Thread by @anbezhil12

#திருப்பாவையில்_நரசிம்மர்_பாசுரம்
மாரி மலை முழைஞ்சில் மன்னிக் கிடந்து உறங்கும்
சீரிய சிங்கம் அறிவுற்றுத் தீ விழித்து
வேரி மயிர் பொங்க எப்பாடும் பேர்ந்து உதறி
மூரி நிமிர்ந்து முழங்கிப் புறப்பட்டுப்
போதருமா போலே நீ பூவைப்பூ வண்ணா உன்-
கோயில் நின்று இங்ஙனே போந்தருளிக்
கோப்புடைய -

சீரிய சிங்காசனத்து இருந்து யாம் வந்த- காரியம் ஆராய்ந்து அருளேலோர் எம்பாவாய்

பொருளுரை: கார் காலத்தில் மலைக் குகையை தன் இருப்பிடமாக்கிக் கொண்டு உறங்கிக் கிடக்கும் பெருமை வாய்ந்த சிங்கம், தூக்கம் கலைத்து, தீப்பொறி பறக்க தன் சிவந்த விழிகளை திறந்து பார்த்து, மணமுள்ள தன் பிடறி முடி

அலை பாயும் வகையில் உடலை நாற்புறமும் அசைத்து, நெட்டுயிர்த்து, பின் கம்பீரமாக நிமிர்ந்து கர்ஜித்து, குகையை விட்டுக் கிளம்புவது போல, காயா மலர் நிறம் கொண்ட மாயக் கண்ணனான நீ, உன் திருமாளிகையை விட்டு இங்கு வந்து, உனக்கேற்ற வகையில் உருவாக்கப்பட்ட பெருமை வாய்ந்த சிம்மாசனத்தில் அமர்ந்து,

அதன் பின், நாங்கள் உனை நாடி வந்த செயலுக்கான காரணத்தை ஆராய்ந்து அருள வேண்டுமாக, பாவை நோன்பிருந்து வணங்கிக் கேட்கிறோம்.
பாசுர விசேஷம்: சூடிக் கொடுத்த நாச்சியார், மாயக்கண்ணன் துயிலெழுவதை, ஒரு சிங்கம் விழித்து எழுவதுடன் ஒப்பிட்டு, மிக அழகாக பாசுரம் வடித்துள்ளார். இது லக்ஷ்மி

நரசிம்மரை மனத்தில் கொண்டு ஆண்டாள் பாடிய பாசுரம் என்று பெரியோர்கள் கூறுவர். பெரியாழ்வாரும் ஆண்டாளும் சிறந்த லஷ்மி நரசிம்ம பக்தர்கள். ஸ்ரீ ராமானுஜர் ஆராதித்த பரமன் திருவடிவம் லஷ்மி நரசிம்மர் தான்.
#happyNarasimhaJayanthi #நரசிம்ஹஜெயந்தி #narasimhajayanti2023