Thread by @anbezhil12

#பக்தி #பாவம்_bhavam
ஒரு பாகவதர் தினமும் கிருஷ்ண பஜனை பாடியபடியே வீடு வீடாக சென்று அன்னம் யாசிப்பது அவரது வழக்கம். ஒரு நாள் அவருக்கு யாரும் அன்னமிடவில்லை. பசியோடு நடந்து கொண்டே கிருஷ்ண பஜனை பாடி கொண்டிருந்தார். அப்பொழுது அவரின் கையை ஓர் 8 வயது சிறுமி பிடித்து, ஸ்வாமி என்று

அழைத்தாள். அவர் நின்று அந்த சிறுமியை பார்த்தார். அவள் கிழிந்த உடையை அழகாக தைத்து உடுத்தி இருந்தாள். மலர்ந்த முகத்தோடு ஸ்வாமி என்று அழைத்தாள். அவர் அந்த சிறுமியிடம், யாரம்மா நீ என்ன வேண்டும் உனக்கு என்று கேட்டார். அதற்கு அந்த சிறுமி, ஸ்வாமி நான் அருகே உள்ள குடிசையில் இருந்து

தினமும் உங்கள் கண்ணன் பாடல்களை ரசித்து கேட்பேன். அதை கேட்டு கேட்டு பாடல்கள் முழுக்க எனக்கு மனப்பாடம் ஆயிற்று. அதனால் உங்களை என் குருநாதராக நினைத்து அழைக்கிறேன், என் வீட்டிற்கு உணவருந்த வருகிறீர்களா என்று அன்போடு அழைத்தாள். பசியோடு இருந்த பாகவதரும் அவளது அன்பான வார்த்தையில் மயங்கி

அவள் வீட்டிற்கு உணவருந்த சென்றார். சிறுமியின் வீடு சின்ன குடில், சுத்தமாக இருந்தது. வீட்டினுள் ஒரு நெசவு இயந்திரம். அந்த சிறுமியின் தாயும் தந்தையும் நெசவாளர்கள் அந்த நேரம் அவர்கள் சந்தைக்கு சென்றிருந்தனர். அவரை வீட்டுக்குள் அழைத்து வந்த சிறுமி அவரது பாதங்களை நீரால் கழுவி அவரை ஒரு

பலகையில் அமர செய்து, பின் தான் சாப்பிட வைத்திருந்த பாலும் பழமும் எடுத்து உண்ண கொடுத்தாள். அவளது அன்பான விருந்தோம்பலில் ஆனந்தமாக உணவருந்திய அவர், பின் வீட்டை தன் பார்வையால் சுற்றி பார்த்தார். ஒரு பெரிய நெசவு இயந்திரம், சுத்தமாய் கூட்டி மெழுகிய தரை, பின் ஜன்னலோரம் ஒரு சிறிய நெசவு

இயந்திரம், அதன் அருகே சில சிக்கலான நூல்கள் அறுந்து குப்பையாக கிடப்பதை பார்த்தார். அதை பார்த்து கொண்டே அந்த சிறுமியை நோக்கிய பெரியவர் அம்மா சுத்தமான இந்த வீட்டில் குப்பை போல் எதற்காக இவ்வளவு அறுந்த நூல்களை சேர்த்து வைத்துள்ளீர்கள் என்று கேட்டார். அதற்கு அந்த சிறுமியோ ஐயோ ஸ்வாமி

அது குப்பை நூல்கள் அல்ல. எல்லாம் கண்ணன் தன் பிஞ்சு கைகளால் அறுத்து அறுத்து எறிந்த நூல்கள் என்றாள். இதை கேட்ட அவருக்கு அதிர்ச்சி! என்னமா சொல்கிறாய் கண்ணன் அறுத்த நூல்களா? எதுவும் புரியவில்லையே எனக்கு என்று கேட்டார். சிறுமி, ஸ்வாமி நான் ஏழை பெண் என்பதால் எனக்கு விளையாட தோழிகள்

