Thread by @anbezhil12

#திருப்பருப்பதம் - #ஸ்ரீசைலம்_மல்லிகார்ச்சுனேசுவரர்_கோயில் சம்பந்தர், அப்பர், சுந்தரர் மூவரின் பாடல் பெற்ற தலமாகும். மல்லிகார்ஜுன சுவாமிக்காக ஆந்திர மாநிலத்தின் நந்தியால் மாவட்டத்தில் நல்லமலைக் குன்றில், கிருஷ்ணா நதியின் கரையில் அமைந்துள்ளது இக்கோவில். ஸ்ரீசைலம் என்றும் அழைக்கப்

படுகிறது. சிலாதர் என்ற மகரிஷி குழந்தை வரம் வேண்டி சிவனைக்குறித்து தவம் இருந்தார். சிவனின் அருளால் நந்தி, பர்வதன் என்ற இரு ஆண் குழந்தைகள் பிறந்தனர். குழந்தைகளைப் பார்க்க சனகாதி முனிவர்கள் வந்தனர். அவர்கள், நந்திதேவர் சில காலம் தான் பூமியில் வாழ்வார் என சிலாதரிடம் தெரிவித்தனர்.

சிலாதர் மிகவும் வருந்தினார். தந்தையின் வருத்தத்தை அறிந்த நந்தி, தந்தையே! கலங்காதீர்கள். நான் சிவனைக்குறித்துக் கடும் தவம் இருந்து சாகா வரம் பெறுவேன் என்றார். தவத்தில் மகிழ்ந்த சிவன், நந்தியை தன் வாகனமாக்கியதுடன், அவரது அனுமதியின்றி யாரும் தன்னைக் காண வர முடியாது என்று உத்தரவும்

பிறப்பித்தார். நந்தி தவம் செய்த #நந்தியால் என்ற இடம் மலையின் கீழே உள்ளது. அத்துடன் அவனது தம்பியாகிய பர்வதனும் தவமிருந்தான். பர்வதன் கடும் தவம் செய்து சிவபெருமான் பாதம் எப்போதும் தன் மீது இருக்க வேண்டும் என்ற வரம் பெற்றான். ஆதன் படிப் பர்வதனை ஒரு மலையாக ஆக்கி ஸ்ரீ பர்வதம் என்னும்

பெயரிட்டு தாம் சிவலிங்கமாக அம்மலையின் மீது அமர்ந்து எழுந்தருளினார். ஆந்த ஸ்ரீ பர்வதமே நாளடைவில் ஸ்ரீசைலம் என வழங்கலாயிற்று. சைலம் என்றால் மலை எனப் பொருள்படும். மற்றும் ஒரு சிவபக்தை நகஸ்ரீ என்பவள் தவமிருந்து இத்தலம் தனது பெயரால் வழங்கப்பட வேண்டுமென சிவபெருமானிடம் வரம் பெற்றாள்.

நகஸ்ரீ என்பது ஸ்ரீ நகம் என மாறி தற்போது ஸ்ரீசைலம் என மருவி வழங்குகிறது. சிலாதமுனிவர் தவம் செய்தமையால் இம்மலை சிலாத முனி மலை எனப்பெயர் பெற்று நாளடைவில் ஸ்ரீ சைலம் எனப் பெயர் மருவிவிட்டது எனவும் கூறப்படுகிறது. மல்லிகாபுரி என்ற பகுதியை ஆண்ட சந்திரகுப்தனின் மகள், சந்திரரேகா இங்கு

கிடைத்த மல்லிகைப்பூவாலும், அர்ஜுனா மலர்களாலும் இறைவனைப் பூஜித்து வந்தாள். இதனால் இங்குள்ள இறைவன் “மல்லிகார்ஜுனர்” எனப்படுகிறார். பிரதோஷத்தன்று நந்தீஸ்வரரை வணங்கி வந்தாலே கோடி புண்ணியம் கிடைக்கும் போது, நந்திதேவர் அவதரித்த தலத்திற்கே சென்று அவரை வணங்கி வந்தால், முக்தியே அடைந்து

விடலாம் என்பதில் சந்தேகமில்லை. அவரது அவதாரத் தலமான ஸ்ரீசைலம் மனதிற்கு இதம் தரும் மலைப்பகுதியில் உள்ளது. ஆந்திராவிலுள்ள ஸ்ரீசைலம் சிவனின் 12 ஜோதிர்லிங்கத் தலங்களில் ஒன்று. இங்குள்ள மல்லிகார்ஜுனருக்கு நாமே அபிஷேக ஆராதனை செய்யலாம். சிவத்தலங்களில் கைலாயம் முதலிடம் என்றால், நந்தி

அவதரித்த ஸ்ரீசைலம் இரண்டாம் இடம் வகிக்கிறது. அத்துடன் அம்மனின் 51 சக்திபீடங்களில் இது மூன்றாம் இடத்தில் இருக்கிறது. ஸ்ரீசைலம் மகாபாரதத்திலும், புராணங்களிலும் குறிப்பிடப்பட்டுள்ளது. கந்த புராணத்தில் சிறீசைல காண்டம் எனும் அத்தியாயம் ஒன்று உண்டு. இது இக்கோயில் மிகப் பழங்காலத்திலேயே

