Thread by @anbezhil12

#மாயவரம் ஆயிரம் ஆனாலும் மாயூரம் ஆகாது என்பது ஆன்றோர் வாக்கு. சப்த காசி ஸ்தலம் என்று அழைக்கப்படுகிறது மயிலாடுதுறை.
காசியில் ஒரு விஸ்வநாதர் விசாலாட்சி. இங்கோ ஏழு விஸ்வநாதர் விசாலாட்சி. அந்த சப்த காசி தலம், #மயிலாடுதுறை என்னும் மாயவரம் என்னும் #மாயூரம்.
1. துலாகட்டத்திற்கு லாகடம்

தெற்கே கிழக்கே பார்த்து கடைத் தெரு விஸ்வநாதர்
2.காவிரிப் பாலத்திற்கு தெற்கே பாலக்கரை விஸ்வநாதர்
3. வட கரையில் வள்ளலார் தீர்த்த மண்டபத்திற்கு கிழக்கே வள்ளலார் விஸ்வநாதர்
4. திம்மப்ப நாயக்கர் படித்துறையில் படித்துறை விஸ்வநாதர்
5. வடக்கு வீதிக்கும் பெரிய கோயில் வடக்கு மதிலுக்கும்

நடுவே உள் விஸ்வநாதர்
இந்த ஐவரும் கண்வர், கௌதமர் , அகத்தியர், பரத்வாஜர், இந்திரன் ஆகியோர் சிவலிங்கம் நிறுவி வழி பட்ட கோயில்கள்.
6. இது தவிர லாகடம் மார்க்கெட்டுக்குள் கொஞ்சம் பாழடைந்து திருப்பணி எதிர்பார்த்து காத்திருக்கும் ஒரு விஸ்வநாதர்
7. கொரநாடு விஸ்வநாதர் ஆக மொத்தம் ஏழு காசி

விஸ்வநாதர்கள் உண்டு. மயிலாடுதுறை பெரிய கோயிலுக்கு மேற்கே உள்ள ஐயாறப்பர் கோயில், கொரநாடு புனுகீசர், சித்தர்காடு பிரம்ம புரீசர், மூவலூர் வழித் துணை நாதர், சோழம் பேட்டை அழகியநாதர், துலாக்கட்டம் காசி விஸ்வநாதர், பெரிய கோயிலாம் மயூரநாத ஸ்வாமி கோயில் ஆக ஏழு கோயில்கள் சேர்த்து

திருவையாறு போலவே ஏழூர் சப்தஸ்தானம் என அழைக்கப் படுவது உண்டு. ஆண்டு தோறும் சப்த ஸ்தான விழாவும் உண்டு
ஆரூரில் பிறந்தால் முத்தி, காசியில் இறந்தால் முத்தி, தில்லையை சேர்ந்தால் முத்தி, அண்ணாமலையை நினைத்தாலே முத்தி என்பது தெரியும். ஆனால் மயிலாடுதுறை தலம் பெயர் சொல்ல முத்தி தரும் தலம்

என்பது பலருக்கும் தெரியாது. இங்கே ஒரு தில்லை உள்ளது. கண்வர் வழிபட்ட விஸ்வநாதர் காவிரி வட கரையில் இருக்கிறார். இங்கே சிதம்பர இரகசியம் பெரிய யந்திர வடிவமாக எழுதி வைக்கப் பட்டுள்ளது.
தில்லை நடராஜர் போலவே வருடத்தில் ஆறு நாட்கள் இந்த யந்திரத் திற்கும் அபிஷேகம் உண்டு.
இதே சன்னிதியில்

ஸ்வர்ணாகர்ஷண பைரவர் ஸ்வர்ண பைரவியுடன் காட்சி தருகிறார். இதற்கு எதிரே காவிரி வட கரையிலேயே கேதார கௌரி சமேத கேதாரீஸ்வரர் கோயில் இருக்கிறது.
பல ஆண்டுகள் புதரில் மறைந்திருந்தவர் 2017 புஷ்கரத்தின் போது வெளிப்பட்டு விட்டார். பால விநாயகர், பால முருகன், கேதார கௌரி சமேதராக குடும்பத்துடன்

இனிய காட்சி தருகிறார். உத்தர மாயூரவாசியான வதாரண்யேஸ்வரர் கோயில் மட்டும் சின் முத்திரை காட்டும் மேதா தட்சிணாமூர்த்தி கோயில் கொண்டிருப்பதால் "கை காட்டும் வள்ளல்" கோயில் ஆகி "வள்ளலார் கோயில்" என்ற பெயரிலேயே புகழ் பெற்று விட்டது. இந்த தட்சிணாமூர்த்தி திருமணப் பேறு, மக்கட்பேறு, கல்வி,

வேலை வாய்ப்பு அனைத்தும் அருள்பவர். இது சப்த மாதருள் சாமுண்டிக்கு ஈசன் அருளிய தலம். நந்தியின் செருக்கடக்கி அவருக்கு அருளிய தலம். காவிரியின் நடுவில் நந்தி தனி மண்டபத்தில் நதி பிரவாகத்தை எதிர்த்து சந்நிதி கொண்டிருக்கிறார். வள்ளலார் கோயிலில் தென்முகக் கடவுளாம் மேதா தட்சிணா

