Thread by @VGananathan

வெறும் அகந்தையா தலைமைச் செயலாளரின் செயல்?

***

Dravidian years புத்தகத்தில் ஒரு அற்புதமான விஷயத்தைச் சுட்டிக்காட்டியிருப்பார், இந்திய பிரதமரின் முன்னாள் பொருளாதார ஆலோசகர் நாரயணன் IAS.

1967-ல் திமுக ஆட்சிக்கு வந்ததும், அதிகாரப்புகலிடங்களுக்கும், மக்களுக்கும் இடையிலான இடைவெளி நொறுங்கியது.
மக்கள் பிரதிநிதிகளும், மாவட்டச் செயலாளர்களும் நேரடியாக அரசு இயக்கத்துக்குள் வந்தார்கள்" என்கிறார் நாராயணன்.

ஒரு நேர்காணலுக்காக அவரைச் சந்தித்தபோதும் இதை விரிவாக பேசினார்.

அதிகாரிகள், இந்த மக்கள் பிரதிநிதிகளின் 'செல்வாக்குக்கு' கட்டுப்படும் உளவியல் மாற்றமே, தமிழகத்தின் சமூகப்பொருளாதார மாற்றங்களின் ஆணிவேர்.

ஏனெனில், அரசாங்கம் என்பது ஏகஇந்திய அதிகாரிகளால், மாஜிஸ்திரேட்டுகளால், கவர்னர்களால் நடத்தப்படும் பண்பாடு என்பது பிரிட்டிஷ் ஏகாதிபத்திய பண்பாடு.

சுதந்திரத்திற்கு பிறகு அரசாங்க பீடத்தைக் கைப்பற்றி வைத்திருந்த பார்ப்பனியவாதிகளின் பண்பாடு.

காமராஜர் ஆட்சிக்காலத்தில் அது ஓரளவுக்கு கட்டுக்குள் இருந்தது; காரணம், காமராஜரின் ஆளுமை.

ஆனால், மக்களின் துயர்களை நன்கறிந்த, மக்களோடுமக்களாக நின்று துயர்களைச் சூறையாடுகின்ற சாமானியர்கள் அரசியல் தலைமைகளாகவும் உருவாகிய ஜனநாயகம் என்பது, இந்திய அதிகாரக்கட்டுமானத்தையே புரட்டிப்போட்ட பண்பாட்டுமாற்றம். அதை சாதித்துக்காட்டியது திராவிட முன்னேற்றக் கழகம்; அண்ணா எனும் ராட்சசன்.

காரணம், எம்.எல்.ஏக்களாக வெற்றிபெற்று மேலே வந்தவர்களில் பலர் சாமானியர்கள். அடித்தளத்திலிருந்து உற்பத்தியான அரசியல் தலைமைகள்.

இந்த சாமானியர்கள் அதிகாரத்துக்கு வந்தபிறகு தான், அரசாங்கம் என்பது bureaucracy எனப்படும் மேல்தட்டு அதிகாரிகளால் நடத்தப்படுவது என்கிற வழமை ஒழிந்தது.

மக்களை நிர்வகிக்கப் பிறந்த அதிகாரவாசிகள் என்கிற எண்ணம் இல்லாமல், தங்களை மக்கள் பிரதிநிதிகள் என அடையாளப்படுத்திக்கொள்ளும் ஜனநாயக உணர்வு, முழுமையான சாமானிய அரசியல் பங்கேற்புணர்வின் வெளிப்பாடு.

அது இருப்பதால்தான், திமுகவில் ஒரு மாவட்டச் செயலாளர் மாவட்டஆட்சித் தலைவரைவிட அதிக 'கெத்தோடு' இருக்கிறார். ஜெயித்தாலும், தோற்றாலும் 'மந்திரி' என்கிற மரியாதையோடு இருக்கிறார்.

அந்தமரியாதைதான் பொன்முடி மாவட்டஆட்சியர் அலுவலகத்துக்குள் நுழைந்ததும் ஒருசாமானியனுக்கு பாஸ் வாங்கித்தருகிறது

அந்த மரியாதை மீதான பிடிப்புணர்வுதான், டி.ஆர்.பாலுவை தலைமைச் செயலக வாசலில் 'நாங்கள் மக்கள் பிரதிநிதிகள்' என ஒரு தலைமைச்செயலாளருக்கு எதிராக கர்ஜிக்க வைக்கிறது.

திமுக எம்.பிக்களின் வார்த்தைகளைப் பாருங்கள். இந்தியாவின் மூன்றாவது பெரிய கட்சியின் நாடாளுமன்ற குழுத்தலைவர் பாலு. இந்தியாவின் மாபெரும் ஊடக சாம்ராஜ்ஜியத்தின் வீட்டுப்பிள்ளை தயாநிதி.

ஆனால், தங்களை மக்கள் பிரநிதிகள் என சொல்லிக்கொள்வதில்தான் அவர்களுக்கு சந்தோஷமும், கர்வமும் !

எடப்பாடி ஆட்சி நிதியை இழந்தது; உரிமைகளை இழந்தது; மரியாதை இழந்தது; மானத்தை இழந்தது. அவையெல்லாம் மத்திய அரசிடம் என்று தான் நினைத்தோம்

ஆனால், ஒரு நூற்றாண்டை உழைத்து உருவாக்கிய மக்கள் ஜனநாயகப் பண்பாட்டையும் தன் சொந்த அதிகாரிகளிடம் இழந்திருக்கும் அவலம் இப்போது நடந்திருக்கிறது.

அதிமுக என்கிற கட்சியை மட்டுமல்ல, தமிழ்நாடு அரசின் அதிகாரக்கட்டுமானத்தையே பார்ப்பனியம் செல்லரித்திருக்கிறது என்பதற்கு சாட்சி, தலைமைச் செயலாளரின் செயல்.

அதிமுக அரசியல்வாதிகளுக்கு சுயமரியாதை இருந்தால், தலைமைச்செயலாளர் மன்னிப்பு கேட்பார்.