Thread by @Purusho92480129

പ്രളയം വന്ന് ദുരിതാശ്വാസ ക്യാമ്പ്തു ടങ്ങിയപ്പോൾ മുതൽ പഞ്ചായത്ത്‌ പ്രസിഡന്റ്‌ പരമു ആണ് ക്യാമ്പിന്റെ നോക്കിനടത്തിപ്പുക്കാരൻ. ക്യാമ്പിൽ പരമു പറഞ്ഞിട്ട് ഭക്ഷണം പാകം ചെയ്യുന്നത് പുറം നാട്ടുകാരനായ ബാബു എന്ന പാചകക്കാരനാണ്.

നാട്ടിൽ ഒരുപാട് പാചകക്കാരുണ്ടെങ്കിലും പുറം നാട്ടുക്കാരനെ പരമു വിളിച്ചത് എന്ത് കാരണത്താൽ ആയിരിക്കുമെന്ന് ജനങ്ങൾ ചിന്തിച്ചു. ആ സമയത്താണ് എതിർ പാർട്ടിയിലെ മെമ്പർ പാചകക്കാരനെ കുറിച്ച് ആക്ഷേപം ഉന്നയിക്കുന്നത്.

ഇയാൾ പാചകത്തിനായുള്ള സാധനസാമഗ്രികൾ അടിച്ചു മാറ്റി അയൽ നാട്ടിൽ കൊണ്ട് പോയി വിൽക്കുന്ന ആളാണെന്നും, ഈ പാചകക്കാരനെ തെരെഞ്ഞെടുത്തത് തെറ്റാണെന്നും മെമ്പർ പറഞ്ഞു.

ഇത് കേട്ട പരമു ജനങ്ങളോട് പറഞ്ഞു. ഫ്രീ ആയി ചെയ്തു തരാമെന്നു പറഞ്ഞത് കൊണ്ടാണ് ഏൽപ്പിച്ചത്. മെമ്പർ പറയുന്നത് തെറ്റാണ് എന്ന്.

പഞ്ചായത്ത്‌ കമ്മറ്റിയോ, മുന്നണിയോ അറിയാതെയാണ് പാചകക്കാരനെ നിയമിച്ചത്. പ്രസിഡന്റിനോടുള്ള ഭയം മൂലം പഞ്ചായത്ത്‌ സെക്രട്ടറി നാട്ടുകാരുടെ മുന്നിൽ എല്ലാം തന്റെ തെറ്റാണെന്ന് സമ്മതിച്ചു.

ആ ഇടക്കാണ് സംഭവം കോടതിയുടെ പരിഗണനയിൽ വരുന്നത്.

പാചകക്കാരൻ ബാബു ഇല്ലെങ്കിൽ നാട്ടിലെ പ്രളയ ദുരിതാശ്വാസം നടക്കില്ല എന്ന് പരമു കോടതിയോട് പറഞ്ഞു.

മറ്റു പാചകക്കാർ നാട്ടിൽ ഉണ്ടായിട്ടും അവരെ അന്വേഷിച്ചില്ലേ എന്ന് കോടതി ചോദിച്ചു.

ബാബു ഇല്ലെങ്കിൽ നാട്ടിലെ പ്രളയ ദുരിതാശ്വാസം നടക്കില്ല.

ബ്ലോക്ക് പഞ്ചായത്തിനും ജില്ല പഞ്ചായത്തിനും അഞ്ഞൂറ് പേർക്ക് ഭക്ഷണം പാചകം ചെയ്യാൻ ശേഷിയുള്ള പാചകക്കാർ ഉണ്ടല്ലോ, അവരോട് സഹായം ചോദിച്ചിരുന്നോ.

ബാബു ഇല്ലെങ്കിൽ നാട്ടിലെ പ്രളയ ദുരിതാശ്വാസം നടക്കില്ല.

പാചകക്കാരൻ ബാബുവിന്റെ അടുക്കളയിൽ നാട്ടുകാരുടെ അരിയും സാധനങ്ങളും സുരക്ഷിതമായിരിക്കും എന്നതിന് എന്തുറപ്പാണ് ?

ബാബു ഇല്ലെങ്കിൽ പ്രളയ ദുരിതാശ്വാസം നടക്കില്ല.

