Thread by @VGananathan

மாநில உரிமைகளுக்கும், மக்களுக்கும் கிட்டத்தட்ட முழு மரண சாசனத்தையும் இன்று எழுதிமுடித்துவிட்டார்கள்.

#Vivek_Gananathan_thread

மின்சாரம்:

மின்சார சட்ட திருத்த வரைவு விவாதத்தில் இருக்கும்போதே, Tarrif Policy திருத்தத்தை சர்வசாதாரணமாக இன்று அறிவித்துவிட்டார்கள்.

மின் உற்பத்தியாளர்களை காக்கும்பொருட்டு, DISCOM-களுக்கு அபராதம் விதிக்கும் என்கிற அறிவிப்பு, மாநில ஆணையங்களை மத்திய ஆணையம் கைகளுக்குள் கொண்டுவருகிறது என்பதை சொல்லாமல் சொல்லும் அறிவிப்பு.

யூனியன் பிரதேசங்களில் உள்ள அனைத்து மின் விநியோகத்தையும் தனியார் மயப்படுத்தி இருக்கிறார்கள். ஆனால், இது ஊடகங்கள் தங்கள் தலைப்புச் செய்திகளை அதிர்ச்சிகரமாக உருவாக்கிக் கொள்வதற்கான கவர்ச்சிகர அறிவிப்பு. அதைவிட பேராபத்துகள் திட்டத்துக்குள் இருக்கிறது.

cross subsidy என்கிற விநியோக மானியம் கொஞ்சம் கொஞ்சமாக ஒழிப்பது, விவசாயிகளுக்கான இலவச மின்சாரத்தை ஒழிக்கும் open access restriction, மின்விநியோகத்தை தனியார் மயப்படுத்தும் வகையிலான ஏலமுறை, இவை எல்லாமே மின்சட்ட திருத்ததில் இருந்தது.

ஆனால், சர்வசாதாரணமாக போகிற போக்கில் பத்தோடு பதினொன்றாக ஒரு அறிவிப்பாக இவற்றை இன்று அறிவித்துவிட்டார்கள்.

ஒழுங்குமுறை ஆணையங்களை ஒழிக்கப் போகிறார்கள். உற்பத்தியாளர்களின் நலன் கருதி என செய்யப்பட்டிருக்கும் இந்த மாற்றம், மின் உற்பத்தியிலிருந்து மாநில அரசுகளை விலக்கும் திட்டம்.

மானியங்கள் நீக்கப்பட்டு, நேரடியாக வங்கிக்கணக்கில் பணம் போடும் திட்டம் ( DBT) வர இருக்கிறது. இதுவும் மின்சட்ட திருத்தத்தில் ஒரு சரத்து. அனுமதிக்காக காத்திருந்தது. இன்றைக்கு அவை அறிவிப்பு. நடைமுறைக்கு வருகிறது. மாநில அரசுகளை முனிசிபாலிட்டியைவிட கேவலமாக மாற்றிவிட்ட செயல் இது.

அதாவது, செல்போன் கம்பெனிகள் ஒரே 4ஜி சேவையை ஒவ்வொருவரும் விலைக்கு விற்பது போல இனி நமக்கு மின்சாரம் விற்கப்படும். 'prepaid' முறையில் முன்கூட்டியே ரீச்சார்ஜ் செய்துகொள்ள வேண்டும். நீங்கள் எவ்வளவுக்கு ரீச்சார்ஜ் செய்கிறீர்களோ அவ்வளவுக்கு மின்சாரம்.

ரீச்சார்ஜ் தொகைக்கு ஏற்ப extra ஆஃபர்களை வழங்குவதை போல இனி மத்திய அரசு விகிதாச்சார அடிப்படையில் மின் மானியம் வழங்கும். அதுவும், தேசிய சராசரிக்கு.

அடுத்த வேட்டு விவசாயத்துக்கு !

விவசாய விளைபொருள் விற்பனைக்கு, மண்டி முறையை ஒழித்துவிட்டு கார்ப்பரேட் கொள்முதல், தேசிய அளவில் எங்கே வேண்டுமானாலும் விற்கலாம் என்கிற போர்வையில் மத்திய அரசு கொண்டு வரும் திட்டங்கள் விவசாயத்தை தனியார்மயமாக்கப் போகிறது.

