Thread by @kalvetu

அமெரிக்க தேர்தல் பழுகுவோம்-1: Iowa Caucus
👇👇👇👇
இதை எழுதும் நேரத்தில் இந்தியாவில் டெல்லிக்கான மாநில தேர்தல் நடந்து முடிந்துள்ளது. டெல்லி ஒரு மாநிலமா, இல்லை அரசின் நேரடி கண்காணிப்பில்வரும் பகுதியா (Union Territory) என்பது குழப்பமான ஒன்று.

1/

அது இரண்டுமல்லாமல் National Capital Territory of Delhi (NCT) என்பதுதான் சட்டத்தின்படியான விளக்கம். தேர்தலில் மொத்தமாக பதிவான வாக்குகள் என்பதைக்கூட சொல்லாமல், இந்தியத் தேர்தல் ஆணையம் மக்களின் நம்பிக்கையை, சனநாயக முறையையே கேலிக்கூத்தாக ஆக்கிக்கொண்டு இருக்கும் நேரம்.

2/

இந்தியாவில் மாநில தன்னாட்சி என்பது இல்லை. அது மாநில தன்னாட்சி போன்றது. அவ்வளவே. அந்த நடைமுறைகள் அதன் குழப்பங்களை நன்கு அறிந்தவன் என்ற முறையில், எனக்கு அமெரிக்க அரசியல் & சனநாயக அமைப்பு ஒரு ஆச்சர்யமானது.

3/

மாநிலத்திற்கு தனிக்கொடி, சட்டங்களை மாநிலங்களே இயற்றிக்கொள்ளும் மாநிலத்திற்கான உரிமை. அதற்கு மத்திய அரசின் ஒப்புதல் சனாதிபதி கையெழுத்து போன்ற தேவைகளே இல்லாத சுதந்திரம். அமெரிக்காதான் மாநிலத்தில் தன்னாட்சி, மத்தியில் கூட்டாட்சி என்ற தத்துவத்தை 100% சதவீதம் கடைபிடிக்கிறது.

4/

அமெரிக்காவில், அமெரிக்க முழுமைக்குமான தேர்தல் ஆணையம் என்பது கிடையாது. தேர்தலை எப்படி நடத்துவது என்பது, முழுக்க முழுக்க மாநிலம் சார்ந்தது.

எளிமையான அடிப்படை இதுதான். "மத்திய அரசிற்கு, மாநிலம் சார்பாக உறுப்பினர்களை

5/

(Federal govt Congressman and Senators )எப்படித் தேர்ந்தெடுப்பது என்பது, அந்தந்த மாநிலங்களின் உரிமை. குலுக்கல் சீட்டு போட்டுக்கூட தேர்ந்தெடுப்போம், எங்கள் பிரதிநிதியை. எங்கள் மாநிலத்தில் தேர்தல் தேர்தல் எப்படி நடத்தப்பட வேண்டும் என்று மத்திய அரசு சொல்லத்தேவை இல்லை."

6/

அமெரிக்க அதிபருக்கான தேர்தல் என்றாலும், மாநிலங்களின் கவர்னர்கள் தொடங்கி எந்த ஒரு அமைப்பாக இருந்தாலும், அதற்கான தேர்தலை, அதை நடத்தும் முறையை, வாக்கு எண்ணும் முறையை அந்த மாநிலங்களே முடிவு செய்யும். இந்த அடிப்படையே அமெரிக்க சனநாயகத்தின் தூண் என்றுகூட சொல்லலாம்.

7/

அமெரிக்காவில் இப்போது, நடுவண் அரசுக்கான (Federal Govt) அடுத்த அதிபரை தேர்ந்தெடுப்பதற்கான தேர்தல் வேலைகள் நடந்துகொண்டுள்ளது. இப்போது இருக்கும் "அதிபர் ட்ரம்ப்" (Donald Trump) ரிபப்ளிகன் கட்சியைச் (Republican Party) சேர்ந்தவர்.

8/

ஒருவர் இரண்டு முறை (Two Term) அதிபராக இருக்கலாம் என்பதால்,இந்த முறை ரிபப்ளிகன் கட்சி சார்பாக,களம் காணும் வேட்பாளர் என்ற தகுதி,போட்டியில்லாமல் நடப்பு அதிபருக்கே அந்த கட்சி வழங்கிவிடுவது ஒரு மரபு.சில இடங்களில் போட்டி இருந்தாலும் அது உப்புசப்பில்லாமல் முடிந்துவிடுவது வாடிக்கை.

9/

2020 அதிபர் இந்த தேர்தலுக்கான குடியரசுக் கட்சியின் (Democratic Party) வேட்பாளராக நிற்கப்போவது யார் என்பதை, அந்தக் கட்சி தேர்தல்களை நடத்தி முடிவு செய்யும். இப்போது அதற்கான உட்கட்சித் தேர்தல்கள் நடக்கிறது.

10/

இங்கு உட்கட்சிதேர்தல் என்பது, வெளிப்படையாக, ஒரு பொதுத்தேர்தல் போலவே நடக்கும். ரிபப்ளிகன் கட்சியின் உள்கட்சி தேர்தலுக்கும் டெமாக்ரடிக் கட்சியின் உள்கட்சித் தேர்தலுக்கும் மிகச்சிறிய வேறுபாடுகளே உள்ளது.

11/

அமெரிக்க‌ முழுமைக்கும் நடக்கும் டெமாக்ரடிக் கட்சியின் உட்கட்சி தேர்தலாகவே இருந்தாலும், அந்தத் தேர்த்கலகள் அந்த மாநிலத்தில் எப்படி நடக்க வேண்டும் என்பதை அந்த அந்த மாநிலங்கள் முடிவு செய்யும். அதற்கான வழிமுறைகள் உள்ளது.

12/

இப்படியான உட்கட்சித் தேர்தல்களில் இரண்டு வகை உள்ளது.

Caucus & Primary

2020 அமெரிக்க அதிபர் தேர்தலுக்கான டெமாக்ரடிக் கட்சியின் வேட்பாளரைத் தேர்ந்தெடுக்கும் உட்கட்சித் தேர்தல் நடக்க ஆரம்பித்துவிட்டது. முதல் மாநிலமாக, அயோவா மாநில (Iowa) டெமாக்ரடிக் கட்சி,

13/

அதற்கான தேர்தலை நடத்தி முடிந்துவிட்டது. அந்த தேர்தல் Caucusing முறையில் நடந்த ஒன்று. அதை முன் வைத்து, Caucusing முறையிலான தேர்தலைப் பேசுவோம்.

தொடரும்...
14/14

As a blog post
👇👇👇👇
அமெரிக்க தேர்தல் பழுகுவோம்-1:Iowa Caucus
kalvetu.blogspot.com/2020/02/1iowa-…