Thread by @savidhasasi

#இயற்கை_365 #95

விருந்து மணக்க, ஒரே ஒரு ஜாதிக்காய் போதும் எனப்படும் ஜாதிக்காயின் தாவரப்பெயர் Myrsitica fragrans.
தோன்றிய இடம்: பாண்டா தீவு.

"காரணமில்லாம குழந்தை அழுதா, ஜாதிக்காய் அரைச்சு ஊத்து. அழுகை சுத்தமா நின்னு, தூங்கிடும்"
என்ற கிராமப்புற குரல்களுடன் ஒரு பதிவாக,
#ஜாதிக்காய்

Nutmeg என அழைக்கப்படும்
ஜாதிக்காய்க்கு குலக்காய், அட்டம், அட்டிகம் என்கின்ற வேறு தமிழ்ப்பெயர்களும் உண்டு..

உணவுகளில் தனிமணம் சேர்க்கும் ஜாதிக்காய், துவர்ப்பும் இனிப்பும் கலந்ததொரு சுவை கொண்ட உலர்கொட்டையாகும்..

மரங்களில் காய்க்கின்ற சிவப்பு நிற ஜாதிக்காய் பழத்தின் கொட்டைக்குள் இருக்கும் பருப்பு தான், நாம் சமையலில் உபயோகிக்கின்ற ஜாதிக்காயாகும்..

அத்தியாவசிய வைட்டமின்கள், கனிமங்கள், நார்ச்சத்து கொண்ட ஜாதிக்காயில் Campene, Pinene, Myristicin, Geraniol ஆகிய தாவர எண்ணெய்கள் நிறைந்துள்ளன.

வயிற்று வலி, குடல் அழற்சி, ஒற்றைத் தலைவலி, மாதவிடாய் வலி என அனைத்து வலிகளுக்கும், வலி நிவாரணியாக ஜாதிக்காயின் எண்ணெய்கள் விளங்குகின்றன..

பற்சிதைவு, வாய் துர்நாற்றம், ஈறுகள் வீக்கம், அலர்ஜி, ஆஸ்துமா, ஒற்றைத் தலைவலி ஆகியவற்றில் ஜாதிக்காய் பயன்தரும்..

மன அழுத்தம், தூக்கமின்மை, பதட்டநிலையைப் போக்கும் ஜாதிக்காய் ஞாபகத்திறனையும் அதிகரிப்பதால் அல்சைமர் & பார்க்கின்சன் நோய்களுக்கு பயனளிக்கிறது.

இரத்தத்தில் கொழுப்பைக் குறைப்பதுடன், Leukemia என்ற ப்ளட் கேன்சரின் தாக்கத்தை குறைக்க உதவுகிறது ஜாதிக்காய்..

தசை வலி, மூட்டு வீக்கம், கௌட் நோய், சரவாங்கி, எலும்புப்புரை ஆகியவற்றில் இதன் எண்ணெய் மேற்பூச்சாக பயன்படுத்தப்படுகிறது..

Disclaimer: ஜாதிக்காயை அதிகளவில் பயன்படுத்தும்போது இதன் Myristicin வாந்தி, தலைச்சுற்றல், வலிப்பு ஆகியவை ஏற்படக்கூடும்..

ஜாதிக்காயின் விதையின் மேலிருக்கும் மெல்லிய, சிவப்பு நிறத்தோல் பகுதி ஜாதிபத்திரி (Mace) எனப்படும்.

ஜாதிபத்திரியும், ஜாதிக்காய் போலவே மணம்தரும் பொருளாகப் பயன்படுத்தப்படுகிறது..
மேலும் ஜாதிக்காயின் கனிகள் ஊறுகாயாகப் பயன்படுத்தப்படுகின்றன.

பிரியாணி மற்றும் கறியில் மணம் சேர்க்கும் ஜாதிக்காய், Cookies, Cake, Pie, Custard, Cream என அனைத்து உணவுகளிலும் சேர்க்கப்படுகிறது..

மிகச்சிறந்த ஜாதிக்காய்களை விளைவிப்பது கிழக்கே, இந்தோனீசியாவின் பாண்டா தீவுகள் மற்றும் மேற்கே, கிரீனேடா என்ற கரீபியன் தீவுகளாகும்..

பண்டைய காலத்தில், மன்னர்களின் வயக்கராவான ஜாதிக்காய், Ancient Aromatic Aphrodisiac of Arabs என்று குறிப்பிடப்பட்டுள்ளது..

ரோம் வீதிகளில் ஜாதிக்காய் மணக்க, அரசர் ஹென்றி தனது முடிசூட்டு விழாவை நடத்தியதாகவும் குறிப்பிடப்பட்டுள்ளது..

இங்கிலாந்தில் பிளேக் நோய்க்கு மருந்தாப் பயன்படுத்தப்பட்ட ஜாதிக்காய், கருச்சிதைவிற்கும் பயன்படுத்தப்பட்டதாம்..

ஜாதிக்காயைக் கைப்பற்றுவதற்காக, தேசங்களுக்கிடையே (போர்ச்சுகீஸ் மற்றும் டச்சு) போர் நிகழ்ந்த வரலாற்றை, வலியுடன் உரைக்கிறது பாண்டா தீவுகள்..

அரோமா தெரபியில் மட்டுமன்றி, ஜாதிக்காயின் எண்ணெய் அழகு சாதனப் பொருட்கள், டூத் பேஸ்ட் ஆகியவற்றிலும் பயன்படுத்தப்படுகிறது..

தனது தனிமணம் மற்றும் மருத்துவ குணங்களால், சாதிக்கும் காயாக விளங்குகிறது இந்த ஜாதிக்காய்..!!

#இயற்கை_365

#Footnote to Nutmeg..

#ஒரு_சிறு_உரையாடல்..

"இன்னிக்கு இயற்கை_365ல என்னம்மா..?"

"ஜாதிக்காய்டா.."

"அதென்ன ஜாதிம்மா..?"

"டேய்ய்..!"
😜😜😜