Thread by @DabeerHijazi

سلطان محمد فاتح کی علمی و عملی شخصیت سازی میں دو شخصیات کا کردار نہایت بنیادی حیثیت رکھتا ہے.
پہلی شخصیت تو ہیں شیخ احمد بن اسماعیل کورانی جو فقہ حنفی کے اجلہ علما میں شمار کیے جاتے ہیں، موصوف تفسیرِ قرآن کے ساتھ ساتھ شرحِ بخاری کے بھی مصنف تھے.

کہتے ہیں سلطان فاتح اولا حصولِ علم میں سنجیدہ نہیں تھے جو بھی استاد آتا مایوس ہو کر لوٹ جاتا، سلطان مراد نے کسی کے مشورے پر علامہ کورانی کو بھیجا اور گزارش کی کہ سختی بھی کیجئے گا.

حضرت نے ڈنڈا اٹھایا اور سلطان فاتح کے پاس پہنچ کر فرمایا میں تمہارے والد کے حکم پر تمہیں پڑھانے آیا ہوں اور اس معاملے میں سختی کا بھی مجھے اختیار ہے کہ یہ ڈنڈا تمہارے والد کا دیا ہوا ہے.
یہ سن کر سلطان کی ہنسی نکل گئی، حضرت نے یہ دیکھ کر ڈنڈا سیدھا کیا اور سلطان عالی مقام

کی وہ پٹائی کی کہ جناب کی طبیعت پڑھائی کی طرف مکمل راغب ہو گئی.
علامہ. موصوف سلطان سے بہت محبت سے پیش آتے لیکن رعبِ شاہی کو خاطر میں نہ لاتے تھے، سلطان کو سلام کرتے وقت نہ ہی ان کی دست بوسی کرتے اور نہ ہی جھکتے تھے بلکہ سلطان انہیں جھک کر ملتے اور دست بوسی کی کرتے تھے.

دوسری شخصیت شیخ آق شمس الدین ہیں آپ قرآن و سنت کے علاوہ لسانیات اور ریاضیات کے بھی ماہر تھے اور انہی علوم میں سلطان محمد فاتح کی تربیت و تعلیم کے ذمہ دار بھی.
شیخ آق ہی نے بچپن سے سلطان کے ذہن میں فتحِ قسطنطنیہ کرنے اور مصداقِ بشارت نبوی بننے کا عزم پختہ کیا تھا.

فتحِ قسطنطنیہ کے معرکے میں آپ بھی لشکر کے ساتھ تھے اور فتحیاب ہونے کے بعد آپ نے ہی صحابی رسول سیدنا ابو ایوب انصاری کی قبر پاک کی نشاندہی کی تھی، اور آیا صوفیا میں پہلا خطبہ جمعہ بھی آپ نے ارشاد فرمایا تھا.

3 مئی یومِ وصال سلطان محمد فاتح علیہ الرحمۃ