Thread by @anbezhil12

#நீலகண்டப்_பிள்ளையார்_கோவில் தஞ்சை மாவட்டம் பேராவூரணியில் ஏந்தல் நீலகண்டப்பிள்ளையார் கோவில் உள்ளது. வரலாற்று சிறப்பு மிக்க இந்த கோவிலுக்கு தினமும் பேராவூரணி மட்டுமின்றி அதன் சுற்று வட்டார பகுதிகளில் இருந்து ஏராளமான பக்தர்கள் வருகின்றனர்.
பொ.யு.1825-ம் ஆண்டு தஞ்சையை ஆண்டு வந்த

துளசேந்திர மகாராஜாவின் அமைச்சர் நீரழிவு நோயால் அவதிப்பட்டு வந்தார். ஆதலால் சிகிச்சைக்காக திருப்பெருந்துறை (ஆவுடையார் கோவில்) செல்வதற்காக பேராவூரணி வழியாக தனது அரச பரிவாரங்களுடன் சென்று கொண்டு இருந்தார். அப்போது இரவு நேரம் ஆகிவிட்டதால் பேராவூரணியில் உள்ள ஒரு அரச மரத்தடியில் தனது

பரிவாரங்களுடன் தங்கினார். அப்போது பேராவூரணி ஏந்தல் நீலகண்டப் பிள்ளையாருக்கு சங்கரன்கள் 2 பேர் பூஜை செய்வதையும், திரளான பக்தர்கள் சாமி தரிசனம் செய்வதையும் அமைச்சர் பார்த்தார். உடனே கோவிலுக்கு அவரும் சென்றார். பின்னர் தனக்கு உள்ள நோயை பற்றி சங்கரன்களிடம் கூறினார். உடனே அவர்கள்

இன்று இரவு நீங்கள் இங்கு தங்கி விட்டு, மறுநாள் காலையில் கோவிலுக்கு அருகே உள்ள குளத்தில் நீராடி விட்டு, நீலகண்டப் பிள்ளையாரை வணங்கி திருநீறு பூசுங்கள். உங்கள் நோய் உடனே குணமாகும் என்றனர். அவர்கள் கூறிய படி அமைச்சரும் இரவில் தனது பரிவாரங்களுடன் கோவிலில் தங்கினார். மறுநாள் காலையில்

கோவில் குளத்தில் குளித்து விட்டு, நீலகண்டப் பிள்ளையாரை நினைத்து திருநீறு பூசினார். உடனே நீரழிவு நோய் முற்றிலுமாக குணமானதாக தலவரலாற்றில் உள்ளது. பின்னர் இது குறித்து அமைச்சர், துளசேந்திர மகாராஜாவிடம் கூறினார். உடனே மகாராஜா, நீலகண்டப்பிள்ளையார் கோவிலுக்கு அருகே உள்ள நிலத்தை தானமாக

கோவிலுக்கு எழுதி வைத்தார். பின்னர் சிறிது நாட்கள் கழித்து நீலகண்டப் பிள்ளையார், துளசேந்திர மகாராஜாவின் கனவில் தோன்றி தனக்கு பூந்தோட்டம், பழத்தோட்டம் வேண்டும் என கேட்டதாகவும், ஆதலால் பேராவூரணி ரெயில் நிலையத்தின் அருகில் உள்ள செங்கொல்லை எனப்படும் நிலத்தினை தானமாக எழுதிக் கொடுத்ததாக

தல வரலாற்றில் கூறப்பட்டுள்ளது. அதனைத் தொடர்ந்து சிறிய கூரைக் கொட்டகையில் இருந்த நீலகண்டப் பிள்ளையாருக்கு சிறிய கோவிலையும் அவர் கட்டி கொடுத்தார். துளசேந்திர மகாராஜாவால் சிறிய கோவிலாகக் கட்டப் பட்ட இந்த கோவில் பின்னர் பலரின் முயற்சியால் சிறிது, சிறிதாக திருப்பணிகள் மேற்கொள்ளப்

பட்டு ஒரு விமானம், சிறிய ராஜ கோபுரத்துடன் கட்டப்பட்டு கடந்த 2000-ம் ஆண்டு குடமுழுக்கு நடத்தப் பட்டது. பின்னர் 2014-ம் ஆண்டு உபயதாரர்கள் மூலம் 2 பெரிய முன் மண்டபங்களுடன் திருப்பணிகள் மேற்கொள்ளப்பட்டு, மிகப்பெரிய கோவிலாக அமைக்கப்பட்டு குடமுழுக்கு நடைபெற்றது. கோவிலுக்கு வடக்கு

