Thread by @ThanjaiMadhavan

"சட்டிச்சோறு..."

கல்வெட்டுக்களில் #சட்டிச்சோறு #எச்சோறு #புள்ளிச்சோறு #திங்கட்சோறு #வரிச்சோறு #வெட்டிச்சோறு என்று பல சொற்றொடர்கள் வருகின்றன. இதில் #எச்சோறு என்பது ஒரு வகை வரியாகும்.

#சட்டிச்சோறு எவ்வாறு கொடுக்கப்பட்டது என்பதை பின்வரும் கல்வெட்டுகள் விரிவாக எடுத்துரைக்கின்றது!

#சட்டிச்சோறு என்பதற்கு கோயில் வேலைக்காரர்களுக்கு கொடுக்கப்படும் "உரிமை பிரசாதம்"என திரு T. N சுப்ரமணியம் அவர்கள், "தென்னிந்திய கோயிற் சாசனங்கள்" நூலில் விளக்கம் கூறுகிறார்.

இது திருவிழாவிற்கு வரும் அடியார்களுக்கு, யாத்திரிகர்களுக்கு அளிக்கப்பட்டதாக பல கல்வெட்டுக்கள் கூறுகின்றன!

க) திருவண்ணாமலைக் கல்வெட்டு:

முதலாம் இராசேந்திர சோழன் காலத்தில் திருவண்ணாமலைக் கோயிலில் பல பணிகள் நடைபெற்றிருக்கின்றன.

இவனுடைய பணி மகன் ஒருவன் “பாண்டிய உதய திவாகரன்” என்பவன் சோழமண்டலத்து அருமொழித்தேவ வளநாட்டு ஓர்வலக் கூற்றத்து ராஜராஜ நல்லூரைச் சேர்ந்தவன்.

திருவண்ணாமலை நாதர் கார்த்திகை மாதம் #திருவேட்டை திருவிழாவிற்கு எழுந்தருளும் பொழுது இறைவனுக்குப் படைக்கவும், அடியார்க்கு சட்டிச்சோறு பிரசாதம் கொடுக்கவும் ஏற்பாடு செய்து, 7 கழஞ்சு பொன் தானமளித்தான். இதில் 4 கழஞ்சு #புலியூர் என்னும் ஊர் சபையார் பெற்றுக்கொண்டு இதிலிருந்து ஆண்டுதோறும்

இறைவனுக்கு அமுது படைப்பதற்காக நெல் அளிக்க ஒப்புக் கொண்டார்கள்.

இந்த நெல் கொண்டு திருவமுது, 5 கறி, புளிங்கறி, மிளகு, உப்பு, சீரகம், நெல், தயிர், 8 வாழைப்பழம், 20 பாக்கு, 80 வெற்றிலை, விறகு, வாழைக்குருத்து, குசக்கலம், கலமிடும் குசவன், முதலியவற்றுக்கு கொடுக்க ஏற்பாடு செய்தார்கள்!

மீதம் உள்ள 3 கழஞ்சு பொன்னை "வயிரமேக சதுர்வேதி மங்கலம்" என்னும் ஊர் சபை பெற்றுக் கொண்டது. அதற்கு வட்டியாக ஆண்டு தோறும் நெல் அளிக்க ஒப்புக்கொண்டது.

#சட்டிச்சோறு என்றால் ஒரு சட்டிக்கு 2 நாழி அரிசி, புளிங்கறி, மிளகு, சீரகம், உப்பு, நெல், தயிர், 4 பாக்கு முதலியவை கொடுக்க வேண்டும்!

இது சமைக்க விறகுக்கும், விறகு கொண்டு வந்து தருபவருக்கும், சட்டி மூடிக் கொடுக்க வாழையிலைக்கும் நெல் கொடுக்க வேண்டும்.

இதற்காக குசவன் 20 சட்டி, பேரகல் 40, சிற்றகல் 20 கொடுக்க வேண்டும் எனவும் ஏற்பாடு செய்யப்பட்டது.

இதிலிருந்து, திருவண்ணாமலை நாதர் திருக்கார்த்திகை திருவிழாவில், திருவிழாவின்போது அடியார்களுக்கு #சட்டிச்சோறு கொடுக்க ஏற்பாடு செய்யப்பட்டது!

உ) குத்தாலம் கல்வெட்டு:

#சட்டிச்சோறு பற்றி #மயிலாடுதுறை வட்டம் #குத்தாலம் உத்தவேதீஸ்வரர் ஆலய கல்வெட்டு பின்வருமாறு குறிப்பிடுகிறது.

