Thread by @PawarSpeaks

कसबा पोटनिवडणुकीचे विजयी उमेदवार श्री. रविंद्र धंगेकर यांनी आज सदिच्छा भेट घेतली. यावेळी विविध विषयांवर माध्यमांशी संवाद साधला.
#pressconference
bit.ly/41PxHIU

कसबा पोटनिवडणुकीत यश मिळेल असे आम्हाला सामान्यांमधून ऐकण्यात मिळत होते. पण मला याची खात्री नव्हती, त्याचे मुख्य कारण नारायण, सदाशीव, शनिवार हे होते. हा सर्व भाग भाजपचा गड आहे असे अनेक वर्षे बोलले जाते. तसेच याठिकाणी बापट यांनी अनेक वर्ष प्रतिनीधित्व केले होते.

बापट यांचे वैशिष्ट्य असे की त्यांचे भाजपची विचारधारा न मानणारा जो पुण्यातील वर्ग आहे त्या सर्वांशी मैत्रीचे संबंध त्यांनी ठेवले आहेत. त्यामुळे बापट यांचे लक्ष ज्याठिकाणी अधिक केंद्रीत आहे तो मतदारसंघ आपल्याला जड जाईल असा अंदाज आमचा होता.

परंतु शेवटी साधारण एक गोष्ट लक्षात आली की त्यांच्या सल्ल्यांनी निर्णय का नाही घेतले याबद्दलची कुजबूज ऐकायला मिळाली. याचा अर्थ बापट आणि टिळकांना डावलून काही निर्णय घेतल्यास त्याचे काय परिणाम होतील अशी चर्चा होती. कदाचित त्याचा फायदा होईल अशी शंका होतीच.

रंतु निवडणूक झाल्यावर मी घेतलेल्या माहितीनुसार ज्या व्यक्तीला लोकांनी निवडून दिले ती व्यक्ती वर्षानुवर्षे सामान्य लोकांमध्ये कशाचीही अपेक्षा न करता काम करणारी होती. तसेच हा उमेदवार कधीच चार चाकीत बसत नाही तर दोनचाकीवाला आहे.
@dhangekarravi1

त्यामुळे दोन पाय असलेल्या मतदारांचे लक्ष यांच्याकडे आहे. त्याचा लाभ नक्की होईल हे ऐकायला मिळाले. तसेच पक्षाचा पाठींबा, महाविकास आघाडीतील सर्व घटक याठिकाणी मनापासून राबले याचा हा परिणाम आहे असे आमचे निरीक्षण आहे.

महाराष्ट्रात पाहिले तर लोकांना बदल हवाय. त्यामुळे उद्याची विधानसभा आणि लोकसभेसंदर्भात महाराष्ट्रात महाविकास आघाडीतील लोकांना एकत्रित ठेवून एकत्रित निर्णय घेणे हा माझा एक प्रयत्न राहणार आहे.

देवेंद्र फडणवीस यांनी कसबा निवडणुकीत ज्यांचा विजय झाला ते उमेदवार महाविकास आघाडीचे होते हे तरी मान्य केले. निवडणुकीपूर्वी त्यांची वक्तव्य काय होती ते वाचनात आले होते त्यामध्ये आता थोडा गुणात्मक बदल आहे. कमीत कमी निवडून आलेल्या व्यक्तीबद्दल ते चांगले बोलतात ही चांगली गोष्ट आहे.

या निवडणुकीत झालेल्या पैशांचा गैरवापर प्रकरणात मी खोलात गेलो नसलो तरी त्यासंबंधी मला दाखवण्यात आलेले फोटो हे राजकारणापलीकडील लोकांनी दाखवले. या प्रकरणात मिळालेल्या माहितीनुसार हा वर्ग एका वेगळ्या विचारसरणीला मतदान करणारा आहे.

पण ज्यावेळी पैशाचे वाटप करणारी गोष्ट त्यांनी स्वत: पाहिली त्यावेळी या वर्गाने यांच्यापासून बाजूला होण्याचा निर्णय घेतला. हा प्रकार पारंपारिक मतदाराला अजिबात आवडलेला नाही ते या निवडणुकीत दिसले.

केंद्रीय यंत्रणांचा होणाऱ्या गैरवापरासंदर्भात प्रधानमंत्र्यांना दिलेल्या निवेदनात पहिली सही माझी आहे. त्याअर्थी या प्रश्नसंबंधी प्रधानमंत्र्यानी गांभीर्याने पाहावे ही आमची इच्छा आहे.

अलीकडच्या काळात केजरीवाल सरकारने दिल्लीमध्ये शाळा आणि शैक्षणिक संस्थांमध्ये जे काम केले आहे ते पाहण्यासाठी देशातील अन्य राज्यातून लोक येतात. त्या कामात पुढाकार घेणारी जी व्यक्ती होती त्यांनाच अटक झाली. अशी अनेक उदाहरणे दाखवता येतील.

तसेच ज्या लोकांवर आरोप होते ते जेव्हा त्यांच्या पक्षात गेले त्यानंतर अशा व्यक्तींसदर्भात कोणतेही निकाल आलेले नाहीत. काही प्रश्नासंबंधी एमआयएम पक्षाची काही मत आहेत त्यासंबंधी त्यांनी आग्रह धरला आहे. लोकशाहीत त्यांना असा आग्रह धरण्याचा अधिकार आहे.

राहुल गांधी एका राष्ट्रीय पक्षाचे नेते आहेत त्यांना विचारलेल्या प्रश्नावर त्यांनी मत व्यक्त केले आहे. विरोधकांनी एकत्र राहण्याचा विचार जेव्हा आम्ही करतो त्यामध्ये काँग्रेस असणे गरजेचे आहे. काँग्रेस हा देशातील महत्त्वाच पक्ष आहे.

महाराष्ट्रात आणि देशाच्या प्रत्येक गावागावात काँग्रेस कार्यकर्ता आहे. या सगळ्यांना एकत्र घेऊन आपल्याला पुढे जाण्याची गरज आहे. जसा काँग्रेस महत्त्वाचा आहे तसा ममता बॅनर्जी तसेच इतर लोकही महत्त्वाचे आहेत. या सर्वांशी बोलावे लागेल ती प्रक्रिया आम्ही सुरु करू.

नाशिकच्या मनमाडच्या शेतकऱ्यांनी माझ्याशी बोलणे केले त्यामध्ये कांदा खरेदी योग्य पद्धतीने सुरू नाही. कांद्याचे पडलेले भाव सावरण्याच्या दृष्टीने काळजी घेतली जात नाही.

राज्य आणि केंद्र सरकारने जे निर्णय घेतले ते योग्य नाहीत अशी तक्रार शेतकऱ्यांची आहे. ज्याअर्थी अजूनही भावात सुधारणा होत नाही, याचे दुख शेतकऱ्यांमध्ये आहे. त्याची किंमत शेतकरी योग्य वेळी वसूल करतील.