Thread by @anbezhil12

#திருமலை_ஏழுமலையானுக்கான_நைவேத்தியங்கள் திருப்பதி தேவஸ்தான பிரதான அர்ச்சகர் ரமண தீட்சிதர் எழுதிய The Sacred Foods of God என்ற ஆங்கில புத்தகத்தில் இந்த அரிய தகவல்கள் இடம்பெற்றுள்ளன. ஏழுமலையானுக்கு என்னென்ன நைவேத்யங்கள் எப்பொழுது படைக்க வேண்டும், அதை யார் தயாரிக்க வேண்டும்

என்பது உள்ளிட்ட விவரங்கள் ஆகம சாஸ்திரங்களில் தெளிவாக எடுத்து உரைக்கப் பட்டுள்ளது. அதன்படியே திருமலையில் பிரசாதங்கள் தயாரிக்கப் பட்டு ஏழுமலையானுக்கு நைவேத்யமாக அளிக்கப்படுகிறது. அடுப்பில் கட்டைகளை எரித்தே சுவாமிக்கு நைவேத்யம் தயாரிக்கப் படுகிறது. அந்தக் கட்டைகள் பால் வடியும்

மரத்தில் இருந்து எடுத்து வந்திருக்கக் கூடாது. நைவேத்யம் சமைப்பவர்கள், அதன் வாசனையை நுகரக் கூடாது. மூக்கு வாய் போன்ற அங்கங்களை துணியால் கட்டிக் கொள்ள வேண்டும்.
ஆகம விதிப்படியே சுவாமிக்கு நைவேத்யம் கண்டருளப் பண்ணப் படுகிறது. நைவேத்யம் கண்டருளும் முன் #காயத்ரிமந்திரம் உச்சரித்தவாறே

கருவறையை சுத்தம் செய்வார்கள். அதன் பின் கருவறைக்குள் நைவேத்யம் நிரம்பிய பித்தளை அண்டாக்கள் கொண்டு வந்து பெருமாளின் முன் வைக்கப்படும். அப்போது நைவேத்யத்தை அளிக்கும் அர்ச்சகர் மட்டுமே கருவறைக்குள் இருப்பார். பின்னர் கருவறை கதவுகள் மூடப்பட்டு விஷ்ணுகாயத்ரி மந்திரம் உச்சரித்தவாறு,

நைவேத்யத்தின் மீது நெய், துளசி தளங்களை அர்ச்சகர் சமர்ப்பிப்பார். மந்திரங்களை உச்சரித்தவாறே அர்ச்சகர் தனது வலது கை விரலால் நைவேத்யத்தைத் தொட்டு பெருமாளின் வலதுகை வாய் அருகே சமர்ப்பணம் செய்வார். உலகிற்கே படி அளக்கும் பெருமாளுக்கு இது போன்று நைவேத்யம் சமர்ப்பிக்கப்படும். பின்னர்

மூலிகை இலையால் தண்ணீர் தெளித்து அவருக்கு சமர்ப்பணம் செய்யப்படும். நைவேத்யம் சமர்ப்பணம் செய்யும் போது எல்லாம் கோயில் மணி அடிக்கப்படும். ஒரு நாளைக்கு 3 வேளை நைவேத்யம் சமர்ப்பிக்கப்படும். இதனை
பால போகம்
ராஜ போகம்
சயன போகம்
என்றழைக்கின்றனர். 9.5 அடி உயரம் உள்ள மூலவருக்கு அதற்கேற்றார்

போல தான் நைவேத்யங்கள் சமர்ப்பிக்கப் படுகின்றன. எந்தெந்த வேளையில் எவ்வளவு எடையில் நைவேத்யம் படைக்க வேண்டுமோ, அந்த அளவில் மட்டுமே சமர்ப்பிக்கப் படுகிறது. பின்னர் இவை பக்தர்களுக்கு விநியோகம் செய்யப்படும். விசேஷ தினங்களில் பலவிதமான விசேஷ நைவேத்யங்களும் சுவாமிக்கு படைக்கப் படுகிறது.

அதிகாலை சுவாமியை சுப்ரபாதத்துடன் துயில் எழுப்பிய பின்னர், அவருக்கு வெண்ணெய், நுரை ததும்ப பசும்பால் சமர்ப்பிக்கப் படுகிறது. தோமாலை, சஹஸ்ரநாம அர்ச்சனை சேவைகளுக்குப் பிறகு சுவாமிக்கு எள் சுக்கு வெல்லம் கலந்த பானகம் சமர்ப்பிக்கப் படுகிறது. இவைகளைத் தொடர்ந்து காலை 6 மணியிலிருந்து 6.30

மணிக்குள் பாலபோக நைவேத்தியம் கண்டருளப்படுகிறது. இதில் புளியோதரை, தயிர்சாதம், வெண்பொங்கல், சர்க்கரை பொங்கல், ரவாகேசரி இடம் பெறும். இதற்குப் பிறகே சர்வ தரிசனம் தொடங்கும். நண்பகல் 11 மணியில் இருந்து 11.30 மணிக்குள் ராஜபோகம் நைவேத்தியம். இதில் வெண்சாதம் சர்க்கரைஅன்னம் புளியோதரை கூடை

அன்னம், போன்றவை சமர்ப்பிக்கப் படுகிறது. மாலை 7 மணியளவில் சயன போக நைவேத்யம். இதில் மிளகு அன்னம், தோசை, லட்டு, வடை
மற்றும் பல காய்கறிகளால் சமைக்கப் பட்ட அன்னம் சமர்ப்பிக்கப்படும்.
இரவு ‘திருவீசம்’ எனும் பெயரில் சுவாமிக்கு வெல்லத்தால் தயாரிக்கப் பட்ட அன்னம் படைக்கப்படும். பின்னர்

சுவாமி பள்ளியறைக்குச் செல்லும் முன் ஏகாந்த சேவையின் போது, நெய்யினால் மிதமாக வறுக்கப்பட்ட பாதாம் முந்திரி மற்றும் பழங்கள் பால் போன்றவை சமர்ப்பிக்கப்படுகிறது. பிரசாதம் என்றால் பசியை போக்கும் உணவு அல்ல. இவை தூய்மையாக ஆகம விதிப் படி தயாரித்து சுவாமிக்கு பயபக்தியுடன் படைக்கப்படுகிறது.

ஏழுமலையானே அனுதினமும்
நினைப்போம்
வாழ்வில் வளமும் நலமும் பெறுவோம்.
ஏழுமலை வாசா வெங்கட்ரமணா சீனிவாசா கோவிந்தா கோவிந்தா
நமோ நாராயணா நமஹ குறையொன்றுமில்லை கோவிந்தா
சர்வம் ஶ்ரீ கிருஷ்ணார்ப்பணம்🙏🏻