Thread by @_VSriram

திருநாவுக்கரசர் தேவாரத்தில் "தமிழோடு இசைபாடல் மறந்தறியேன்" என்று வருகிறதே; அப்படியானால் அவர் சமஸ்கிருதத்தை மறுக்கிறார் என்றா பொருள்?

அது போல், நான்மறை என்று தேவாரம் குறிப்பிடுவது அறம் பொருள் இன்பம் வீடுபேறா?

தமிழகச் சிவனும் "வடகத்திய சிவனும்" வெவ்வேறானவர்களா?+

https://twitter.com/viyasank/status/1222566703235813377

முதலில் "தமிழோடு இசைபபாடல்" பற்றி.

இது எப்போது பாடப்பட்டது?

அப்பர் பிரான் சமண சமயம் தழுவி யிருந்தார். கடும் சூலை நோயால் (வயிறு வலி) அவதிப்பட்டார். சிவபெருமானை நோக்கிக் "கூற்றாயினவாறு" என்ற பதிகம் பாடினார்.

இதுவே, காலவரிசைப்படி முதன்முதல் தேவாரப் பாடல் ஆகும்.+

அந்தப் பாடலில் அவர் சொல்கிறார்:
"என்ன தான் சமணமதம் மாறி அத்தி-நாத்திக் கொள்கை பேசினாலும் நான் உன்னை பூசிக்கும் முறையை மறக்கவில்லை."

சலம் பூவொடு தூபம் மறந்தறியேன்; தமிழோடு இசைபாடல் மறந்தறியேன்;
.. உன் நாமம் என்நாவில் மறந்தறியேன்

அப்பர் சொன்ன "தமிழோடு இசைபாடல்" சூழ்நிலை இதுவே+

"நாமம்" என்று சமஸ்கிருதப் பதத்தைக் கூடச் சொல்கிறார்.

அது மட்டுமா? வேறுபலப் பதிகங்களிலும்:

சந்திரன் பிறையிலணிந்த சங்கரன் சாமவேதி..

பாடினார் சாமவேதம் பாடிய பாணியாலே..

இருக்கு நான்மறை ஈசனையே தொழும்..

இருக்கு (ரிக்) ஓதி மறையவர்கள் வழிபட்டு ஏத்தும் இளங்கோவில்..+

இப்படி, நான்கு வேதங்களும், வேதத்தின் ஆறு அங்கங்களும், யாகங்களும் மிகமிகச் சிறப்பாகவும், ஐயம் திரிபறவும் அப்பர் தேவாரத்தில் நூற்றுக்கணக்கான இடங்களில் எடுத்துச் சொல்லப்பட்டுள்ளன.+

அது மட்டுமா? அறுசமய வழிபாட்டையும் அல்லவோ திருநாவுக்கரசர் பிரான் குறிப்பிட்டுள்ளார்!

அவனே திருமாலும் பிரம்மனும் ஆவானாம்.

அயன் திருமால் ஆனானை ..

மாலாகி நான்முகனாய்..

தொண்டர்க்கங்கங்கே அறுசமயமாகி நின்ற..

ஆறொன்றிய சமயங்களில் அவ்வவர்க்கு அப்பொருள்கள்..+

அதாவது, "ஏகம் சத் விப்ரா பகூதா வதந்தி" என்ற ரிக் வேத வாசகம்.

உண்மைப் பொருள் ஒன்றே; அறிவுடையோர் அதைப் பல பெயரிட்டு அழைக்கின்றனர்.

அப்பர் பாடல்கள் வேத சாரமே.

திருவைந்தெழுத்து முதன்முதலில் வருவது யஜூர் வேதம் ஸ்ரீ ருத்ரத்தில் தான்.

அதுவே அப்பரின் நமச்சிவாய பதிகத்திலும் வந்தது.+

நம என்பது சமஸ்கிருத நம: தானே!

சரி, வேதம் என்ற சொல்லே சமஸ்கிருதம் தானே. வித் (அறிதல்) என்ற மூலச் சொல்லில் இருந்து வந்தது.

இதைத் தான் அப்பர் பிரான் வேதியனே என்று எடுத்தாண்டுள்ளார்.

சமஸ்கிருத, வேத மறுப்பாளர் ஆயின் இது எல்லாம் சாத்தியம் இல்லைவே இல்லை அல்லவா!+

"ஐ வேள்வி ஆறங்கம் ஆனார்" என்று பாடுகிறார்.

வேதம் சொல்லும் 5 வேள்விகளையும் வேதத்தின் ஆறு அங்கங்களையும் எவ்வளவு தெளிவாக எடுத்தாள்கிறார்!

சரி, இருக்கு (ரிக்), சாமம் சொன்னவர், ஒரு இடத்தில் கூட அறம் பொருள் இன்பம் வீடு என்று வேதப் பெயர்களாகச் சொல்லவில்லையே!+

எனவே, "தமிழோடு இசைபாடல்" என்று எந்தச் சூழ்நிலையில் (context) சொன்னார் என்பது உள்ளங்கை நெல்லிக்கனி. அது போலவே, வேதங்கள் என்று எவற்றைக் குறிப்பிட்டார் என்பதும் தெள்ளத் தெளிவு.

இன்னும் சிலர், "சிவன் எங்கள் முப்பாட்டன்; அவன் வடகத்திய சிவன் அல்லன்" என்பர்.

அப்பர், சம்பந்தர் தேவாரங்களில் இந்த வாதம் எல்லாம் தவிடுபொடியாகிவிடும்.

தக்ஷன் (தக்கன்) வேள்வி
ராவணனை அடக்குதல்
மார்க்கண்டேயனை எமனிடம் இருந்து காத்தல்
ஆலகால விஷம் உண்ணுதல்
தக்ஷிணாமூர்த்தி வடிவம்+

இவை எல்லாமே தேவாரத்தில் பாடப்பட்டுள்ளன. ஏற்கனவே சொன்னது போல, திருவைந்தெழுத்து வேதத்தில் இருந்து வந்ததே.

துளிகூட ஐயப்பாடுக்கு இடமின்றி,

வேதம், வேதியர்/அந்தணர், யாகம் எல்லாம் எதைக் குறிக்கின்றன என்று நம் எல்லோராலும் எளிதில் அறிந்து கொள்ள முடியும்.+

"தமிழர் தனி இனம். தமிழில் தான் வழிபாடு செய்ய வேண்டும். தமிழ்ச் சைவம் வேறு." என்றெல்லாம் பேசுபவர்கள் விஷயம் தெரியாமலோ, அல்லது விஷமமாகவோ அவ்வாறு பேசுகின்றனர்.

நற்றுணையாவது நமச்சிவாயவே! 🙏🙏