Thread by @aradhya___

പാദപ്പലക
#hinduculture

ഹിന്ദുക്കളിലെ ചില വിഭാഗങ്ങളിൽ മുതിർന്നവർ മരിച്ചാൽ മരിച്ചയാളുടെ പേരും ജനന-മരണവിവരങ്ങളും രേഖപ്പെടുത്തി വീട്ടിൽ സൂക്ഷിക്കുന്ന പലകയാണ് പാദപ്പലക. നമ്മുടെ അച്ഛനോ അമ്മയോ മരിച്ചാൽ മരിച്ച ദിവസം (നാൾ) കടലാസിലോ ഡയറിയിലോ എഴുതി സൂക്ഷിക്കുന്ന പതിവൊന്നും 1

പണ്ടുണ്ടായിരുന്നില്ല. ആണ്ടുശ്രാദ്ധങ്ങൾ കൃത്യമായി ഓർത്ത് ചെയ്യാൻ ഈ പലക സഹായകമായിരുന്നു. ഇന്നും വിശ്വകർമ്മജർ ഉൾപ്പെടെ അപൂർവ്വം ചില സമുദായങ്ങൾക്കിടയിൽ ഈ സമ്പ്രദായം നിലനിൽക്കുന്നു.

സംസ്കാരകർമ്മങ്ങൾക്ക് മുമ്പായുള്ള ചടങ്ങുകളുടെ അവസാനഭാഗത്ത് പിണ്ഡകർത്താവ് (മൂത്ത പുത്രൻ) 2

അരിയും പൂവുമിട്ട് കഴിഞ്ഞാൽ തയ്യാറാക്കിവച്ച പാദപ്പലകയുടെ പേരും വിവരവും കൊത്താത്ത മറുവശത്ത് കളഭം പുരട്ടിയ പാദമുദ്ര പതിപ്പിക്കും. രണ്ടു ആൺമക്കൾ ഉണ്ടെങ്കിൽ ഒരാൾ പാദങ്ങൾ ചേർത്തു പിടിക്കും. മറ്റേയാൾ വെള്ളം ചേർത്ത് ചാലിച്ച കളഭം/ചന്ദനം പാദത്തിൽ പുരട്ടിയിട്ട് പലക അമർത്തിപ്പിടിച്ച ശേഷം 3

എടുക്കുന്നു. അപ്പോൾ പലകയിൽ പാദമുദ്ര പതിഞ്ഞിരിക്കും. സഞ്ചയനത്തിന് ശേഷം പുലകുളി അടിയന്തിരം വരെയുള്ള ദിവസങ്ങളിൽ മുറ്റത്ത് കെട്ടിയുണ്ടാക്കിയ ബലിപ്പുരയിൽ കർമ്മങ്ങൾ നടത്തുമല്ലോ. അവിടെ പാദപ്പലക പാദമുദ്ര മുന്നിൽവരും വിധം സ്ഥാപിച്ചിരിക്കും.

അടിയന്തിരകർമ്മങ്ങൾ കഴിഞ്ഞ് വീട്ടിൽ ഭിത്തിയിൽ 4

ആണിയടിച്ച് കൊളുത്തിയിടുകയും ചെയ്യും. മാതാപിതാക്കളുടെ ഛായാചിത്രം എടുത്ത് വയ്ക്കുന്നതിന് പകരം പാദപ്പലക അവരുടെ ഓർമ്മയ്ക്ക് കാരണമാവുകയും ചെയ്യും. ശുഭകാര്യ ങ്ങൾ തുടങ്ങുമ്പോഴോ മംഗളകരമായ കാര്യങ്ങൾക്കായി യാത്ര ചെയ്യാൻ തുടങ്ങുമ്പോഴോ പദപ്പലകയിൽ മക്കൾ തൊട്ടു വന്ദിക്കും. വർഷങ്ങൾ കഴിഞ്ഞാലും 5

ഈ പാദമുദ്ര മായാറില്ല. തലമുറകൾക്ക് മുമ്പുള്ളവരുടേത് തട്ടിൻപുറത്ത് അടുക്കി സൂക്ഷിക്കും. പൂർവ്വികരുടെ വംശാവലി കിട്ടാൻ ഇത് സഹായകമാണ്.

പ്ലാവിൻപലകയിൽ പ്രത്യേക ആകൃതിയിൽ തയ്യാറാക്കുന്ന പാദപ്പലകയിൽ മറുവശത്ത് മരിച്ചയാളുടെ പേര്, ജനനത്തീയതി:
(കൊല്ലവർഷം, AD) ജനിച്ച നാൾ എന്നിവയും മരിച്ച 6

തീയതി(കൊല്ലവർഷം ,AD), മരിച്ച നാൾ എന്നിവയും ആണിമുന കൊണ്ട് കൊത്തിയുണ്ടാക്കും.7

ശുഭം
കടപ്പാട്