Wakati fulani ulipokwenda famasi kununua dawa, inawezekana ulipewa brand tofauti ya ile uliokua unahitaji. Swali ni je, dawa hizo ziko sawa na zinafanya kazi sawa? Fuatilia #Uzi kwa majibu na ushauri.
Kwa kuwa zoezi la kutengeneza dawa ni zoezi lefu linalotumia gharama nyingi kwenye utafiti, Kampuni mgunduzi( innovator ) hupewa "patent" yaani kuwa wauzaji pekee wa dawa husika ili kurudisha gharama zilizotumika wakati wa utafiti.
Baada ya patent kuisha, Makampuni mengine hurusiwa kutengeneza dawa hiyo Ila watapaswa kuthibitisha dawa yao ina tabia sawa ile ya Kampuni mama ( innovator brand).
Dawa hutengenezwa kwa kiambata hai(active pharmaceutical ingredient) na viungo vingine(excipients) vinavyofanya dawa ionekane kama inavyoonekana.
Hivyo basi alternative brands zina kiambata hai sawa lakini zinaweza kutofautiana kwenye excipients ambayo inapelekea kuwepo kwa utofauti katika rangi, ladha na hata vifungashio( packaging).
Kwa hiyo , hakuna utofauti endapo utapewa brand tofauti na ile uliohitaji Ila cha muhimu ni kuhakikisha kiasi cha kiambata hai kiko sawa katika brand hizo husika, mfano Azithromycin 500 mg inapatika katika brands tofauti tofauti kama Azuma, Zaha na Azicure. 
Hata hivyo kwa magonjwa sugu ( Chronic Illnesses) kama Shinikizo la juu la damu na Kisukari inashauriwa mgonjwa akatumia brand moja pekee wakati wote.
Kwa kuwa patent nyingi zinaisha muda wake, alternative brands nyingi zitakuepo sokoni kwa bei tofauti. Uliza kwa mtoa huduma wako na atakusaidia kuchagua brand gani itakufaa zaidi kulingana na hali yako ya kiafya.
@threadreaderapp unroll tafadhali.
