Thread by @anbezhil12

#ஹரிதாஸ்_தாகூர் (பிறப்பு 1451) ஒரு வைணவத் துறவி ஆவார். ரூபா கோஸ்வாமி மற்றும் சனாதன கோஸ்வாமி, சைதன்யா மகாபிரபு ஆகியோரைப் போல ஹரிதாஸ் தாகூரும் ஒரு கிருஷ்ண பக்தர். ஆண்டியா லிலாவின் (Antya lila) சைதன்யா சரிதாமிருதத்தில் அவரது நேர்மை மற்றும் தீவிரமான துன்பங்களை எதிர்கொள்ளும் நம்பிக்கை

பற்றிய விவரம் கூறப்பட்டுள்ளது. இவர் ஹரே கிருஷ்ணா எனும் நாமத்தினை தினமும் 300,000 முறை உச்சரிப்பார். சைதன்ய மஹா பிரபு ஹரிதாஸ் தாகூரை #நாமாச்சாரியா எனக் குறிப்பிடுகிறார். ஹரிதாஸ தாகூர் தற்போதைய சத்-கிரா மாவட்டத்திலுள்ள (முற்காலத்தில் குல்னா பகுதியின் கிளையாக இருந்த) புடான் என்னும்

கிராமத்தில் ஓர் இஸ்லாமிய குடும்பத்தில் பிறந்தார். சைதன்ய மஹாபிரபுவை விட 35 வருடங்கள் மூத்தவரான இவர், வங்காளதேசத்தில் தனது கிராமத்தில் சிலகாலம் வசித்த பின்னர், சாந்தி பூருக்கு அருகிலுள்ள புலியா என்னும் குக்கிராமத்தில் வசிக்கத் தொடங்கினார். அங்கு சிறு வயதிலேயே அத்வைத ஆச்சாரியரின்

சங்கம் கிடைத்ததால் பெருமகிழ்ச்சி அடைந்தார், அவரது கருணையால் இஸ்லாமிய மதத்தையும் சமூகத்தையும் பெற்றோரையும் துறந்தார். தலையை மொட்டையடித்து எளிமையான உடையுடுத்தி முழுமுதற் கடவுள் ஸ்ரீ கிருஷ்ணருடன் தன் நித்திய உறவைப் புதுப்பிக்கும் செயல்களில் ஈடுபடத் தொடங்கினார். அவரது புனிதமான பக்தி

தொண்டினை சாதாரண மக்கள் மதமாற்றம் என்ற தவறான கண்ணோட்டத்துடன் பார்த்தனர். பௌதிகமான மதச் செயல்களுக்கும், பகவானுக்குச் செய்யும் ஆன்மீகமான பக்தித் தொண்டிற்கும் மிகப்பெரிய வேறுபாடு உண்டு. ஹரிதாஸ தாகூர் இஸ்லாமியர்களின் சங்கத்தை விடுத்து பிராமண வாழ்க்கை முறையை மேற்கொண்ட போதிலும், பிராமண

கொள்கைகளின் மீது அவர் அதிகமாகப் பற்று வைக்கவில்லை. உண்மையில், பல பிராமணர்கள் அவரை அவர்கள் வர்ணத்தவராக ஏற்றுக் கொள்ளவில்லை. ஹரிதாஸர் சாஸ்திர விதிகளைக் கடைப்பிடிப்பதில்லை என்றும், தத்துவங்களின் வாத விவாதங்களில் கலந்து கொள்வதில்லை என்றும், வெறுமனே குகைகளில் தனியே அமர்ந்து சொன்னதையே

திரும்பத் திரும்ப சொல்லிக் கொண்டு இருக்கிறார் என்று பிராமணர்களாகக் கூறிக் கொள்பவர்கள் குற்றம் சாட்டினர். ஆனால் ஹரிதாஸரோ எந்தவொரு வேற்றுமையும் பார்க்காமல், வழியில் காணும் அனைவருடனும் பழகுவார். பகவான் ஸ்ரீ கிருஷ்ணர் எல்லோர் இதயத்திலும் பரமாத்மாவாக இருப்பதை உணர்ந்து, பகவத் கீதையில்

(5.18) கூறப்பட்டிருப்பதுபோல, ஒரு பிராமணரையும் விலங்கையும் சமமாகப் பார்க்கும் உயர்ந்த நிலையில் அவர் இருந்தார்.
யஸ் து ஸர்வாணி பூதானி ஆத்மன்யேவானுபஷ்யதி
ஸர்வ-பூதேஷு சாத்மானம் ததோ ந விஜுகுப்ஷதே
“எவனொருவன் தான் காணும் அனைத்தையும் ஸ்ரீ கிருஷ்ணனுடன் தொடர்புப் படுத்திப் பார்க்கிறானோ,

எல்லா உயிர்வாழிகளையும் அவருடைய அம்சமாகப் பார்க்கிறானோ, பகவானை எல்லாவற்றினுள்ளும் பார்க்கிறானோ, அவன் எந்தப் பொருளையும் எந்த உயிர்வாழியையும் வெறுப்பதில்லை.” (ஸ்ரீ ஈஷோபநிஷத், மந்திரம் 6)
இவரின் பணிகளைத் தொடர்ந்து பக்திவேதாந்த சுவாமி பிரபுபாதா 1966 ஆம் ஆண்டில் அகில உலக கிருஷ்ண பக்தி

கழகத்தினை உருவாக்கினார்.
ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே
ஹரே ராம ஹரே ராம
ராம ராம ஹரே ஹரே.
சர்வம் ஸ்ரீ கிருஷ்ணார்ப்பணம்🙏