தோன்றியதற்குச் சான்றாக அமைகிறது. பொ.யு. 7 - 9 ஆம் நூற்றாண்டுகளில் வாழ்ந்தநாயன்மார்கள் இக்கோயிலைப் பாடியுள்ளனர். #ஆதிசங்கரர் இங்கு வந்து #சிவானந்தலகரி என்னும் சமஸ்கிருத நூலை இயற்றியுள்ளார். இக்கோயிலின் வடக்கு கோபுரத்தையும், தியான மண்டபத்தையும் நிர்மாணித்தவர் சத்ரபதி சிவாஜி. தன்

படைவீரர்களுடன் போருக்குப் புறப்பட்ட அவன் இந்தக் கோயிலுக்கு வந்தபோது இறைவனின் பேரருளில் நனைந்து, ஆழ்ந்து அங்கேயே தங்கிவிட்டான். அவன் படைகள் முன்னால் போய் விட்டன. போர்க்குணத்தை முற்றிலும் இழந்த அவன் அங்கேயே தங்கிவிடவும்  தீர்மானித்தான். ஆனால், அவனுடைய அரசப்பணிக்கு எந்தத் தொய்வும்

வந்துவிடக் கூடாது என்பதற்காக பிரம்மராம்பாளே பவானி தேவியாக அவன் கனவில் தோன்றி ஒரு வாளையும் கொடுத்து அவனை ஆசிர்வதித்துப் போருக்கு அனுப்பி வைத்து வெற்றியும் காணவைத்தாள். இன்றளவும் அவள் கொடுத்த வாள் பாதுகாத்து வைக்கப்பட்டுள்ளது. நாலாபுறமும் கோபுரங்கள் உள்ளன. கிழக்கு கோபுரம் கிருஷ்ண

தேவராயரால் கட்டப்பட்டதாக கூறப்படுவதால் இந்த கோபுரத்திற்கு கிருஷ்ணதேவராயர் கோபுரம் என்றே அழைக்கப்படுகிறது. மல்லிகர்ஜுனர் அமைந்துள்ள கருவறைக்கு மேல் உள்ள கோபுரமானது காக்கத்திய மன்னர் கணபதியின் சகோதரி மைலம்மா என்பவரால் கட்டப்பட்டதாக கல்வெட்டு குறிப்பு உள்ளது. பொன் வேய்ந்த விமானம்.

இந்த கோயில் கோட்டைச்சுவர் மிக பலம் வாய்ந்ததாக இருக்கும் வகையில் 2121 அடி நீளத்தில், 20 அடி உயரத்துடன் கோட்டை சுவர் திருச்சுற்று மதில்களை கொண்டுள்ளது. இந்த சுவரில் பல புராண, வரலாறுகளை குறிக்கும் வகையில் சிலைகள், புடைப்புச் சிற்பங்களாக செதுக்கப்பட்டுள்ளன. இந்த கோயிலில் பூஜைகள்

வீரசைவ காரணாகம விதிமுறைப்படி நட்சந்து வருகின்றது. இன்றும் வீர சைவர்களின் கட்டுப்பாட்டில் இந்த கோயில் உள்ளது. தினமும் நடக்கும் நித்ய நைவேத்ய பூஜையின் போது, விருத கக்பத்தின் அடிப்படையில் இங்கு அமைந்துள்ள மகா நந்திக்கு நைவேத்யம் கிடையாது. செவ்வாய் கிழமைகளிலும், பிரதோஷம், சிவராத்திரி

தினத்தில் மட்டும் தான் இந்த மகா நந்திக்கு ஊரவைத்த முக்கடலையை ஒரு மஞ்சள் துணியில் வைத்து அதை நந்தியின் வாயோடு கட்டிவைப்பது காலம் காலமாக நடந்து வருகின்ற ஐதீகமாகும். குழந்தை பாக்கிய இல்லாமல் வாடும் தம்பதியர் இந்த கோயிலுக்கு வந்து வணங்கி செல்ல புத்திர சந்தானம் உண்டாகும். வேலை

வாய்ப்பு இல்லாதவர்கள் சன்னா எனும் முக்கடலையை வாங்கி தேவஸ்தான நிர்வாகத்தில் கொடுப்பார்கள். இதனை நந்திக்கு வ்ருத கல்ப முறையில் நைவேத்தியமாக பிரசாதமாக படைப்பார்கள். இன்னொரு அதிசயம், இந்தக் கோயிலைச் சுற்றியுள்ள காடுகளில் ஹனுமந்தபீரம் என்றவகை மரங்கள் உள்ளன. இந்த மரங்களின் இலைகள்

வித்தியாசமான தோற்றம் கொண்டிருக்கின்றன. ஆமாம், இலையின் இரு பகுதிகளிலும் ஆஞ்சநேயர் உருவம் காணப்படுகிறது! இந்த இலை கிடைக்கப் பெறுபவர்கள் அதைக் கொண்டுவந்து தம் வீட்டு பூஜையறையிலோ அல்லது பீரோவிலோ வைத்துப் போற்றிப் பாதுகாக்கிறார்கள். சென்று தரிசிப்போம்.
ஹரஹர சங்கர சிவ சிவ சங்கர

சர்வம் ஸ்ரீ கிருஷ்ணார்ப்பணம்🙏