Thread by @anbezhil12

#திருச்சிறுபுலியூர் #தலசயனப்பெருமாள் கோயில்,
நாகப்பட்டிணத்திலிருந்து மயிலாடுதுறை செல்லும் வழியில் அமைந்துள்ளது திருச்சிறுபுலியூர். தெற்கு நோக்கி காட்சி தரும் கோயிலின் மூலவர் பெயர் ஸ்தலசயனப்பெருமாள். தாயார் பெயர் திருமாமகள் நாச்சியார். உற்சவர் பெயர் கிருபா சமுத்திரப் பெருமாள்

(அருள்மாகடல்)
உற்சவ தாயார் பெயர் தயாநாயகி. தீர்த்தக் குளம் - மானஸ புஷக்ரிணி. விமானம் - நந்தவர்த்தன விமானம். கருவறையில் பெருமாள் ஸ்ரீதேவி, பூதேவியுடன் வியாசர், வியாக்கிரபாதர், கங்கையுடன் காட்சியளிக்கிறார். திருமங்கை ஆழ்வாரால் 10 பாசுரங்களால் மங்களசாசனம் செய்யப்பட்ட கோயில் ஆகும்.

பகவான் ஸ்ரீநாராயணனை சயனத்தில் தான் தாங்குவதாக #ஆதிசேஷனும், அவரை எல்லா இடங்களுக்கும் தாமே சுமந்து செல்வதாக #கருடனுக்கும் கர்வம் ஏற்பட்டது. இதனால் அவர்களிடையே போட்டியும், பொறாமையும் வளர்ந்து பகையாக மாறியது. ஆதிசேஷன் இப்பகை விலக எண்ணம் கொண்டு தவம் இருந்தார். அத்தவத்திற்கு இரங்கி

பெருமான் ஆதிசேஷன் மடியில் சயனம் கொண்டு சிறுகுழந்தையாக பால சயனக் கோலத்தில் கோயில் கொண்டார். அதாவது பாற்கடலில் மிதக்கும் ஆதிசேஷன் மீது பள்ளிக் கொண்டிருக்கும் கோலம். இத்தலத்தில் உயரத்தில் ஆதிசேஷனும், பூமிக்குக் கீழே கருடன் சந்நிதியும் அமைந்துள்ளது.
#ஸ்தலசயனம்_பாலவியாக்ரபுரம் என்று

இத்தலம் அழைக்கப்படுகிறது.
#வியாக்ரபாரதர் என்ற முனிவர் சிதம்பரத்தில் தவம் செய்து தனக்கு மோட்சம் கிடைக்க வேண்டினார். மோட்சம் கிடைக்க வல்லுநர் பெருமாளே என நடராஜர் கூற, அவ்வாறாயின் அதற்குரியத் தலத்தை காண்பிக்குமாறு முனிவர் வேண்டினார். நடராஜர், சிவலிங்க ரூபமாக வழி காட்ட அவரை விரைந்து

பின் தொடர தான் பெற்ற தவ வலிமையால் முனிவர் விரைந்து செல்லும் புலியின் கால்களால் இத்தலத்திற்கு வந்து முக்தி பெற்றார் என்றும் அதனால் சிறுபுலியூர் என அழைக்கப் படுவதாக சொல்வர். பெருமாளைக் கண்டு, அந்த பிரம்மாண்டமான தோற்றம் பார்த்து வியாக்ரபாரத முனிவர் பிரமிப்பு அடைந்தார். அந்தப்

பரம்பொருளை எப்படி முழுமையாகக் கண்களால் காணமுடியும்? எப்படிக் கரங்களால் தீண்டி இன்புற முடியும்? அவரது தர்ம சங்கடத்தைக் கண்ட பெருமாள் அவருக்கு அருள் வழங்கும் வண்ணம் தன்னை சுருக்கி கொண்டார். புலியாருக்காக சிறுவடிவு எடுத்து பெருமாள் மாறியதாலும் சிறுபுலியூர் என அழைக்கப்பட்டு

இருக்கலாம். இச்சிறு கோலத்திலும், தன் நாபிக்கமலத்தில் பிரம்மனைத் தாங்கியுள்ளார். திருவடிக்கு அருகே ஸ்ரீதேவியுடன், சிறுவடிவில் புலிக்கால் முனிவரும், கண்வ முனிவரும் காட்சி தருகிறார்கள். 108 திவ்விய தேசங்களில் பெருமாள் தெற்கு நோக்கிக் காட்சி தருவதாக அமைந்தத் தலங்கள் இரண்டு. முதல்

தலம் ஸ்ரீரங்கத்தில் பெருமாள் மிகப்பெரிய வடிவத்தில் #அனந்தசயனத்தில் சேவை சாதிக்கிறார்
இரண்டாவது தலமான இங்கு
#பால_சயனத்தில் குழந்தை வடிவனாக சேவை செய்கிறார். பிரம்மாண்டமான பெருமாள், புலிக்கால் முனிவருக்காக தன்னை சுருக்கிக் கொண்டது திருமங்கையாழ்வாருக்கு ஏமாற்றத்தை ஏற்படுத்தியதாம்.

அவரை சமாதானப்படுத்த, பெருமாள் அசரீரியாக, நீ பார்க்க விரும்பும் வடிவை #திருக்கண்ணமங்கை திருத்தலத்தில் காண்பாயாக என்று அருளினார். திருவனந்தபுரத்தில், தலையை இடது ஓரத்துக்கும் வலது ஓரத்துக்குமாக அசைத்து திருமாலை தரிசிக்க வேண்டிய நிலையில், #திருக்கண்ணமங்கலத்தில் தலையை கீழிருந்து மேலாக

கழுத்தை வளைத்து தரிசிக்க வேண்டியது அவசியம். இக்கோவிலில் ஆண்டு தோறும் மார்கழி மாதம் நடைபெறும் புகழ்ப்பெற்ற வைகுண்ட ஏகாதசி விழாவை முன்னிட்டு பகல்பத்து இராப்பத்து உற்சவம் நடைபெறும். வைகுண்ட ஏகாதசி பரமபத வாசல் திறப்பு விழாவினை முன்னிட்டு பகல்பத்து விழாவின் முதல் நாளையொட்டி ஸ்ரீ

கிருபாசமுத்திர பெருமாள் கிருஷ்னர் திருக்கோலத்தில் எழுந்தருளி பக்தர்களுக்கு காட்சியளிப்பார். அடுத்த நாள் ஸ்ரீ கிருபாசமுத்திர பெருமாள் ஸ்ரீ ராமர் கோலத்திலும் மூன்றாம் நாள் ஸ்ரீ காளிங்க நர்தனத்திலும் தோன்றி பக்தர்களுக்கு காட்சியளிப்பார். நான்காம் நாள் காலையில் திருமங்கையாழ்வார்

திருவடி தொழுதலும், மாலை மோகினி திருக்கோலத்தில் கோவிலின் சிறப்பு வழிபாடும் நடைபெறும்.
முடிந்த போது சென்று தரிசிப்போம்.
ஓம் நமோ நாராயணாய நமஹ

சர்வம் ஶ்ரீ கிருஷ்ணார்ப்பணம்🙏🏻