புறத்தில் தீர்த்த குளம் உள்ளது. இந்த குளத்தில் நீராடி, நீலகண்டப் பிள்ளையாரை வணங்கினால் தீராத நோய்கள் அனைத்தும் குணமாகும் என்பது ஐதீகம். ஆதலால் இந்த பிள்ளையாருக்கு #தீராத_வினை_தீர்க்கும்_திருநீலகண்ட_பிள்ளையார் என்ற சிறப்பு பெயரும் உண்டு. இந்த கோவிலில் பக்தர்கள் தங்குவதற்கு வசதியாக

மண்டபங்கள் உள்ளன. விநாயகருக்கு அபிஷேகம் செய்து பிரார்த்தனை நிறைவேற்றப்படுகிறது. கோவிலின் பின்புறம் தல விருட்சமாக அரசும், வேம்பும் இணைந்து கம்பீரமாக காட்சி தருகிறது. காரியங்களில் தடை ஏற்பட்டால் இங்கு வழிபாடு செய்யப் படுகிறது. விநாயகருக்கு அமைந்த தனி கோவில்களில் இது முக்கியமானது.

முகூர்த்த நாட்களில் இங்கு ஏராளமான திருமணங்களும் நடக்கின்றன.
பேராவூரணியில் அநேகமாக வீட்டுக்கு ஒரு குழங்தைக்காவது நீலகண்டன், நீலா நீலவேந்தன், நீலவேணி என்று முதல் எழுத்து நீ என பிள்ளையாரை நினைத்து பெயர் சூட்டுவது வழக்கமாக உள்ளது. மேலும், பெண்கள் வெள்ளிக்கிழமை தோறும் கோவில்

மண்டபத்தில் இரவு தங்கியிருந்து காலையில் திருக்குளத்தில் நீராடி நீலகண்ட பிள்ளையாரை வழிபடுகிறார்கள். எந்த விநாயகர் கோயிலிலும் நடைபெறாத தீமிதித் திருவிழா இங்கு நடைபெறுகிறது. சித்திரை மாதத்தில் நடைபெறுகின்ற காவடித்திருவிழாவின்போது பால் குடம், பால் காவடி, கரும்பு கட்டுதல் போன்றவை

நடைபெறுகின்றன. அதிக எண்ணிக்கையிலான பக்தர்கள் மார்கழி மாதத்தில் தினமும் காலையில் நந்திக்கு தண்ணீர் எடுத்து ஊற்றி நேர்த்திக்கடனை செலுத்துகின்றனர். இந்தக் கோயிலில் இன்னொரு சிறப்பு முகூர்த்த நாட்களில் சுமார் ஐம்பது எழுபதுக்கும் மேற்பட்ட திருமணங்கள் இங்கு நடைபெறும். இங்கே அவர்

சந்நிதிக்கு முன்னே திருமணம் செய்து கொண்டால், இல்லறம் செழிக்கும். குடும்பம் தழைக்கும். தம்பதி ஒற்றுமை மேலோங்கும். சந்ததிகள் சிறக்க சந்தோஷமாக வாழலாம் என்கிறார்கள் பக்தர்கள். கோயில் குளம் கொள்ளை அழகு. வருடந்தோறும் தண்ணீர் முழுவதும் வெளியேற்றப்படுகிறது. தூர்வாரப்படுகிறது. இயற்கை

சுண்ணாம்பைக் கொண்டு, குளம் முழுவதும் தூவப்படுகிறது. அதனால்தான் சுற்றியுள்ள எந்த ஊர்க் குளத்தில் தண்ணீர் இல்லை என்றாலும் கூட, இந்தக் கோயில் குளத்தில் எப்போதும் இருந்துகொண்டே இருக்கும். இந்த மக்களின் உதவியாலும் கோயில் ஊழியர்களின் உழைப்பாலும் இவை அனைத்தும் சாத்தியமாயிற்று என்று

தெரிவிக்கிறார் கோயில் செயல் அலுவலர் கோவிந்த்ராஜ்.
இக்கோவில் பேராவூரணி-அறந்தாங்கி சாலையில் முடப்புளிக்காடு ஏந்தலில் உள்ளது. பேராவூரணியிலிருந்து 1/2 கிமீ தொலைவில் உள்ளது.

ஸ்ரீ கணேசா சரணம்
சர்வம் ஶ்ரீ கிருஷ்ணார்ப்பணம்🙏🏻