Thread by @kalvetu

பஞ்சவர்ணக் கிளி நீ பறந்த பின்னாலும், ஐஞ்சு வண்ணமும் என் நெஞ்சில் இருக்கு
👇👇👇👇
இப்படியெல்லாம் வாழமுடியுமா? வாழ்கிறார்களா? என்றால், ஆம் வாழ்கிறார்கள். நமது நீரோட்டத்தில் இருந்து விலகிய, அதே நேரம் நாம் அன்றாடம் "பார்க்கும்" மனிதர்களே அவர்கள்.

1/

2/ நாம்தான் அவர்களை "கவனிப்பது" இல்லை.

கரகாட்டம் ஆடிவிட்டு கூட்டம் கலைந்தவுடன, பவுடரைக் கலைந்து, ஒரு பையுடன் பேருந்துஏறிப் போகும் பெண்ணிற்கும் ஒரு வாழ்வு உள்ளது.

ஏதோ ஒரு பொம்மையை சாலையின் ஓரம் விற்றுக்கொண்டு இருக்கும் ஒருவன், இரவில் எங்க்கு தங்குகிறான்?

3/ எங்கே குளிக்கிறான் அவனின் எதிர்காலத்திட்டம் என்ன? என்பது உங்களுக்கு தெரியாமல் இருக்கலாம், ஆனால் அவர்களுக்கென்று ஒரு வாழ்க்கையுள்ளது.

எங்கள் ஊர்ச் சந்தையில் பாம்பாட்டி, கிளி சோசியம், தெருவோர லேகிய விற்பனை, செய்பபவர்களைப் பார்த்துள்ளேன்.

4/ தங்கபுசுடி லேகியம் என்று ஊர் ஊராய் அலைபவர்களின் வாழ்க்கையை நினைத்து வியந்ததுண்டு.

சந்தையில் கூடாரம் அடித்து இரவு முழுக்க மிதிவண்டி ஓட்டும் வித்தைக்காரர், கயிற்றுமேல் வயிற்றுக்காக நடக்கும் அவரின் குழந்தை, ஓரமாக அமர்ந்து கொட்டடடிக்கும் அவரின் மனைவி....இவர்கள் எல்லாம் யார்?

5/ எங்கு தங்குகிறார்கள்? எப்படி வாழ்கிறார்கள் என்ற கேள்வி சிறுவயதில் வந்துபோகும்.

இன்றுவரை எனக்கு ஒரு ஆசையுண்டு. நரிக்குறவர்கள் , இரவில் குறிசொல்லவரும் குடுகுடுப்பை கம்பளத்து நாயக்கர்களுடன் தங்கி பயணிக்க வேண்டும் என்று. அவர்களின் வாழ்க்கை என்றுமே எனக்கு வியப்பைத் தருவது.

6/ சிறுவயதில் நரிக்குறவப்பெண் ஒருத்தி எங்கள் வீட்டிற்கு வருவாள். அம்மா கொடுக்கும் (போடும்) உணவை வாங்கிச் செல்வாள்.

அவளின் பாவாடையும், ரவிக்கையும், வானவில் கலைந்தது போல கிடக்கும் மாராப்பும் சேர்ந்து, அவளை உலகில் உள்ள அனைத்து வண்ணங்களையும் அழகுற கோர்த்த மாலைபோல காட்டும்.

7/ அவளை வேடிக்கை பார்க்க வரும் என்னை, பிடித்துக்கொண்டு போய்விடுவதாக அவள் மிரட்டுவதும், எனது அம்மா, "இவனை நீயே கட்டிக்கோடி" என்று அவளைச் சீண்டுவதும் வாடிக்கை.

ஆம் பேரழகிகள் பெரிதாக அலட்டிக்கொள்வதில்லை.

இரவில் குறிசொல்லி முடித்துவிட்டு, பகலில் வீட்டுமுன் வந்து நிற்பார் ஒருவர்.

8/ ஆறடி உயரமும், நேர்கொண்ட பார்வையும், தாடியும், மீசையுமாக கருப்பு சிவப்பு வண்ணங்களில் கம்பளி போர்த்தி, கைலியுடன் வருவார்.

சமைத்த உணவை பிச்சையாக வாங்கமாட்டார். சமைக்காத காய், பருப்பு மட்டுமே பிச்சையாக வாங்குவார்.அல்லது பணமாக வாங்கிக்கொள்வார்.

9/ அவர் எங்கள் ஊரில் இருந்த் புளியமரத்தோப்பில் கூடாரம் அடித்து தனியாக தங்கியிருந்தார். அந்த வயதில் எனக்கு அவரின் வாழ்க்கைமுறை வியப்பாகவே இருந்தது. நாடோடி வாழ்க்கை என்பதும் மக்களைச் சார்ந்ததே. மக்களே இல்லாத இடத்தில் நாடோடியாக அலைவது பொருளற்றது.