மூர்த்திக்கு எதிரிலும் நந்தி பகவான் இருக்கிறார். காவிரி தென் கரை தீர்த்தம் நந்தி தீர்த்தம, வடகரை தீர்த்தம் ஞான புஷ்கரணி. மாயூரம் துலாக் கட்டத்தில் நீராடுவது அனைத்து புண்ணிய தீர்த்தங்களிலும் நீராடுவதற்கு சமமாம். அங்கு செய்யும் தானம் பிரயாகை, குருக்ஷேத்திரம் போன்ற தலங்களில்

செய்யும் தானத்திற்கு சமம்.
#துலாஸ்னானம் ஐப்பசி மாதம் துலா மாதம். இந்த மாதத்தில் இரவு நேரமும், பகல் நேரமும் சமமாக இருப்பதால் இதற்கு 'துலா' மாதம் என்று பெயர். இந்த மாதத்தில் காவிரியில் நீராடுவது மிகுந்த புண்ணியத்தைத் தரும். ஐப்பசி மாதம் காவிரியில் ஒருநாள் நீராடினால் கூட கங்கையில்

நீராடிய புண்ணியம் கிடைக்கும். மூன்றரைக்கோடி தீர்த்தங்கள் துலா மாதத்தில் காவிரியில் வந்து நீராடி தங்கள் பாவங்களை போக்கில் கொள்கின்றனர். அதனால் இதில் நீராடுவதன் மூலம், அழகு, ஆயுள், ஆரோக்கியம், செல்வம், கல்வி, வலிமை, மாங்கல்ய பாக்கியம். புத்திர பாக்கியம் முதலியவை கிடைக்கும்.
தீராத

நோயைத் தீர்க்கவல்லது இந்த புண்ணிய நீராடல். வாழ்க்கையில் துன்பங்கள் நீங்கி இன்பங்கள் பெருக துலா நீராடல் அவசியம் என்று கூறப்பட்டுள்ளது. அதிலும் மாயவரத்தில் உள்ள காவிரியில் துலா ஸ்னானம் செய்வது மிக விசேஷம். ஓர் முடவன் மயிலாடுதுறையை (அப்போதைய மாயவரம்) நோக்கி இங்குள்ள காவிரியில் துலா

ஸ்நானம் செய்ய வந்தான். அதற்குள் ஐப்பசி மாதம் முடிந்துவிட்டது. அந்த முடவன் இறையனார் சிவனிடம் வேண்டினான். அவனுடைய குறையைப் போக்க, “கார்த்திகை 1ஆம் தேதி அன்றும் இதே பலன் உனக்கு கிட்டும் ஸ்நானம் செய்’ என அருளினார். இந்த நாளே முடவன் முழுக்கு என பெயர் பெற்றது. இத்துடன் மொத்தம் 14

உலகங்களிலுமுள்ள அறுபத்தி ஆறாயிரம் கோடி புண்ணிய தீர்த்தங்கள் ஸ்ரீ கிருஷணனின் ஆணைக்கிணங்க, இந்த துலா மாதத்தில் காவிரியில் நீராட இந்த மாதம் முழுவதிலும் இங்கே இருக்கிறார்கள் என்று அக்னி புராணம் கூறுகிறது. மிக முக்கியமாக, மக மாதத்தில் ப்ரயாகையிலும் அர்த்தோதய புண்ணியகாலத்தில்

சேதுவிலும் நீராடினால் கிடைக்கும் பலனைவிட இந்த துலா மாதத்தில் காவிரியில் ஸ்நானம் செய்வதால் மனிதன் செய்யும் பெறும் தவறுகளும்  நீங்கப்பெறுகின்றன. ஐப்பசி கடைசி நாளில் (நாளை), ஸ்நானம் செய்வதை "கடைமுழுக்கு/கடைமுகம்" என்கிறார்கள். மாயவரம் என்று கூறப்படும் மயிலாடுதுறையில் இருக்கும் சைவ-

வைஷ்ணவ ஆலயங்களில் உள்ள மூர்த்திகளும் கடைமுகத்தன்று தீர்த்தவாரி செய்தருளுகிறார்கள், முக்கியமாக மாயவரத்தில்..
மருத் வ்ருதே! மஹாதேவி மஹாபாகே மநோஹரே
ஸ்ரீகாவேரி நமஸ்துப்யம் மம பாபம் வ்யபோஹய
[பரமேஸ்வரனின் சிரஸில் இருர்ந்து பூமிக்கு வந்த மஹா பாக்யம் உடையவளே, பார்க்கப் பார்க்க தெவிட்டாத

உருவம் கொண்டவளே, ஹே காவேரி! உன்னை நமஸ்கரிக்கிறேன், எனது பாபங்களைப் போக்கியருள்வாய்]

என்பதாக பிரார்த்தனை செய்து நாமும் முடிந்தால் ஒரு தினமாவது, அதுவும் இயலாத பக்ஷத்தில் மனதால் காவேரி நதியில் நீராடி இறையருளைப் வேண்டுவோமாக.
சர்வம் ஶ்ரீ கிருஷ்ணார்ப்பணம்🙏🏻