Thread by @anbezhil12

#சிவானந்த_சரஸ்வதி #சிவானந்தர் 1887 ஆம் ஆண்டு செப்டம்பர் 8 ஆம் நாள் திருநெல்வேலி மாவட்டத்தில் உள்ள பத்தமடை என்னும் ஊரில் குப்புசாமி என்ற இயற்பெயரில் பிறந்தவர். இவர் அப்பைய தீட்சிதர் வம்சத்தில் வந்தவர். வறுமையுற்ற குடும்பம் என்றாலும் அவர் படிப்பில் கெட்டிக்காரர் ஆனதால் மருத்துவ

படிப்பினை படித்தார். பின் பொருளீட்ட மலேயா சென்றார். ஓயா மழை கொட்டும் ரப்பர் காடுகள் நிறைந்த அத்தேசத்தில் நோய் இயல்பானது. பல விஷயங்களுக்கு தரமான மருத்துவர்கள் தேவையாய் இருந்த காலமது. அப்பொழுதுது தான் குப்புசாமி அங்கு பணி ஆற்றினார். குப்புசாமி மலேயாவின் மிக சிறந்த மருத்துவராக

மின்னினார். பெரும் பட்டமும் பதக்கமும் அவரை தேடி வந்தன. ஆனால் அவர் மனம் ஆன்மீகத்தில் நாட்டம் கொண்டது. மருத்துவம் நோயினை மட்டும் தீர்க்கிறது ஆனால் மனம் சம்பந்தமான சிக்கலை, வாழ்வியலின் பல தீர்வுகளை அதனால் கொடுக்க முடிவதில்லை. ஆன்ம பலமே உண்மையான மருத்துவம் என்பதை புரிந்து கொண்டார்.

தன் டாக்டர் தொழிலை உதறி, பாரதம் திரும்பி, காவியும் ருத்திராட்சமும் அணிந்து தன் மனத்தை அடக்க ரிஷிகேஷம் சென்றார். பல நாள் பட்டினி கிடந்தார், வீதியில் உறங்கினார், பிச்சைகார கோலத்தில் ஞானம் தேடினார். அந்த தேடலில் மகான் விஸ்வானந்த சரஸ்வதியினை சந்தித்தார், அவர் இவரை எதிர்பார்த்து

இருந்தவர் போல அழைத்து தீட்சை கொடுத்து ஞானத்தை ஞானமே அடையாளம் கண்டு கொள்ளும் என்பது போல அந்த விஸ்வானந்தர் இவருக்கு சிவானந்தர் எனும் பெயரையும் கொடுத்து மன்னனிடம் சொல்லி ஒரு காணி நிலமும் கொடுத்து ஆசிரமம் அமைக்க உதவினார். அப்படித் தான் சிவானந்தாவின் ஆஸ்ரமம் தொடங்கியது, மெல்ல மெல்ல

அவரின் ஆன்மீக மருத்துவ சேவை தொடர்ந்தன. ஒரு கட்டத்தில் 100 பணியாளர்கள் கொண்ட மருத்துவ ஆஸ்ரமம் எழுந்தது, அதில் தொழுநோயாளி முதல் எல்லா நோயாளிகளும் பராமரிக்கப் பட்டனர். சிவானந்த சுவாமிகளே இந்தியாவில் ஏழை தொழு நோயாளிகளை மருத்துவரீதியாக அரவணைத்த மகான், தெரசா இவருக்கு பின்னால் வந்தவர்.

(தெரசா உண்மையில் என்ன செய்தார் என்பது ஓர் அவலக் கதை!) இந்தியாவின் சொந்த மக்களுக்கான தொழுநோய் மருத்துவமனையினை தொடங்கியது இந்த இந்து சன்யாசிதான்.‌ ஒரு நாள் தற்கொலை முயற்சியில் ஈடுபட்ட பெண், சுவாமியின் சீடர்களால் காப்பாற்றப் பட்டு கொண்டு வர பட்டாள். அவள் தொலைதூரத்தில் இருந்து

வந்தவள், அவள் சாக துணிந்த காரணம் மணமாகாமல் கர்ப்பம் தரித்தது. சுவாமி அவளை திட்டவில்லை, கர்ப்பம் கலைக்க சொல்லவில்லை, அவளை பெற்றோரிடமும் அனுப்பவில்லை, அனுப்பினால் என்னாகும் என்பது சுவாமிக்கு புரிந்தது. குழந்தை பிறந்ததும் குழந்தை இல்லா தம்பதியிடம் அக்குழந்தையினை ஒப்படைத்துவிட்டு