ബാബുവിനെ പാചകം ചെയ്യാൻ തെരഞ്ഞെടുത്തതിൽ കോടതിക്ക് ഒരു യോജിപ്പും ഇല്ല. പരമുവിന്റെ വാദങ്ങളിൽ പലതിലും കോടതിക്ക് സംശയമുണ്ട്. എന്നാൽ ഇപ്പോൾ ഈ വിഷയത്തിൽ ഇടപെട്ടാൽ പ്രളയ ദുരിതാശ്വാസം അട്ടിമറിക്കാൻ കോടതി ശ്രമിച്ചു എന്ന് പറഞ്ഞു ചിലർ പ്രചരിപ്പിക്കും.

ഈ സാഹചര്യം അല്ലായിരുന്നു എങ്കിൽ ബാബുവിനെ കണ്ടം വഴി ഓടിക്കാനുള്ള ഇടപെടൽ നടത്തുമായിരുന്നുവെന്നും കോടതി പറഞ്ഞു.

കോടതി പരമുവിന്റെ മുന്നിൽവച്ച നിർദേശങ്ങൾ.

നാട്ടുകാരിൽ നിന്നും അരിയുംസാധനങ്ങളും വാങ്ങുമ്പോൾ അവരുടെ സമ്മതം വാങ്ങണം.

ബാബു ആണ് പാചകം ചെയ്യുന്നതെന്ന് നാട്ടുകാരെ അറിയിക്കണം.

ബാബു സാധനങ്ങൾ പുറത്തു കൊടുക്കുന്നില്ല എന്ന് ഉറപ്പ് വരുത്തണം.

പാചകം കഴിഞ്ഞുള്ള സാധനങ്ങൾ ജനങ്ങൾക്ക്‌ തിരികെ നൽകണം

പരമുവിന്റെ പഞ്ചായത്തിലെ അടുക്കളയിൽ ജോലി നോക്കുന്നു എന്ന കാര്യം ബാബു നാട്ടിൽ പരസ്യം ചെയ്യരുത്.

ആളുകളിൽ നിന്നും അവർക്ക് വേണ്ടപ്പെട്ട സാധനങ്ങൾ വാങ്ങരുത്.

ബാബു സാധനങ്ങൾ കട്ടെടുത്തു മറിച്ചു വിറ്റാൽ പരമു ആണ് ഉത്തരവാദി

ആളുകൾ സംഭാവന ചെയ്ത സാധനങ്ങൾ അങ്ങാടിയിൽ എത്തിയാൽ ബാബുവിനെ വിലക്കും

പ്രളയ ദുരിതാശ്വാസത്തിനു ശേഷം ബാബുവിന്റെ കയ്യിലുള്ള സാധനങ്ങളുടെ പ്രളയം വിവിധ കടകളിൽ ഉണ്ടാകരുത്.

അത് കൊണ്ട് മൂന്നു ആഴ്ച കഴിഞ്ഞു കേസ് വീണ്ടും പരിഗണിക്കും. അന്ന് ബാബുവിനെ തെരെഞ്ഞെടുത്തതിന്റെ അടിസ്ഥാനവും, വിവിധ വകുപ്പുകളോട് അന്വേഷിക്കാത്ത നിലപാടും അടക്കം പൂർണമായ വാദം കേൾക്കും.

ദുരിതാശ്വാസം കോടതി മുടക്കി എന്ന് പരമു പറയുമെന്നുള്ളത് കൊണ്ടും, അതിനായി ബാബു ഇല്ലെങ്കിൽ ദുരിതാശ്വാസം നടക്കില്ലെന്നു പറയുന്നത് കൊണ്ടും മൂന്നു ആഴ്ച കഴിഞ്ഞു ഈ സാഹചര്യമെല്ലാം കഴിയുമ്പോൾ പരമുവിനെ ഇവിടൊക്കെ തന്നെ കാണണമെന്നും കോടതി ഓര്മിപ്പിക്കുന്നു.

പരമുവിന്റെ നടപടിയെ കൂച്ചു വിലങ്ങു ഇടുകയും, കോടതിയെ കൊണ്ട് വിഷയത്തിലെ സകല വശങ്ങളും പരിശോധിക്കുമെന്നതിലേക്കും കാര്യങ്ങൾ എത്തിച്ച മെമ്പറിനെ നേരിടാൻ, കേസ് കഴിഞ്ഞു എന്ന ധാരണയിൽ അന്തം കമ്മികളെ അയക്കുന്ന പരമു എന്ത് കോമഡിയാണല്ലേ.

(Mahin Aboobakkar)

@threadreaderapp unroll