யாரும் இல்லை அதனால் நேரம் போக தினமும் நீங்கள் பாடிய கண்ணன் பாடலை எனக்கென்று இருக்கும் இந்த சிறு ராட்டினத்தை சுற்றி கொண்டே பாடுவஎம். அப்பொழுது அந்த பாடலை கேட்டு கண்ணன் சிறு குழந்தையாக இங்கு வருவான் என் பாடலை கேட்டு ரசித்தபடியே தன் பிஞ்சு கைகளால் இந்த நூல்களை அறுத்து அறுத்து

எறிவான் நான் பாடி முடித்ததும் மறைந்து விடுவான் என்றாள். பாகவதருக்கோ அதிர்ச்சி. இத்தனை. நாள் நான் பாடிய பாடலுக்கு வராத கண்ணன் இந்த சிறுமி பாடியா வந்திருப்பான், சரி பார்த்து விடுவோம் அதையும் என்று மனதில் நினைத்து, அம்மா இன்று எனக்காக உன் ராட்டினத்தை சுற்றி கொண்டே பாடேன் என்றார்.

சிறுமியும் தன் ராட்டினத்தின் அருகில் போய் சுற்றி கொண்டு பாட ஆரம்பித்தாள் இனியமையான குரல், சிறிது நேரத்தில் கத்தினாள். ஸ்வாமி கண்ணன் வந்து விட்டான் பாருங்கள் என்று! அவரோ எங்கே அம்மா என் கண்ணுக்கு யாரும் தெரியவில்லையே என்று சொன்னார். சிறுமி கண்ணனிடம் கண்ணா நீ ஏன் என் குருநாதர்

கண்களுக்கு தெரியவில்லை என்று கேட்டாள். அதற்கு கண்ணன் தோழியே உன் குருநாதர் தன் வயிற்று பிழைப்புக்குக்காக மட்டுமே எனது கீர்த்தனைகளை பாடுகிறார். அதில் பக்தி பாவம் உள்ளன்பு எதுவுமே இல்லை. பின் நான் ஏன் அவர் கண்ணுக்கு தெரியவேண்டும்? அவர் வேண்டியபடி அவருக்கு தினமும் அன்னம் கிடைக்க

செய்கிறேன். அதுவே போதும் அவருக்கு. நீ பாடு என்றான் சிறுமியை பார்த்து கண்ணன். கண்ணன் சொன்னதை அப்படியே சிறுமி அவரிடம் கூறினாள். அதை கேட்ட பாகவதர், சிறுமியிடம் நான் உன் குருநாதர் தானே, நீ எனக்கு கண்ணனை காண செய்யேன் என்றார். அவர் சொன்னதை கேட்ட மாய கண்ணன், தோழியே நீ பாடு நான் அதை

ரசித்து கொண்டே இந்த நூல்களை அறுத்து எறிவேன். நூல்கள் அறுந்து எறிவது மட்டுமே அவர் கண்களுக்கு தெரியும். அதை பார்த்து அவரை மகிழ சொல். இதுவும் நீ கேட்டுக் கொண்டதற்கு இணங்க உன் குருநாதர் என்பதால் தான் இதை செய்கிறேன் ம்ம் பாடு என்றான் சிறுமியிடம் கண்ணன். சிறுமியும் கண்ணன் சொன்னதை

அவரிடம் சொல்ல, அவரும் சரி அம்மா நீ பாடு இந்த பாவி அதையாவது பார்த்து புண்ணியம் பெற்றுக் கொள்கிறேன் என்று கூறி அழுதார். சிறுமி பாடினாள். நூல்கள் தானாக அறுந்து விழுவதை பார்த்து விழுந்து வணங்கி எழுந்து சிறுமியை வாழ்த்தி விட்டு வீதியில் இறங்கி பாடி கொண்டே போனார். இப்பொழுது அவர் கைகள்

எந்த யாசகமும் கேட்கவில்லை. என் தெய்வமே ஸ்ரீ கிருஷ்ணா நரசிம்மா இனி என்னையும் எதையும் கேட்க தூண்டாதே உண்மையான அன்போடு உன்னை சரணடைய மட்டுமே வை அதுவே போதும்!

சர்வம் ஶ்ரீ கிருஷ்ணார்ப்பணம்🙏🏻