10/ நாடோடி என்பது நாட்டைச்சுற்றுவம் மக்களைச் சுற்றுவதும்தான். எந்த இடத்திலும் நிலையற்ற ஒரு அருவிபோல வாழ்க்கை என்று வைத்துக்கொள்ளலாம்.

சிப்சி (Gypsy 2020 Tamil Film)
👇👇👇
சன்னலின் திரைசீலை தொடங்கி, மரத்தில் கட்டப்பட்டு இருக்கும் கயிறுவரை வண்ணங்களை குழைத்து அழகாக விரவி இருக்கிறார்கள் படமெங்கும்.

சின்னச் சின்ன கவிதைகளாக வண்ணங்கள். கதையின் நாயகி வாழும் வீடு அப்படியொரு அழகு. தேர்ந்தெடுத்த வண்ணங்கள்.

11/

12/ படமுழுக்க வண்ணங்களில் கரைந்து போனேன். படத்தின் தொடக்கத்தில் இருந்து வண்ணங்கள் அழகாய் கோர்க்கப்பட்டுள்ளது. எனக்கு அதுவே அதிகம் பிடித்தது.

அடுத்து இந்த கதை. ஒரு நாடோடியுன் வாழ்க்கைப் பின்னணியில் சமூக அரசியல் சொல்லப்படுகிறது.

13/ தனது கால அரசியலை, சமூகத்தை பேசாத், தன்னுள் வாங்க்கி வெளிப்படுத்தாத, மக்களின் வாழ்க்கையைச் சொல்லாதவை இலக்கியமே அல்ல. அது வெறும் பொழுதுபோக்கு கதைகள்.

இந்தப்படும் இலக்கியம். இதற்கென்று ஒரு இலக்கு உள்ளது. அது மக்களின் சமூகஅரசியலை, சமகால அரசியலை பேசுகிறது.

14/ நாடோடி வாழ்க்கை அதற்கான அழகியலைக் கொண்டது. ஆம் அது அதற்கான துன்பங்களையும் கொண்டதே. ஆனால், எதை எங்கிருந்து பார்க்கிறோம் என்பதில் நமக்கான் விடைகள் உள்ளது. இந்தப்படும் எனது ஆசைகளையும் தொட்டுச்செல்வதால் பிடித்துள்ளது.

15/ எனக்கு சில இடங்களில் குறைகளும் , அது குறித்த விமர்சனமும் உள்ளது. அது என் நிலைப்பாடுகள் மற்றும் கதை சொல்லலில் எனக்கான ஒரு நீரோட்டம் என்று என் விருப்பு வெறுப்புகள் சார்ந்தது.

விமர்சனம் என்ற பெயரில் கதையைச் சொல்லமனம் வரவில்லை.

16/ அழகியல், காதல், அரசியல், சமூகச் சிந்தனை , சமகால அரசியலில் கவலை கொண்ட அனைவரும் பார்க்க வேண்டிய கொண்டாடப்பட வேண்டிய அழகியல் படம்.

அந்த பஞ்சவர்ணக் கிளி பறந்த பின்னாலும், ஐஞ்சு வண்ணமும் என் நெஞ்சில் இருக்கு.

For easy read as a blog Post
👇👇👇
பஞ்சவர்ணக் கிளி நீ பறந்த பின்னாலும், ஐஞ்சு வண்ணமும் என் நெஞ்சில் இருக்கு.
kalvetu.blogspot.com/2020/03/blog-p…

17/
இதற்கு முன் என்னை வண்ணங்களில் தோய்த்து எடுத்த படம் Gabbeh எனும் ஈரானியப்படம்.

விரிவாகப் படிக்க‌
👇👇
Gabbeh -வானவில்லின் வண்ணங்களை போர்த்தியவள் அல்லது பூக்களில் இருந்து பறிக்கப்பட்ட நிறங்களின் மீது தூங்குபவள். kalvetu.blogspot.com/2008/02/gabbeh…

Gabbeh
// பொறாமைப்படத்தக்க இயற்கைச் சூழலில், சிறிய ஓடையில் அமிழ்ந்து செல்லும் கார்பெட் (Rug) -ன் நீர்ப்பாதையில் படம் ஆரம்பிக்கிறது. அந்த நீரோடையையும், அதன் இயற்கைச் சூழலையும் காட்டிய வண்ணம் அருகில் உள்ள ஒரு குடிசையில் இருந்து வரும் இரண்டு முதியவர்களின் அறிமுகத்தோடு ...

Gabbeh நமக்கும் அறிமுகமாகிறது. Gabbeh என்பதே Persian rug . இங்கே அதன் வழியாக வரும் கதையின் நாயகியின் பெயரும் Gabbeh//

#Tamil_Movie
#Gypsy
#Cinema
#Tamil_Cinema