நினைத்த விலைக்கு விற்கலாம் என்கிற ஆசைவார்த்தைகளோடு நிதியமைச்சர் அறிவித்திருக்கும் திட்டம், விவசாயிகளுக்கு வழங்கப்பட்ட குறைந்தபட்ச உறுதித்தொகையை கைவிட்டு, விவசாயிகளை சக்தி இருந்தால் விற்றுப்பிழைத்துக்கொள் என தள்ளப்போகிறது.

மாநில அரசின் கொள்முதல் நிலையங்களில் விற்கும் நிலையை உடைத்து, சோளக்காட்டுக்குள் யானை புகுவது போல குக்கிராமங்களில் இருக்கும் விவசாயிகளைத் தேடி கார்ப்பரேட் யானைகள் வரும்.

மிகப்பெரும் நிலமும், உற்பத்தியும் வைத்திருக்கும் ஒரு விவசாயி, மொத்த விலை அடிப்படையில் டிமாண்ட் செய்து தன் விளைபொருளை விற்றுக்கொள்ளும் சாத்தியமுண்டு.

கம்யூனிச பாஷையில் சொன்னால், நிலப்பிரபுத்துவர்கள் - பெருமுதலாளிகள் கூட்டு. ஆனால், சிறு - குறு விவசாயிகள் என்ன செய்வார்கள்?

இலவச மின்சாரத்துக்கு வேட்டு வைத்துவிட்டு, குறைந்த பட்ச உறுதித்தொகை முறைமையை ஒழித்துவிட்டு, முடிந்தால் உனக்கு விருப்பமான விலைக்கு விற்றுக்கொள் என விவசாயியை பார்த்துச் சொல்வது, 'செத்து தொலையேண்டா தரித்திரமே' சனியனே என்பதன் 'Policy language.

மாநில அரசிடம் பொருட்களை விற்கும் சூழலை இன்றுதான் அறிவித்திருக்கிறது மத்திய அரசு. ஆனால், கடந்த வாரத்திலேயே குஜராத், கர்நாடகாவில் மாநில கொள்முதல் விதிகளை மத்திய அரசுக்கு ஏற்றபடி பாஜக அரசுகள் திருத்திவிட்டன. எனில், திட்டமிட்ட வஞ்சக நாடகம் இது.

இதைத்தவிர, அணுசக்தி துறையில் தனியார், நிலக்கரி சுரங்கங்களை தனியாருக்கு தாரைவார்த்தல், தாது சுரங்கங்களை தனியாருக்கு விற்றல், விண்வெளியில் தனியார் மூலதனம், பாதுகாப்புத்துறையில் அந்நிய முதலீடு, மீத்தேன் படுகைகளை தனியாருக்ககு ஏலம் விடுதல் ...

என 20 ஆண்டுகளாய் எப்போது செய்யலாம் என காத்துக்கொண்டிருந்த திட்டங்கள்
ஒரு பேரழிவு காலத்தில், மக்களுக்கான பொருளாதார நலத்திட்டங்கள் என்கிற பெயரிலேயே செய்யப்பட்டிருப்பது மக்களை முழு மடையர்களாக கருதும் உத்தி.

ஏற்கனவே, உத்திரபிரதேசம், மத்திய பிரதேசம் உள்ளிட்ட மாநிலங்கள் தொழிலாளர் பாதுகாப்பு சட்டங்களை திருத்திவிட்டார்கள். சர்வதேச தொழிலாளர் சம்மேளனம் இதற்கு கண்டனம் தெரிவித்துள்ளது.

தொழிலாளர் என்கிற பொதுப்பார்வையில் பார்த்தால் இது உழைப்பாளிகளை அடிமையாக்கும் செயல். ஆனால், உ.பி, ம.பி என இந்தி மாநிலங்களையொட்டி நடக்கும் இந்த மாற்றம், தனக்கு வரும் மூலதனங்களை மத்திய அரசு இந்த மாநிலங்களை நோக்கித் திருப்பிவிடப் போகிறது என்பதன் சமிக்ஞை.

தென்மாநிலங்களுக்கான செக் இது.

கொரோனாவைவிட பெரிய பேரழிவு காத்திருக்கிறது இந்திய ஏழைகளுக்கு.