#தேவதானம்_ரங்கநாதப்_பெருமாள் கோவில். திருவள்ளூர் ஜில்லா, பொன்னேரி தாலுக்காவில், தேவதானம் என்ற கிராமம் வட ஸ்ரீரங்கம் என பெயர் பெற்றது. இங்கே ரங்கநாதர், ஸ்ரீரங்கத்தில் இருப்பவரை விட அரை அடி நீளம் அதிகமானவர். ஆகிருதியாக சேஷன் மேல் படுத்துக் கொண்டிருக்கிறார். இயற்கை சூழலில் நெல் 
அளக்கும் மரக்காலை (படி போன்ற ஒரு பெரிய அளவு) தலைக்கு உயரமாக வைத்துக் கொண்டு ஆனந்தமாக சயனித்திருக்கிறார். தேவதானம் பெருமாள் 1000 வருஷங்களுக்கு மேல் பழமையானவர். சாளுக்கிய ராஜாவால் கட்டப்பட்ட சிறிய ஆலயம். கோவில் வயல்கள் நடுவே ஒரு மணல் திட்டில் அமைந்திருக்கிறது. கோவிலையடுத்து பெரிய
வயதான மரங்கள் உள்ளன. சிறிய சாதாரண நுழைவாயில், அதை தொடர்ந்து பலி பீடம், கொடிமரம், எதிரே பெருமாளை தொழுதபடி கருடாழ்வார். பிரம்மாண்டமான ரங்கநாதர். ஐந்து தலை ஆதிசேஷன். மூன்று மடிப்புகளாக தனது உடலை படுக்கையாக அமைத்துக் கொண்டிருக்கிறார். தலைகள் தான் குடை. கிழக்கு நோக்கிய திருமுகம்.
யோக சயன ரங்கநாதர். எல்லோருக்கும் நெல் அளந்து கொடுத்து களைத்து அளந்த மரக்கால் படியை தலைக்கு வைத்தவாறு பதினெட்டு அடி நீளத்தில் தரையிலிருந்து ஐந்தடி உயரத்தில் தரிசனம் தருகிறார். இந்த ரங்கநாதர் கல்லால் செதுக்கப்பட்டவர் அல்ல. சுதை திருமேனி. முழுதும் சாளக்ராம கற்களால் வடித்தது.
பத்மநாபன் நாபியில் ப்ரம்ம தேவன். தாமரை மலர் கையிலேந்திய ஸ்ரீ லட்சுமி தேவி. அவளை அடுத்து நீலோத்பல மலர் ஏந்திய பூமா தேவி. கையில் வீணை கொண்டு போற்றி பாடும் தும்புரு, வணங்கிக் கொண்டே இருக்கும் ஆஞ்சனேயர் யாவரையும் தரிசிக்கலாம். இவ்விடம் தேவர்களால் தானம் செய்யப் பட்ட இடம் என்பதால்
தேவதானம் என்று அழைக்கப்படுகிறது .இவ்வோரின் அழகில் மயங்கிய சாளுக்கிய மன்னன் இந்த இடத்தை பார்த்து அதிசயித்து நின்றான். அவன் தென் இந்தியாவின் மீது படையெடுத்து வந்தபோது ஸ்ரீரங்கத்தில் உள்ள பெருமாளை கண்டு அவர் அழகில் மயங்கி அதைபோல் ஒரு கோயில் கட்ட வேண்டும் என்று நினைத்தான். காவேரி
கரையில் ஸ்ரீரங்கம் எவ்வாறு பச்சை பசேலென்று இருந்ததோ அதே போல் இந்த இடமும் இருந்ததால் இங்கேயே பெருமாளுக்கு கோயில் கட்ட தீர்மானித்தான். அங்கு ஒரு விவசாயி அறுவடை செய்யப்பட்டு கதிரடிக்கப்பட்டு போடப்பட்டிருந்த நெல் மணிகளை மரக்கால் கொண்டு அளந்து கொண்டிருந்தார். அரசர் பார்க்கும் போது
போது அவரை காணவில்லை. திடீரென அவர் மறைந்தார். மன்னன் விவசாயியை தேடினார். களைப்பின் காரணமாக மரக்காலை தலைக்கு வைத்து ஓரிடத்தில் படுத்து உறங்கிக் கொண்டிருந்தார். சாய்ந்த கோலத்தில் பெருமாள் மன்னனுக்கு காட்சி கொடுத்து மறைந்தார். இதனால் மகிழ்ச்சி அடைந்த மன்னன் இவ்விடத்தில் கோயில் கட்ட
எண்ணி நேபாள நாட்டில் இருந்து சாளக்ராம கல்லை கொண்டு வந்து இறைவனுக்கு சிலையை வடித்து வழிபட்டான் . ஸ்ரீரங்கத்தில் உள்ளது போல் பெரியதாக பெருமாள் பெரியதாக உள்ளதால் வட ஸ்ரீரங்கம் என்று அழைக்கப்படுகிறது. பெருமாளுக்கு இடது புறம் ரங்கநாயகி தாயார் மற்றும் அருகில் சக்கரத்தாழ்வார் சன்னதி
உள்ளது. பெருமாளை அம்மாவாசை மற்றும் வெள்ளிக் கிழமைகளில் தொடர்ந்து 7 வாரம் நெய் தீபம் ஏற்றி வழிபட்டு வந்தால் பணக்கஷ்டம் திருமணத்தடை நீங்கும், குழந்தை பாக்கியம் கிட்டும். சுதை சாளக்ராம விக்ரஹம் என்பதால் அபிஷேகம் இல்லை. தைல காப்பு தான். மினுமினுக்கிறார். ஸ்தல விருக்ஷம் பாரிஜாதம்
பூத்து குலுங்குகிறது. சென்னைக்கு மிக அருகிலேயே ஒரு ஸ்ரீரங்கம்!
திறந்திருக்கும் நேரம்
காலை 7.00 –12 .00 மாலை 4 .30–7 .00 மணி வரை
செல்லும் வழி:
சென்னை மீஞ்சூரில் இருந்து சுமார6 km தொலைவில் தேவதானம் உள்ளது . அனுப்பம்பட்டு ரயில் நிலையத்தில் இருந்து 3 km தொலைவில் உள்ளது . தச்சூர்
திறந்திருக்கும் நேரம்
காலை 7.00 –12 .00 மாலை 4 .30–7 .00 மணி வரை
செல்லும் வழி:
சென்னை மீஞ்சூரில் இருந்து சுமார6 km தொலைவில் தேவதானம் உள்ளது . அனுப்பம்பட்டு ரயில் நிலையத்தில் இருந்து 3 km தொலைவில் உள்ளது . தச்சூர்
கூட்ரோடு இருந்து பொன்னேரி வழியாக தேவதானம் 16 km தொலைவில் உள்ளது மீஞ்சூர் அல்லது அனுப்பம்பட்டு ரயில் நிலையத்தில் இறங்கி வயல் வழியே சென்று ரங்கநாதனாரை தரிசிக்க முடியும்.
சர்வம் ஸ்ரீ கிருஷ்ணார்ப்பணம்🙏
சர்வம் ஸ்ரீ கிருஷ்ணார்ப்பணம்🙏
சயனக் கோலம்* சாய்ந்த கோலம் அல்ல.
• • •
Missing some Tweet in this thread? You can try to
force a refresh
