Thread by @ParameswaraRaoH

#vasavijayanthi
మిత్రులకు, శ్రేయోభిలాషులకూ, అందరికీ శ్రీ వాసవీ మాతా జయంతి శుభాకాంక్షలు ✨💐🌹🌹🙏 జై మాతా!! జై జై మాతా!!!

ఆమె- మేరు నగ ధీర. స్థైర్య, ధైర్యాల నిండైన కలగలుపు. నిలువెల్లా ఆత్మాభిమానం ఆమె సొత్తు. ఆత్మాభిమానాన్ని కాపాడుకోడానికి తృణప్రాయంగా ఆత్మ బలిదానం చేయడానికి

వెనుకాడలేదు. అంతకు మించి ఆమెది విశాల హృదయం. సమాజ హితమే తన హితమనుకుంది. రక్తపాతాన్ని నిరసించింది. శాంతిని అణువణువునా కోరుకుంది. ఆమె ఎవరో కాదు, వాసవీ దేవి. ఆర్యవైశ్యుల నుంచి కులదేవతగా నీరాజనాలందుకుంటున్న తల్లి. ఇప్పటి పశ్చిమగోదావరి జిల్లాలోని పెనుగొండ ఆమె పుట్టిన ఊరు.

తండ్రి కుసుమ శ్రేష్టి. వైశ్యగణానికి రాజు. 11వ శతాబ్దం నాటి కథ ఇది. సంగీత, సాహిత్యాల వంటి కళల్లో ఆరితేరిన వాసవీ దేవి అపురూప సౌందర్య రాశి. అప్పట్లో పెనుగొండ రాజ్యం వేంగీ చాళుక్య సామ్రాజ్యంలో అంతర్భాగం. విష్ణువర్ధనుడనే మహారాజు రాజమహేంద్ర వరం రాజధానిగా వేంగీ దేశాన్ని పాలించేవారు.

విష్ణువర్ధనుడికి సామ్రాజ్య విస్తరణ కాంక్ష్యే కాదు అలవిమాలిన కాంతామోహం. ఒకానొక సందర్భంలో ఆయన పెనుగొండకు వెళ్ళారు. వాసవీ దేవిని చూసి మోహించాడు.

పెళ్ళిచేసుకుంటానని వాసవీ దేవి తండ్రి కుసుమ శ్రేష్టికి సమాచారం పంపించాడు. అప్పటికే విష్ణువర్ధనుడు వయస్సు మళ్ళుతున్న వ్యక్తి.

ఆయనకు తొలి భార్య ద్వారా రాజరాజ నరేంద్రుడు అనే యుక్తవయస్కుడైన కుమారుడు కూడా ఉన్నాడు. మలి భార్యలు కూడా కొందరు లేకపోలేదు.

వయసు మళ్ళిన విష్ణువర్ధనుడికి తన కుమార్తెను ఇచ్చి కన్యాదానం చేయడానికి కుసుమ శ్రేష్టికి మనసొప్పలేదు. సన్నిహితుల అభిప్రాయం కోరాడు.

బలవంతుడైన మహారాజుతో శత్రుత్వం కన్నా బాంధవ్యమే మేలని పలువురు చెప్పారు. అయినా కుసుమ శ్రేష్టి అంగీకరించలేకపోయారు.

వాసవీ దేవిని బలవంతంగానైనా ఎత్తుకెళ్ళడానికి విష్ణువర్ధనుడు ప్రయత్నించాడు. సేనలతో పెనుగొండను ముట్టడించడానికి కదిలాడు.

మరోవైపు విష్ణువర్ధనుడి సేనను ఎదుర్కోడానికి కుసుమ శ్రేష్టి అనుచరగణం సంసిద్ధమైంది. ఆత్మాభిమానాన్ని వదులుకొనే కన్నా ప్రాణత్యాగమే మంచిదని కుసుమ శ్రేష్టి బృందం భావించింది.

ఇంతలో వాసవీ దేవి జోక్యం చేసుకుంది. తన కోసం యుద్ధం వద్దంది. రక్తపాతం కూడదంది.

ఒకరి కోసం వంద మంది చనిపోవడానికి ఆమె ఇష్టపడలేదు.

శాంతి మంత్రమే పరధర్మమంది. తన ఆత్మాభిమానాన్ని కాపాడుకోడానికి ఆత్మ బలిదానం చేయాలని నిర్ణయించుకుంది. విష్ణువర్ధనుడి సేనలు పెనుగొండకు వచ్చే లోగానే సమీపంలోని గోదావరి నది ఒడ్డున బ్రహ్మకుండంలో అగ్ని గుండాలను ఏర్పాటుచేయించింది.

మరికొందరితో కలిసి తాను కూడా అగ్ని గుండాల్లో దూకి ఆత్మబలిదానం గావించింది.

అప్పటి నుంచి వాసవి దేవి వైశ్యులకు కులదేవతగా మారింది. పెనుగొండతోపాటు మన రాష్ట్రంలోని అనేక చోట్ల ఒరిస్సా, తమిళనాడు, కర్ణాటకలోని మరికొన్ని చోట్ల వాసవి దేవీ ఆలయాలు వెలశాయి.

వాసవీ దేవిని వివిధ మత సాంప్రదాయాల్లో పూజిస్తారు. శైవలు ఆమెను పార్వతీ అవతారంగా భావిస్తారు.

అందుకే ఆమెను వాసవి కన్యకా పరమేశ్వరి రూపంలో ఆరాధిస్తారు. వైష్ణవ సంప్రదాయాన్ని ఆచరించేవారు లక్ష్మీ దేవిగా పూజిస్తారు. వైశ్యుల్లోని జైన మతస్తులు వాసవి దేవిని మరో విధంగా గౌరవిస్తారు.

జైనుల దృష్టిలో ఆమె యుద్ధాన్ని ఆపిన శాంతి మాత. అందుకే జైనులు ఆమెను శాంతి మాత అని పిలుస్తారు.

Vasavi Jayanthi is the day when Goddess Vasavi appeared on earth. It is her birth anniversary Vasavi, a manifestation of Mother Goddess Adiparashakti, worshiped by the Vysyas.

Vasavi Jayanthi 2023 date April 30. It is observed on the Vaishakh Shukla Paksha Dasami day, or the tenth day during the waxing phase of the moon, in Vaishakh month as per traditional Hindu lunar calendar followed in Andhra Pradesh and Telangana.