இத்தானம் அளித்தவன் "கங்கை கொண்ட சோழபுரத்து உள்ளாலைப் பெரிய அங்காடி வியாபாரி" வெண்காடன் ஆடவல்லான் என்பவன் ஆவான்.

#சட்டிச்சோறு தேசாந்திரிகளாய் வந்த சிவயோகிகளுக்கும் அளிக்கப்பட்டது. இதற்கு தானமாக அளிக்கப்பட்ட காசில் குசவன் "சொதி மாணிக்க வெட்கோவன்" என்பவன் சந்திராதித்தவரை சட்டிஇடக் கொடுத்தான் என்பது குறிப்பிடத்தக்கதாகும்.

#வேட்கோவர் தொழில் தொடர்ந்து நடைபெற இத்தானம் உதவியளிக்கும்.

ங) ஆத்தூர் கல்வெட்டு:

#திருச்செந்தூர் வட்டத்திலுள்ள #ஆத்தூர் கோயிலிலுள்ள மாறவர்மன் விக்கிரமசோழ பாண்டிய தேவனின் 25-ஆம் ஆட்சி ஆண்டு கல்வெட்டு #சட்டிச்சோறு பற்றி கூறுகிறது.

இதே போன்று #சட்டிச்சோறு, அமாவாசை தொறும் அளிப்பதற்கு நெல் தானமாக அளிக்கப்பட்டதாக விக்கிரம சோழனின் 5-ஆம் ஆண்டு #திருவிடைமருதூர் கல்வெட்டு கூறுகிறது.

#காஞ்சிபுரம் ஏகாம்பரநாதர் கோயிலிலும் #சட்டிச்சோறு வழங்க பெற்றதாக அக்கோயில் கல்வெட்டு கூறுகிறது.

மேற்குறிப்பிடப்பட்ட கல்வெட்டுக்களை நோக்கும் பொழுது திருவிழாக்களின் போது வந்த அடியவர்களுக்கும், தினந்தோறும் கோயில்களில் சிவயோகிகளுக்கும் #சட்டிச்சோறு அளிக்கப்பட்டு வந்திருக்கிறது.

#சட்டிச்சோறு என்றால் அதற்கு என்னென்ன பொருட்கள் வேண்டும் என்பதனையும் கல்வெட்டுக்கள் குறிப்பிடுகின்றன

இது இன்று உணவு விடுதிகளில் வழங்கப்படும் அளவு சாப்பாடு போல இருந்திருக்க வேண்டும்.

இன்றும் கோயில்களில் அளிக்கப்படும் உணவிற்கு #பட்டைசாதம் என்றும், #உண்டைக்கட்டி எனவும் அழைக்கப்படுகின்றது.

எனவே #சட்டிச்சோறு என்பது ஒரு குறிப்பிட்ட அளவு சாப்பாடு என்பது உணரப்படுகிறது!

கொங்கு நாட்டு பகுதிகளில் திருமணம், கோயில் விழாக்களில் வேலை செய்பவர்களுக்கு ஒரு #இலைச்சோறு அளிக்கப்படும் பழக்கம் இன்றும் இருந்து வருகிறது.

#சட்டிச்சோறு என்பது குறிப்பிட்ட அளவு என்பதை மேலும் சில கல்வெட்டுக்கள் பின்வருமாறு நமக்கு உணர்த்துகின்றன.

க) #பேரூர் பட்டீசுவரர் கோயில் கல்வெட்டு:

உ) #உடுமலை வட்டம் கடத்தூர் மருந்தீஸ்வரர் கோயில் கல்வெட்டு:

“…நாள் ஒன்றுக்கு அமுதுபடி அரிசி இருநாழியில் நாழி சட்டி யிட்டு வருவதாகவும்…”

ங) #திருமழபாடி வைத்தியநாதர் கோயில் கல்வெட்டு:

“…திருவமுது பொநகப்பானை ஒன்றுக்கும் கறியமுது சட்டி ஒன்றுக்கும்…”

மேற்கண்ட கல்வெட்டுச் செய்திகளால் உணவு விடுதிகள் இல்லாத அக்காலத்தில் யாத்திரிகர்களாய் வருபவர்களுக்கும், சிவனடியார்களுக்கும் #சட்டிச்சோறு அளிக்கப்பட்டு வந்ததை அறியலாம்.

அச்சட்டிச் சோறும் ஒரு குறிப்பிட்ட அளவுள்ளதாக வழங்கப்பட்டு வந்ததாயும் அறிகிறோம்...!

- நன்று -