Thread by @Arakkal_unnii

ബ്രിട്ടീഷുകാർ സാക്ഷരയാക്കിയ ഇന്ത്യയാണത്രേ നമ്മുടെ രാജ്യം!
നിങ്ങളേത് ഇന്ത്യയെക്കുറിച്ചാണ് പറയുന്നത്?
നിരക്ഷരയെന്ന് നിങ്ങളാരെയാണ് മുദ്രകുത്തുന്നത് ?
അനേകം സർവകലാശാലകളും എണ്ണമറ്റ
വിദ്യാഭ്യാസ സ്ഥാപനങ്ങളും നിലനിന്നിരുന്ന
നമ്മുടെ ഭാരതവർഷത്തെക്കുറിച്ചോ?

~1~

ഏതദ്ദേശ പ്രസൂതസ്യ
സകാശാദാഗ്ര ജന്മന:
സ്വം സ്വം ചരിത്രം ശിക്ഷേരൻ
പൃഥ്വ്യാം സർവ്വ മാനവ::

ഈ പൃഥ്വിയിൽ ഭൂജാതരായ സകലമാനവരും അവരുടെ ചരിത്രത്തെക്കുറിച്ച് ഭാരതഭൂമിയിലുള്ള ബ്രാഹ്മണരിൽ നിന്നും പഠിക്കുമാറാകട്ടെ

എന്ന് പാടിയ നമ്മുടെ ഭാരതം നിരക്ഷരയോ? അതെങ്ങനെ?
~2~

ഗ്രാമങ്ങൾ തോറും വിദ്യാലയങ്ങളും ഉന്നത വിദ്യാഭ്യാസത്തിനായി
സർവകലാശാലകളും ഉണ്ടായിരുന്ന നമ്മുടെ ഭാരതം നിരക്ഷരയോ ?
എന്തൊരു വിരോധാഭാസമാണത്? എത്ര വലിയ ആത്മവഞ്ചനയാണത് !

ലജ്ജിക്കണം !
മെക്കോളിയൻ സന്തതികൾക്ക് ലജ്ജ തോന്നണം !
ഇത്രയും നികൃഷ്ടമായി മാതൃരാജ്യത്തെ തള്ളിപ്പറഞ്ഞ്
~3~

ആത്മരതിയടയുന്നതിൽ സ്വയം ലജ്ജ തോന്നണം.

ഭാരതത്തിൽ ഗ്രാമങ്ങൾ തോറുമുണ്ടായിരുന്ന വിദ്യാഭ്യാസ സ്ഥാപനങ്ങൾ ഇല്ലാതായത്
ബ്രിട്ടീഷുകാരുടെ വരവോടെയാണ്. ഇംഗ്ലീഷ് വിദ്യാഭ്യാസം അടിച്ചേൽപ്പിക്കുന്നതിനായി ഗ്രാമങ്ങൾ തോറുമുള്ള എഴുത്തുപള്ളിക്കൂടങ്ങളും വിദ്യാഭ്യാസ സ്ഥാപനങ്ങളും
~4~

പൂർണ്ണമായും അവരില്ലാതാക്കി.

എന്നാൽ സർവകലാശാലകളെ ഇല്ലാതാക്കിയത് ഇസ്ലാമികാധിനിവേശങ്ങളായിരുന്നു. ജനങ്ങൾ തിങ്ങി നിറഞ്ഞ പഥങ്ങളെ ലക്ഷ്യം വെച്ച് നീങ്ങിയവർക്ക് സർവകലാശാലകൾ ഒരു soft target ആയിരുന്നു. എളുപ്പത്തിൽ കൊന്നൊടുക്കാവുന്ന കുറെ ജീവനുകൾ തിങ്ങി നിറഞ്ഞിടമായിരുന്നു .

~5~

നളന്ദ !
തക്ഷശില !

കാലം ഏറെ മുമ്പോട്ടൊഴുകിയതോടെ , ഭാരത സർവകലാശാലകളിൽ ഓർമ്മകളിൽ ബാക്കിയായ രണ്ടെ രണ്ടു പേരുകളാണിവ !

എന്നാൽ ഭാരതത്തിൻ്റെ സർവകലാശാലാ പാരമ്പര്യം ഇവ രണ്ടിൽ മാത്രം ഒതുങ്ങി നിൽക്കുന്നതാണോ ? അല്ല !

~6~

ഉജ്ജയനി , മഥുര , കന്യാകുബ്ജം , പുഷ്ക്കലാവതി , ഓടാന്തപുരി , കാഞ്ചി ,വല്ലഭി , സോമപുര , ജഗദ്ദല , ശാരദ പീഠം , വിക്രമ ശില , വിക്രംപുർ , കാന്തല്ലൂർ , നവ ദ്വീപം , മിഥില , തെൽഹാരം

തുടങ്ങിയെത്രയെത്രയാണ് സർവകലാശാലകൾ!

ചരിത്ര ഉദ്ഘനനങ്ങളിലൂടെ ഉയർന്ന് വന്നവ മാത്രമാണിവ ..

