Thread by @ShriRajTripute_

#धागा

सनातन धर्म म्हणजे नेमक काय |

"सनातन" या शब्दाचा अर्थ शाश्वत, अबाधित, अपरिवर्तनीय असा आहे. तर धर्म या शब्दाचा अर्थ व्यापक आहे पण जेव्हा सनातन या शब्दासोबत धर्म हा शब्द वापरला जातो तेव्हा त्याचा अर्थ नियम किंवा कायदा (Law) असा होतो.

म्हणजेच "सनातन धर्म" या शब्दाचा अर्थ म्हणजे असे शाश्वत नियम जे बदलणे मनुष्याच्या आवाक्यात नाही. तसं पाहिल तर कोणत्याही धर्मग्रंथांमध्ये सांगितलेले आचार, नियम बदलणे किंवा ते न पाळणे मनुष्याच्या आवाक्यात आहे त्यामुळे असा कोणताही धर्म सनातन धर्म म्हणण्यास योग्य नाही.

पण विज्ञानाने सिद्ध केलेले काही नियम जे की प्रकाशाच्या गतीचा नियम, गुरुत्वाकर्षणाचा नियम, इत्यादी नियम हे बदलणे शक्य नाही किंवा माणसाच्या आवाक्याबाहेर आहे म्हणुन त्यालाच सनातन धर्म म्हणता येईल.

याबाबत स्वा. सावरकरांनी केलेली सनातन धर्माची व्याख्या अगदी योग्य आहे -

" प्रत्यक्ष अनुमान आणि त्यांना सर्वस्वी विरुद्ध न जाणारे आप्तवाक्य या प्रमाणांच्या आधारे सिद्ध होऊ शकणारे आणि ज्याविषयी कोणीही यथाशास्त्र प्रयोग केला असता त्या त्या कार्यकारणभावाच्या कसोटीस जे पूर्णपणे केव्हाही उतरू शकतात

असे मनुष्याच्या ज्ञानाच्या आटोक्यात जे जे सृष्टीनियम आणि जी जी वैज्ञानिक सत्ये आज आलेली आहेत त्यासच आम्ही आमचा सनातन धर्म समजतो. प्रकाश, उष्णता, गति , गणित, ध्वनि , विद्युत , चुंबक, वैद्यक, यंत्र आणि तत्सम जी प्रयोगक्षम शास्त्रे आहेत

त्यांचे जे प्रत्यक्षनिष्ठ आणि प्रयोगसिद्ध नियम आज मनुष्यजातीस ज्ञात झालेले आहेत तोच आमचा खरा सनातन धर्म होय. ते नियम आर्यांसाठी वा अनार्यांसाठी , मुस्लिमांसाठी वा काफरांसाठी अवतीर्ण झालेले नसून ते सर्व मनुष्यमात्रास निःपक्षपाती समानतेने लागू आहेत. हा खरा सनातन धर्म आहे."