Thread by @vmmadhav

இளையாழ்வார்
இராமானுஜன்
எதிராசன்
பவிஷ்யதாச்சார்யன்
உடையவர்
கோதாக்ரஜர்
எம்பெருமானார்
ஜகதாசார்யன்
திருப்பாவை ஜீயர்
என்றெல்லாம் இராமானுஜரைப் எல்லோரும் அன்புடன் அழைத்தனர். ஆனால் திருவரங்கத்து அமுதனார், இராமானுஜ நூற்றந்தாதியில், "இராமானுசா" என்ற நாமத்தை தான், 108 முறை அழைத்துள்ளார்.

இவர் இராமானுஜரின் மற்ற நாமங்களை பாசுரங்களில் குறிப்பிடவில்லை. ஸ்ரீமதே ராமானுஜாய நம: என்ற நாமம், திருமந்திரத்தை விட ஏற்றம் பெற்றது என்று பல பூர்வாசார்யர்கள் நமக்கு எடுத்துக் கூறியுள்ளனர். இந்த நாமம், நமக்கு மோக்ஷ ப்ராப்தி தரும் வல்லமை பெற்றது, நாராயணனின் பாதார விந்தத்திலே

கொண்டுபோய் சேர்க்கும் வலிமை கொண்டது. நான் பல அவதாரம் எடுத்தேன், அனாலும் இந்த ஜீவாத்மாக்களை திருத்தி, நல்வழிப்படுத்தி மோக்ஷ ப்ராப்தி என்னால் அளிக்க முடியவில்லை என்று நாராயணன் கூறுகிறார், ஆனால் இராமானுஜ தாசர்களுக்கு இராமானுஜன் தான் தாரகம், போஷகம் போக்யம். இராமானுஜன் இந்த

அடியார்களை, நாராயணின் திருவடியில் சேர்க்கிறான். இதை இந்த பாசுரம் மூலம் அமுதனார் எடுத்துரைக்கிறார்

மண்மிசை யோனிகள் தோறும் பிறந்து எங்கள் மாதவனே
கண்ணுற நிற்கிலும் காணகில்லா, உலகோர்கள் எல்லாம்
அண்ணல் இராமானுசன் வந்து தோன்றிய அப்பொழுதே
நண்ணரு ஞானம் தலைக்கொண்டு, நாரணற்கு ஆயினரே

கூரத்தாழ்வான் என்ற ஆச்சார்யன் மூலம் திருத்தப்பட்டு, இராமானுஜ தாசனாகி, இராமானுஜ நூற்றந்தாதி என்னும் பொக்கிஷத்தை நமக்கு அளித்துள்ளார், திருவரங்கத்து அமுதனார். இந்த பிரபந்தத்தை தினமும் அநுஸந்தித்து இராமானுஜனை அடைவோம்.

#Ramanujanootrandadhi #ThiruvarangathuAmudhanAr #SriRamanuja

திருவரங்கத்து அமுதனார் திருவடிகளுக்கு பல்லாண்டு பல்லாண்டு பல்லாண்டு 🙏
கூரத்தாழ்வான் திருவடிகளே சரணம் 🙏
இராமானுஜன் திருவடிகளே சரணம் 🙏