~7~

എന്നാൽ , കാലത്തിൻ്റെ കുത്തൊഴുക്കിൽ യാതൊന്നുമവശേഷിപ്പിക്കാതെ എന്നന്നേക്കുമായി മാഞ്ഞുപോയവ എത്രയായിരിക്കും !

ഇനി , സഹസ്രാബ്ദങ്ങളോളം പഴക്കമുള്ള , ശ്രേഷ്ഠമായ വിദ്യാഭ്യാസ സമ്പ്രദായം മുഴുവൻ ബുദ്ധന് ശേഷമാണാരംഭിച്ചത് എന്നത് മറ്റൊരു തെറ്റിദ്ധാരണയാണ്.

~8~

ബൗദ്ധമതത്തിൻ്റെ സുവർണ്ണ കാലഘട്ടം സഞ്ചാരികളും മറ്റും കൂടുതലായി രേഖപ്പെടുത്തിയതിനാൽ അവയ്ക്ക് പ്രത്യക്ഷമായ തെളിവുണ്ടെന്നത് മാത്രമാണ് ഒരു വ്യത്യാസം . പ്രത്യക്ഷമായ തെളിവുകളില്ലെങ്കിലും വേദോപനിഷത്തുകളും പുരാണേതിഹാസങ്ങളിലൂടെയും സഞ്ചരിക്കുമ്പോൾ ഈ ശ്രേഷ്ഠ വിദ്യാപാരമ്പര്യം
~9~

സ്പഷ്ടമായിക്കാണാം . തെളിവുകളുടെ അഭാവം ഇല്ലായ്മക്ക് ആധാരമാകുകയില്ല .
Absence of evidence is not an evidence of absence .. എന്നാണല്ലോ .

പൗരാണികമായ പല സർവകലാശാലകളിലും തങ്ങളുടെ സുവർണ്ണ കാലത്ത് ബൗദ്ധർ ആധിപത്യം സ്ഥാപിച്ച്, അവയെ ബൗദ്ധ രീതിയിൽ പുനഃരുജ്ജീവിപ്പിച്ചിരിക്കാം.
~10~

അതിനെ വ്യാഖ്യാനിച്ച് ബൗദ്ധന് ശേഷമാണ് ഭാരതത്തിന് ശാസ്ത്രാഭിരുചിയുണ്ടായത് എന്ന വ്യാഖ്യാനങ്ങൾ എല്ലാം ഹിന്ദു മതത്തിന് ശ്രേഷ്ഠ പാരമ്പര്യം ഉണ്ടാകരുതെന്ന ലക്ഷ്യത്തെ മുൻനിർത്തി , ഹിന്ദു ഫോബിയയുടെ ബീജത്തിൽ നിന്നും ഉത്ഭവിച്ച് മെക്കോളിയൻ നിഴലിൽ തഴച്ച് വളർന്നത് മാത്രമാണ്.
~11~

ഇതിഹാസപുരാണങ്ങളിലെ നൈമിശാരണ്യം , കണ്വാശ്രമം , അഗസ്ത്യാശ്രമം മുതലായവയെല്ലാം വിദ്യാപീഠങ്ങളല്ലെങ്കിൽ പിന്നെന്താണ്?

ഒരു കാലത്ത് ലോക പ്രശസ്തങ്ങളായിരുന്ന നമ്മുടെ സർവകലാശാലകളെക്കുറിച്ചുള്ള വിവരങ്ങളറിയുവാൻ അന്യദേശ സഞ്ചാരികളായ ഫാഹിയാൻ, ഹുയാങ്ങ് സാങ്ങ് മുതലായവരുടെ
~12~

യാത്രാക്കുറിപ്പുകളും ടിബറ്റൻ ഗ്രന്ഥശേഖരങ്ങളും മാത്രമാണ് നമുക്ക് ആശ്രയിക്കാവുന്നത്. അതെത്രത്തോളം പരിമിതമായിരിക്കുമെന്ന് ഊഹിക്കാവുന്നതേയുള്ളൂ. ഒരു രാജ്യത്തെ സംബന്ധിച്ച് അങ്ങേയറ്റം ദൗർഭാഗ്യകരമായ ഒരവസ്ഥയാണത് ! ആ യാത്രാ വിവരണങ്ങൾ തികച്ചും പരിമിതമാണെങ്കിൽക്കൂടി നമ്മുടെ
~13~

വിദ്യാഭ്യാസ സമ്പ്രദായങ്ങളെക്കുറിച്ചും രാജ്യത്തെ കുറിച്ചും അവർക്കുണ്ടായിരുന്ന ബഹുമാനാദരങ്ങൾ കൂട്ടി വായിക്കുമ്പോൾ ഇന്നുള്ള മെക്കോളിയൻ സമവാക്യങ്ങളുമായി യാതൊരു കാരണവശാലും യോജിച്ചു പോകാത്തതാണെന്ന് കാണാം.

