Thread by @Atarangi_Kp

PPF अकाउंट म्हणजे काय ?

PPF -पब्लिक प्रॉव्हिडेंट फंड हा एक दीर्घ कालीन गुंतवणुकीचा पर्याय आहे जो आकर्षक व्याजदर सोबतच गुंतवणुकीवर उत्तम परतावा देते. पीपीएफ मध्ये गुंतवलेला पैसा हा सरकारच्या पाठिंब्यामुळे एकदम सुरक्षित आहे. या शिवाय यात मिळणारा व्याज आणि परतावा हे आयकर
🧵1/n

कायद्या कलम 80C (Income Tax Act under Section 80C) च्या अंतर्गत खाते धारकाला टॅक्स पासून सूट मिळते.
तुम्ही पीपीएफ खाते एकतर पोस्ट ऑफिस मध्ये किंवा इतर कोणत्याही राष्ट्रीयकृत बँकेत उघडू शकता. तसेच आजकाल काही खाजगी बँका देखील ही सुविधा देत आहेत.
भारतातील कोणताही नागरिक
#मराठी #म

पीपीएफ खाते उघडू शकतो. तसेच अल्पवयीन व्यक्तीच्या नावाने सुद्धा खाते उघडता येते. Joint पीपीएफ खाते उघडता येत नाही. पण त्याऐवजी तुम्ही नॉमिनी लावू शकता. कोणतीही व्यक्ती त्याच्या नावावर एका पेक्षा जास्त पीपीएफ खाते उघडू शकत नाही.

पीपीएफ अकाउंट चा व्याज दर हा वित्त मंत्रालय तर्फे दरवर्षी निश्चित केला जातो. आणि पीपीएफ अकाउंट चा सध्याचा व्याज दर हा ७. १ टक्के आहे. (सध्याच्या FD आणि RD) पेक्ष्या उत्तम)
पीपीएफ खाते हे फक्त १०० रुपये देऊन देखील उघडता येते. तसेच पीपीएफ खाते दर वर्षी कमीत कमी ५०० रुपये आणि

जास्तीत जात १.५ लाख रुपये गुंतवणूक करण्यास परवानगी देते.

कालावधी :
पीपीएफ खात्याचा कालावधी हा किमान १५ वर्षाचा असतो. जो तुमच्या इच्छेनुसार मॅच्युरिटी नंतर ५ वर्षांच्या कालावधी मध्ये वाढवला जाऊ शकतो. मॅच्युरिटी कालावधी पूर्ण होण्याआधी खाते बंद केले जाऊ शकत नाही. फक्त काही

विशिष्ट परिस्थिती मध्ये बंद केले जाऊ शकते. २०१६ ला पीपीएफ नियम मध्ये काही बदल करण्यात आले ज्यात गंभीर आजार, मुलांच्या उच्च शिक्षणासाठी पीपीएफ खाते वेळे आधी बंद केले जाऊ शकते.
या शिवाय जर खाते धारकाच्या निवासी स्थितीत बदल झाला असल्यास पीपीएफ खाते मॅच्युरिटी आधी बंद केले जाऊ शकते

पीपीएफ खाते धारकाचा खाते मॅच्युरिटी होण्याआधीच जर मृत्यू झाला, आणि खाते ५ वर्षांपासून उघडले नसले तरी ही नॉमिनी असलेली व्यक्ती खात्यातील पूर्ण रक्कम काढू शकतो. तसेच खाते धारकाच्या मृत्यू नंतर पीपीएफ खाते बंद केले जाईल.

गुंतवणुकीचे फायदे:
१. खाते उघडल्यापासून तिसऱ्या ते सहाव्या वर्षापर्यंत जमा रकमेवर कर्ज घेता येते.
२. निवृत्ती नंतर च्या काळात करमुक्त उत्पन्न मिळण्यास मदत होते.
३. पीपीएफ खात्यातील रक्कम बुडण्याची भीती नसते.
४. पीपीएफ खाते पोस्ट ऑफिस, राष्ट्रीय बँक, खाजगी बँका कुठेही उघडता येते.

५. पीपीएफ खात्यामध्ये ऑनलाईन हि पैसे भरता येतात, त्यामुळे पैसे भरण्यासाठी बँकेत जायची गरज नाही.

लागणारी कागदपत्रे
१. पॅन कार्ड
२. पासपोर्ट
३. आधार कार्ड
४. मतदार कार्ड
५. ड्राइविंग लायसन्स
६. रेशन कार्ड
७. सही केलेला चेक
८. पासपोर्ट च्या आकाराचा तुमचा फोटो

९. खाते उघडण्यासाठी पूर्ण पणे भरलेला अर्ज
१०. जर अल्पवयीन मुलाच्या नावे खाते उघडायचे असेल तर त्याच्या वयाचा दाखला

पूर्ण माहिती सविस्तर वाचण्यासाठी प्रोफाइल बायो मध्ये दिलेल्या संकेतस्थळाला भेट द्या.
10/10
#PPF #Blog