Thread by @anbezhil12

#திருவண்ணாமலை
திருவண்ணாமலை மலை ஒரு பிரம்மாண்டத்தின் உச்சம். பிரபஞ்சம் தோன்றிய காலத்தில் இருந்தே இந்த மலை இருப்பதாகப் புராணங்கள் சொல்கின்றன. சுமார் பல மில்லியன் கோடி வருடம் பழைமை வாய்ந்தது என்கிறார்கள் ஆய்வாளர்கள். Carbon datingம் இதை உறுதி செய்கிறது. மலையே சிவபெருமானின் அம்சம்.

அதாவது பல சிவலிங்கங்களை உள்ளடக்கியது. அந்த மலையைச் சுற்றி, அதாவது மலைலிங்கத்தைச் சுற்றி, 108 அதி சக்தி வாய்ந்த சிவலிங்கங்கள் புதைந்திருப்பதாகச் சித்த புருஷர்கள் சொல்கின்றனர். இந்த மலையையும் மலையைச் சுற்றிப் புதைந்திருக்கும் 108 சிவலிங்கங்களையும் சுற்றித்தான் கிரிவலம் வந்து கொண்டு

இருக்கிறோம். ஒவ்வொரு சிவலிங்கமும் கண்ணுக்கு தெரியாத தெய்வீக அலைகளை மலை முழுவதும் பரப்பி வருகிறது. இதனால் மாதந்தோறும் பெளர்ணமி நன்னாளிலும் தமிழ் மாதத்தின் பிறப்பான முதல் நாளிலும், ஒவ்வொரு பிரதோஷ நாளிலும் , சித்த புருஷர்களும் ஞானிகளும் யோகிகளும் சூட்சும ரூபமாக இன்றைக்கும் கிரிவலம்

வந்து, ஈசனை வணங்கி வழி படுகிறார்கள் என்பது ஐதீகம்!மலையின் மகாத்மியம் மலையளவு உள்ளது. திருவண்ணாமலை எனும் புண்ணிய க்ஷேத்திரம், நம்மைப் போன்ற பக்தர்களுக்கான திருத்தலம் தான். ஆனால் அது சித்தர்களின் பூமி.
புனித பூமி. எத்தனையோ சித்தர்கள், இங்கு வந்து தவம் செய்துள்ளனர். இன்றும் செய்து

கொண்டிருக்கின்றனர். இங்கேயே தங்கி, ஜீவ சமாதியாகி சூட்சம ரூபமாக இன்னும் தவத்தில் மூழ்கியிருக்கிறார்கள். இது சித்தர்கள் பூமியாக இருக்க காரணம் உள்ளது. நம் மன அதிர்வுகளை புத்தி தன் கட்டுபாட்டுக்குள் கொண்டு வராமல் எத்தகைய சித்துக்களையும் செய்ய இயலாது. இயல்பாகவே புவியியல்
அமைப்பிலேயே

எண்ணங்களை நம் கட்டுக்குள் கொண்டு வரக்கூடிய அதிர்வுகளை கொண்டு திருவண்ணாமலையானது அமைந்துள்ளது. நம் மனதில் கோபம், ஆக்ரோஷம், குழப்பம், கவலை ஆகியவை எழும் போது நம் உடலை சுற்றி உள்ள அலைகள் 14 ஹெர்ட்ஸ்க்கு மேல் இருக்கும். இதனை பீட்டா அலைகள் என கூறுகின்றனர். இந்நிலையில் மனம் நம்

கட்டுப்பாட்டில் இருக்காது. நம் ஓய்வெடுக்கும் போது, ஆழ்ந்த தூக்கத்தின் போது, உடலை சுற்றி உள்ள அலைகள் 14 ஹெர்ட்ஸ்க்கு கீழே இருக்கும். அந்த அலைகளை ஆல்ஃபா அலைகள் என கூறுகின்றனர். முயற்சி செய்தால் நம் எண்ணங்களை நம் கட்டுக்குள் கொண்டு வரலாம். அதே உடல் தியான நிலையில் இருக்கும் போது