ഇതെങ്ങനെ സംഭവിച്ചു?
~14~

ആരാണ് ഭാരതമെന്നാൽ അന്ധവിശ്വാസങ്ങളുടെ കൂടാരമെന്ന് പ്രചരിപ്പിച്ചത്? ആരാണ് ഭാരതാംബയിൽ സ്ത്രീവിരുദ്ധതയും ജാതി വേർതിരിവും അടിച്ചേൽപ്പിച്ചത്? അധിനിവേശത്തിന് ശേഷവും സ്വാതന്ത്രരാനന്തരവും ഈ ദു:സ്ഥിതി തന്നെ തുടർന്ന് ഭാവി തലമുറയെ വഴി തെറ്റിച്ചത് ആരാണ് ?

~15~

ആരാണ് നമ്മുടെ ഭാരതാംബയേ നിരക്ഷരയാക്കിയത്? ആരാണമ്മയുടെ എഴുത്തു മഷി തട്ടിത്തൂവിയത്? ആരാണമ്മയുടെ സന്താനങ്ങളിലേക്ക് അപകർഷതാബോധത്തിൻ്റെ കരിനിഴൽ പടർത്തിയത്? വിദ്യാസമ്പന്നയായിരുന്ന പൗരാണിക ഭാരതത്തിലെ പത്ത് സർവകലാശാലകളുടെയെങ്കിലും പ്രാഥമികമായ വിവരങ്ങൾ ഒരു ഭാരത പൗരൻ നിർബന്ധമായും
~16~

അറിഞ്ഞിരിക്കേണ്ടതല്ലേ? അവ നമ്മുടെ പാഠപുസ്തകങ്ങളിൽ ഉണ്ടാകേണ്ടതല്ലേ? എന്താണവയുടെ പേരുകൾ പോലും നമ്മുടെ കുട്ടികളെ പഠിപ്പിക്കാത്തത്?

മന: പൂർവ്വമാണ് ! ഭാരതമെന്നത് ഹിന്ദുവിൽ നിന്നും വിഭിന്നമായ ഒന്നല്ല.. അതു കൊണ്ടു തന്നെ
ഏച്ചു കൂട്ടിയെടുക്കുന്ന മതേതര സമവാക്യങ്ങളിൽ
~17~

ഹിന്ദു മതത്തിന് പ്രാതിനിധ്യം കൂടിയാൽ ആപത്താണെന്ന് തിരിച്ചറിയുന്ന ആരെല്ലാമോ ചേർന്ന് ഭാരതാംബയേ പടുകുഴിയിലേക്ക് തള്ളിയിട്ടതാണ്. ഭാരതീയമായി , അല്ല ഹൈന്ദവമായി എന്തെല്ലാമുണ്ടൊ അവയെല്ലാം മറച്ചുവെച്ചതും വഴിതിരിച്ചു വിട്ടതും ആക്ഷേപിക്കുന്നതുമാണ് .
~18~

അറിവിൻ്റെ അടിസ്ഥാനമില്ലാത്ത ഒരു മനസ്സിലേക്ക് എത്തുന്ന ആക്ഷേപങ്ങൾ ആദ്യം അപകർഷതയാണ് അവിടെ ഉണ്ടാക്കുക. അതു തന്നെ സംഭവിച്ചു. ഭാരതീയർ ഭാരതാംബയെ അപകർഷതയോടെ കണ്ടു.

ഭാരതത്തിലെ വിദ്യാഭ്യാസ രീതികളിൽ പലതും ബ്രിട്ടീഷുകാർ സ്വാംശീകരിച്ച് അവരുടെ നാമമാത്രങ്ങളായ വിദ്യാലയങ്ങളിൽ
~19~

പ്രാവർത്തികമാക്കിപ്പോന്നു. പക്ഷെ ഇന്ന് അവയെല്ലാം യൂ ടേൺ അടിച്ച് ഭാരതത്തെ സാക്ഷരയാക്കിയത് ബ്രിട്ടീഷ്ണെന്ന കണ്ടു പിടിത്തത്തിലെത്തി നിൽക്കുന്നു.

അന്ന് വിദേശങ്ങളിൽ നിന്നും വന്ന് പഠിക്കുവാൻ വിദ്യാർത്ഥികൾക്ക് സൗകര്യമൊരുക്കിയ ഒരു രാജ്യത്തെ സന്താനങ്ങൾ ഇന്ന് പഠനാർത്ഥം
~20~

വിദേശ രാജ്യങ്ങളിലേക്ക് പോകുന്നു . എന്തൊരു വിരോധാഭാസമാണിത് ? എവിടെയാണ് പിഴച്ചത്? ആരാണ് ഭാരതാംബയുടെ വിധിയെ മാറ്റിയെഴുതിയത്?

ആ പ്രൗഢ പാരമ്പര്യം ഇനിയൊരു മടക്കമുണ്ടാകുമോ എന്ന് സംശയിച്ച് ഇന്നും പടിപ്പുരയിൽ കാത്ത് നിൽക്കുന്നുണ്ട്. രാഷ്ട്രീയത്തിനതീതമായി ,
~21~

കൃഷ്ണപ്രിയ