Thread by @anbezhil12

#ராமகரி_ஸ்ரீகல்யாண_நரசிங்க_பெருமாள்
மூலவர்: நரசிம்மர் பெருமாள்
தாயார்: ஸ்ரீதேவி, பூதேவி
தீர்த்தம்: குடகனாறு
ஆகமம்: பாஞ்சராத்ரம்
வேடசந்தூர், திண்டுக்கல் மாவட்டத்தில் உள்ளது இக்கோவில். சுமார் 1,000 ஆண்டுகளுக்கு முன்பு குஜிலியர்கள் என்ற இனத்தவர் இங்கு அமைந்துள்ள பாறைப்பகுதியில்

ஒட்டி வாழ்ந்து வந்துள்ளனர். நாளைடைவில் #குஜிலியர் என்ற இனத்தவரின் பெயரோடு அவர்கள் வாழ்ந்து வந்த பாறைப்பகுதியையும் சேர்த்து #குஜிலியம்பாறை என இவ்வூர் அழைக்கப்பட்டது. குஜிலியம்பாறையில் இருந்து 4 கிமீ தொலைவில் ராமகிரி வேடசந்தூர், என்ற ஊர் உள்ளது. இங்கு 1,200 ஆண்டுகள் பழமை வாய்ந்த

ஸ்ரீகல்யாண நரசிங்க பெருமாள் கோயில் உள்ளது. இங்கே பெருமாள், நரசிம்மர் என்ற பெயரில் இருந்தாலும், பெருமாளின் நரசிம்ம வடிவம் இங்கே கிடையாது. மூலஸ்தானத்தில், சங்கு சக்கரத்துடன் அபய வரத முத்திரைகள் காட்டியபடி, ஸ்வாமி திருமண கோலத்தில் காட்சி தருகிறார். நீண்ட காலமாக திருமணம் ஆகாதவர்கள்

இங்கு வந்து வழிபட்டால், ஸ்ரீநரசிம்மர் ஸ்வாமி கிருபையால் திருமண தடை நீங்கும் என்பது இக்கோயிலின் சிறப்பம்சம். திருமணக்கோலத்தில் உள்ள ஸ்ரீ நரசிம்மர் மூர்த்தியை வணங்கினால், திருமண தடை நீங்கி திருமணம் இனிதே நடைபெறும். தனி சன்னதியிலுள்ள கமலவல்லி தாயாரை வணங்கினால் வறுமை நீங்கி பொருள்

சேர்க்கை, தொழில் அபிவிருத்தி ஏற்படும். பிரகலாதன் கதை நாம் அனைவரும் அறிந்ததே. இரண்யனை வதம் செய்த பிறகும் நரசிம்மர் உக்ரம் தணியவில்லை. நரசிம்மர் ஸ்வாமியின்
கோபத்தை தணிக்க, அவரை குடும்பஸ்தராக்க வேண்டும் என்பதால் அவருக்கு ஸ்ரீதேவி, பூதேவி இரு தேவிகளையும் திருக்கல்யாணம் செய்து

வைத்தார்கள் சிவபெருமானும், பிரம்ம தேவரும். அதன்படி, நரசிம்மரின் ஆவேசம் தணிந்து திருக்கல்யாணம் நடந்த இடம் திண்டுக்கல் மாவட்டத்தில் உள்ள ராமகிரி என்ற இந்த இடத்தில் தான். இத்திருமண விழாவை சிவபெருமான், ஈஸ்வரி, பிரம்ம தேவர், சரஸ்வதி, மற்றும் அனைத்து தேவர்கள், ரிஷிகள் அனைவரும் வந்து

இருந்து 15 நாள் விழாவாக கொண்டாடினர். ஆஞ்சநேயர் ஸ்வாமி கல்யாண விழாவிற்கு வருபவர்களை வரவேற்க 4 திசைகளிலும் ஓடி, ஓடி வரவேற்பு செய்தார் என்றும் கூறப்படுகிறது. இங்கு பெருமாள் ஸ்ரீதேவி பூதேவி சமேத ஸ்ரீ கல்யாண நரசிங்க பெருமாளாக காட்சி தருகிறார். மேலும், சன்னதி முன் மண்டபத்தில் சிவ

பெருமானின் லிங்க வடிவம் பொறிக்கப்பட்டுள்ளது. இவ்வாறு, இக்கோவிலில் ஒரே சமயத்தில் சிவன், பெருமாள் என நம் இரு தெய்வங்களின் தரிசனம் பெற்று மகிழலாம். இக்கோவில் குடகனாற்றின் கிழக்கு கரையில் அமைந்துள்ளது. மூலஸ்தானத்தில் பெருமாள் ஸ்ரீதேவி பூதேவியுடன் காட்சி அளிக்கிறார்.
இங்கு ஆறு

தெற்கிலிருந்து வடக்கு நோக்கி உத்தரவாகினியாக ஓடுவது விசேஷம்.
ஸ்ரீ தேவியும், பூதேவியும் பெருமாளின் தங்கையான ஸ்ரீ துர்கா தேவியிடம் சென்று உங்கள் சகோதரரின் கோபம் தணிந்தாலும் நீங்களும் எங்களுடன் இங்கு எழுந்தருளவேண்டும் என்று கேட்டுக் கொண்டனர். ஸ்ரீதேவி பூதேவி தாயார்களின்

வேண்டுகோளுக்கு இணங்கி ஸ்ரீ துர்கா தேவியும் தன் சகோதரரான ஸ்ரீ நரசிம்ம பெருமாள் வீற்றிருக்கும் இந்த ஆலயத்திலேயே விஷ்ணு துர்க்கை அம்மனாக தங்கி விட்டாள். விஷ்ணு துர்க்கையை ராகு காலத்தில் விளக்கேற்றி வணங்கினால் செய்த பாவங்கள் தோஷங்கள் நீங்கும். திருமணத் தடை அகலும். வாசலில் தெற்கு

நோக்கி உள்ள ஆஞ்சநேயர் ஸ்வாமியை வடை மாலை, துளசி மாலை சாற்றி வழிபட்டால் எக்காரியமும் தடையின்றி வெற்றி அடையும். இங்கு வேதநாயகனாக விளங்கும் பெரிய திருவடியான கருட பகவானுக்கு 16 மோதகம், தயிர் அன்னம் வைத்து பூஜித்தால் நாகதோஷம், பட்சி தோஷம் விலகி நன்மைகள் உண்டாகும். இந்த ஆலயத்தில் நாம்

வந்து பெருமாளை சேவித்தாலே போதும். கல்யாண நரசிங்க பெருமாளின் கருணையால், அருளாசியால், தடைபடும் சுபகாரியங்கள் அனைத்தும் இனிதே நடக்கிறது என்கிறார்கள் பக்தர்கள்.

சர்வம் ஶ்ரீ கிருஷ்ணார்ப்பணம்🙏🏻