அப்பெண்ணின் வழியில் அவளை போக சொன்னார். சுவாமியின் காலில் விழுந்து இரு பெண்களும் அழுதனர், சுவாமி நிதானமாக சொன்னார்.
"ஒரு உயிரை காத்து இன்னொரு உயிரிடம் ஒப்படைக்க‌ இறைவன் என்னை பயன்படுத்தினான் அவ்வளவுதான்"
சிவானந்த சாமியின் புகழும் அவரின் ஞானமும் அது கொடுத்த போதனையும் ஏராளம், ஏகபட்ட

புத்தகங்களை எழுதினார், உலகம் எல்லாம் அவர் மடத்தின் கிளைகள் திறந்தன. இன்று சுமார் 300 கிளைகளுடன் மிகபெரிய தொண்டு நிறுவனமாக அது வளர்ந்து நிற்கிறது. அவர் அறிவுரையால் மேன்மை அடைந்தவர்கள் எண்ணற்றோர். அதில் ஓர் இளைஞன், 1962ல் ரிஷிகேஷில் விரக்தி நிலையில் இருந்தான். அவனையே உற்று

நோக்கினார் சுவாமி, அந்த இளைஞன் கண்ணீர் விட்டு சொன்னான், "சுவாமி நான் ஏழை மீனவ வீட்டு மகன், நன்றாக படித்து பைலட்டாக வேண்டுமென கனவு கண்டேன், படித்தும் முடித்தேன்.
ஆனால் பைலட் தேர்வில் என்னை நிராகரித்து விட்டார்கள், நான் அதற்கு தகுதி இல்லையாம், இனி நான் என்னாவேன் என எனக்கே

தெரியவில்லை" என மனமுடைந்து நின்றான். புன்னகைத்த சுவாமி சொன்னார் "நீ படைக்கப்பட்டது விமான ஓட்டியாவதற்கு அல்ல. வேறு எதற்காகவோ நீ படைக்கப்பட்டு இருக்கிறாய். அதை நோக்கிச் செல். காரணங்களின்றி இங்கு எதுவும் நடக்காது".
அவரிடம் ஆசீர்வாதம் வாங்கிய அந்த இளைஞன் பின் தீவிரமாக உழைத்து ஏவுகனை

விஞ்ஞானியாகி பாரதத்தின் குடியரசு தலைவனுமானான். அவர் தான் #டாக்டர்_அப்துல்_கலாம்.
சிவானந்தர் இந்தியாவின் மிகபெரும் யோகி, அதுவும் விஞ்ஞான கல்வி கற்றுவிட்டு அதெல்லாம் பணம் சம்பாதிக்கும் விஷயம் மட்டுமே, வாழ்க்கைக்கு உண்மையன தேவை ஆத்ம தெளிவு, ஆன்ம பலம் கொடுக்கும் ஆன்மீகம் என உணர்ந்து

நின்றவர். சுருக்கமாக சொன்னால் தன்னை அறிந்தவர். எத்தனையோ லட்சம் மக்கள் அவரால் கல்வி, மருத்துவம், ஆன்மீக தெளிவு என பலன் பெற்றனர், இன்னும் பெற்று கொண்டே இருக்கின்றனர்.
ஒவ்வொருவர் வாழ்வும் அதன் நோக்கில் நல்லபடியாக செல்ல, அவர்கள் பிறந்த கடமையினை சரியாக செய்ய இடையூறுகளை நீக்கி

வழிகாட்டினார் சுவாமி, இன்றும் அவரின் ஆஸ்ரமம் அதை தொடர்ந்து செய்கிறது. அந்த நெல்லை பிறப்பு பாரதி போல தனித்துவம் மிக்கது, தொழுநோயாளிகளை தொட்டு அரவணைத்த உன்னத கரங்கள் அவருடையது. ஆனால் தெரசாவுக்கு இருந்த விளம்பரமும் உலகளாவிய கொண்டாட்டமும் பாரத ரத்னா போன்ற விருதுகளும் ஏன் சுவாமி

சிவானந்தாவுக்கு இல்லை? நாமே நம் மகான்களை போற்றுவதில்லை. அதனால் தான்.
சர்வம் ஶ்ரீ கிருஷ்ணார்ப்பணம்🙏🏻