எட்டு ஹெர்ட்ஸ்க்கு கீழே இருக்கும்.
அதை தீட்டா அலைகள் என்கிறனர் விஞ்ஞானிகள். நம் எண்ணங்களை நம் இயக்கங்களை எளிதாக நம் கட்டுக்குள் கொண்டு வரலாம். இதற்காகவே உலகெங்கிலும் உள்ள சித்தர்கள் இங்கே தேடி
வருகின்றனர். திருவண்ணாமலை இயல்பாகவே தீட்டா அதிர்வுகளை கொண்டுள்ளது. இதனால் தவ நிலையில்

உள்ள சித்தர்களின் உடலில் இருந்து இந்த அலைகள் வெளிப்பட்டு கொண்டே இருக்கும். இதற்காகவே இங்கே சித்தர்கள் சமாதி அடைந்து இருக்கிறார்கள். சித்தர்களின் பூமியாக திருவண்ணாமலை விளங்கும் மர்மம் இதுதான். இறைவன் எங்கு குடியிருக்கிறானோ அங்குதான் சித்தர்களும் குடியிருப்பர்.
சித்தர்களுக்கு

எல்லாம் தலயாயச் சித்தர் ஆதி சித்தர் சிவபெருமான்தான். தலைவர் இருக்கும் இடத்தில்தானே தொண்டர்களும் குடியிருப்பார்கள்?.
அதனால் தான் திருவண்ணாமலையில் சிவ பெருமானுக்கு உறுதுணையாக காலம் காலமாக நாம் பெரிதும் போற்றும் பதினெட்டு சித்தர்களும், அவர்களுக்கு பக்கபலமாக 188 சித்தர்களும் இன்றும்

அரூபமாக நடமாடி கொண்டு இருக்கிறார்கள்.
அத்திரி மகரிஷி,
மச்ச முனிவர்,
கோரக்கர்,
துர்வாசர்,
சட்டை முனிவர்,
அகத்தியர்,
போகர்,
புசுண்டர்,
உரோமா மச்சித்தர்,
யூகி முனிவர்,
சுந்தரானந்தர்,
அழகனந்தா,
பிரம்ம முனி,
காலங்கி நாதர்,
நந்தி தேவர்,
தன்வந்திரி,
குரு ராஜரிஷி,

காசிபமுனி,
பதஞ்சலி முனி,
வியாகிரம மகாரிஷி,
ஜனகமா முனி,
சிவப்பிரம்ம முனி,
பராச முனி,
வல்ல சித்தர்,
அஸ்வணி தேவர்,
குதம்பைச் சித்தர்,
புண்ணாக்கு சித்தர்,
யோகச்சித்தர்,
கஞ்சமலைச் சித்தர்,
திருமூலநாதர்,
மவுனச்சித்தர்,
தேகசித்திக் சித்தர்,
வரரிஷி,
கவு பாலச்சித்தர்,

என இருநூற்றுக்கும் அதிகமான சித்தர்கள் திருவண்ணாமலையில் அண்ணாமலையாரை தரிசித்ததாகவும் அவற்றில் சுமார் 25க்கும் அதிகமான சித்தர்கள் இங்கு ஜீவசமாதி ஆனதாகவும் அகத்தியர் தான் இயற்றிய அகத்தியப் பெருமான் ஜீவநாடியில் எடுத்துரைத்துள்ளார்.
இப்படிப்பட்ட ஸ்தலத்துக்கு செல்வது நாம் செய்த

புண்ணியம். பெளர்ணமி அன்று அண்ணாமலையாரை காண்பது நம் பிறவி பிணியை போக்கும்.

அண்ணாமலையாருக்கு அரோகரா!
சர்வம் ஶ்ரீ கிருஷ்ணார்ப்பணம்🙏🏻

Sorry for the mistake. It is not Carbon dating*
Geologists do not use carbon-based radiometric dating to determine the age of rocks. Radiometric dating has been carried out since 1905 invented by Ernest Rutherford as a method by which one might determine the age of the Earth.