*பிறக்கும் போது ஒவ்வொருவரும் 'சூத்திரர்களே', வளர்ந்த பிறகு அவர்களின் நடத்தையே, அவனது வர்ணத்தை வகுக்கிறது.
*வேதங்களை கற்று தேர்ந்த, வேதம் வகுத்த படி

சிற்றின்பங்களை தியாகம் செய்து (ஆச்சாரமாக), இறைபணி செய்பவன் பிராமணன்.
*மக்களையும், தேசத்தையும் காக்கும் பணியை கைகொண்ட பராக்கிரமசாலிகள் சத்திரியர்கள்.
*விளைந்தவற்றை எடுத்து மற்ற இடங்களுக்கு கொண்டு சென்று விநியோகித்து, அங்கே இருப்பவற்றை கொண்டு வந்து இங்கே தேவயானவர்களுக்கு

பொறுப்புடன் கொடுப்பவன் வைசியன்
*இந்த மூவகை வர்ணத்தாரின் சொல் கேட்டு, அவர்களுக்கு பணி செய்பவன் சூத்திரன், கடை நிலையில் உள்ளவன். (அடிமை அல்ல) வேலைக்காரன்.
*சூத்திரன் குறித்து ஒரு கெட்ட வார்த்தை மனுஸ்ம்ரிதியில் கிடையாது.
*அப்புறம் ஏன், சூத்திரன் இறைவனின் பாதத்தில் இருந்து பிறந்தான்

என்கிறது வேதம்? அறிவார்ந்த மூளையும், பலம் மிகுந்த தோள்களும், வலிமையான தொடைகளையும் பெற்ற ஒருவனுக்கு, பாதங்கள் இல்லை என்றால் அவனது நிலை என்ன? அவனால் எவ்வாறு இயங்க முடியும்? 'சூத்திரர்கள் தான் இந்த அகில உலகமே இயங்க காரணம்.' மூவகை வர்ணத்தாரும், நான்காம் வகை சூத்திரன் இல்லை என்றால்

அவரவர் தர்மத்தை, கடமையை செய்ய முடியாது. யாகங்களை செய்யும் பிராமணர்களே அதற்கு தேவையான அனைத்து பொருட்களையும் உருவாக்குகிறார்களா?
மக்களையும், மண்ணையும் காக்கும் சத்திரியர்களே தங்களது பாதுகாப்பு கருவிகளை செய்து கொள்கிறார்களா?
விளைந்தவற்றை விற்று பொருள் ஈட்டும் வைசியனே, அனைத்தையும்

விளைய வைத்து வண்டி செய்து வேற்றிடம் சென்று விற்று வருகின்றானா?
பிராமணன், சத்திரியன், வைசியன் மூவரும் சூத்திரன் எனும் 'வேலை'க்காரன் இல்லை என்றால் தத்தமது தர்மங்களை ஆற்றிட முடியாது. இதைத்தான் சனாதன தர்மம் சொல்கிறது. எவ்வளவு அருமையான விஷயத்தை இவர்கள் திரித்து சொல்லி வாதிடுகின்றனர்?

வேத காலத்தில் ஒரு நிகழ்ச்சியை குறிப்பிடுகின்றனர், தன்னிடம் கல்வி கற்க வந்த சிறுவனிடம் அவனது கோத்திரம் என்ன என்று கேட்கிறார் குரு, அதற்கு சிறுவன் 'எனக்கு தாயின் பெயர் மட்டுமே தெரியும், எனது குலத்தை பற்றி தெரியாது' என்கிறான். அவனது பதில் உண்மையானது, நேர்மையானது அதனால் அவனை தனது

சீடனாக ஏற்று கொள்கிறார் அந்த குரு. அப்படி என்றால் மகாபாரத கர்ணன் ஏன் பிறப்பால் புறக்கணிக்கப் பட்டான் என்று நீங்கள் கேட்கலாம். இங்கே தான் கவனிக்கப்பட வேண்டிய விஷயம் 'கால வேறுபாடு'. முந்தைய நிகழ்வு நடந்தது வேத காலத்தில். இரண்டாவது நடந்தது பல யுகங்களுக்கு பிறகு. இங்கே தான் கண்ணன்

சொல்கிறான், ‘நால்வகை வர்ணத்தை நானே படைத்தேன். ஆனால் பிறப்பினால் ஒருவனது உரிமைகளை புறக்கணிக்க சொல்லவில்லை' என்று. பிராமணனாக பிறந்த ஒருவன் தனது கடமைகளில் இருந்து தவறிவிட்டால், அவனது நிலை கீழிறக்கப்படுகிறது. அதேவேளையில் 'சூத்திரன்' ஒருவன் தனது மேம்பட்ட எண்ணங்களால், அப்பழுக்கற்ற

சிந்தனைகளால், நேர்மையான நடத்தையால் 'பிராமணனாக' உருவெடுக்கிறான். ஒருவனின் நடத்தையே அவன் எந்த வர்ணத்தை சார்ந்தவன் என்பதை முடிவு செய்கிறது.
'பிறப்பால் உயர்வு, தாழ்வு இல்லை'
இதைத்தான் சனாதன தர்மம் சொல்கிறது. ஆனால் யுகங்கள் மாற மாற, மக்கள் மனம் விசாலமாக தனது கண்களை விரித்து இந்த

அண்டத்தை காண்பதற்கு பதிலாக, தனது சிந்தனைகளை சுருக்கி கொண்டு
தர்மங்களை மறந்து விலகி சென்று விட்டதால் ஏற்பட்டதே, இன்றைய குறுகிய சாதிய கண்ணோட்டம். (கதைகளும் இவ்வாறே ஏற்பட்டன. ஜாதிகள் வேறு வர்ணம் வேறு)
இதை 'சனாதன தர்மம்' போதிக்கவில்லை, இது சத்தியம்.
'ஒருவர் உயிரிழந்த பிறகு, அந்த

ஆத்மாவிற்கு செய்யவேண்டியதாக சில கடமைகளை வலியுறுத்தி சொல்லும் சனாதன தர்மம், உயிருள்ள மனிதனை பிறப்பால் தாழ்த்தி சொல்லுமா?' அறிவுள்ள அனைவரும் இதை கவனமாக சிந்திக்க வேண்டும்.
சர்வம் ஶ்ரீ கிருஷ்ணார்ப்பணம்🙏🏻