Thread by @Amolz_view

व्यापार योजना व गुंतवणूक

काल आपण पाहिले भीती आणि लालच शेअर बाजारात जोखीम निर्माण करतात ज्या मध्ये ट्रेडर् फसतो आणि आपला तोटा करून घेतो. त्याच साठी आपल्याला व्यापारी योजनेची गरज पडते.

आज आपण फक्त योजना कशी असावी यासाठी एक उदाहरण पाहणार आहोत.👇

हे एक खरे उदाहरण आहे फक्त यातील नावे काल्पनिक आहेत
गोष्ट आहे २०१५ सालची जेव्हा मी शेअर बाजारात नुकताच स्थिरावलो होतो. एका अकाउंट ओपनिंग साठी मला जवळच राहत असलेल्या एका गुंतवणूकदारांची भेट घ्यायची होती. तेव्हा मी त्यांच्या घरी गेलो. फॉर्मल हाय हॅलो झाला आणि कदम सरांनी चहा आणला.👇

कदम सरांच्या मिसेस हयात नव्हत्या पण त्यांना एक मुलगा होता १०-१२ वर्षाचा अनिकेत नावाचा. तेव्हा तो ही तिथेच बसला होता. मी चहा घेतला आणि फॉर्म दिला अकाउंट ओपनिंग साठीचा तेव्हा ती मुलगा काही बडबडत होता. थायची..शेमी..शिशा असा काहीसा मला कळले नाही म्हणून मी त्याच्याशी बोलायचा👇

प्रयत्न केला. तेव्हा कदम सर हसत मला बोलले की तो मॅनडारीन मध्ये सराव करतो आहे बोलण्याचा. ही चीन मधील मुख्य भाषा आहे. मी थोडा अवाक झालो होतो.

ते भाषेविषयी माहिती देऊ लागले. की ही एक जगातील सर्वात अवघड अशी भाषा आहे. या भाषेत एकाच शब्दाचे ४ वेगवेगळे उच्चार आहेत. 👇

म्हणजे जसा तुम्ही उच्चार करता तो अर्थ लागतो.
मी हळू हळू अचंबित होऊन त्या लहानशा मुलाकडे कटाक्ष टाकत होतो अधून मधून.
मी मधूनच एक प्रश्न विचाला की हे सगळं का? म्हणजे आपली मराठी भाषा एवढी समृद्ध असताना बाहेरची भाषा का शिकायची?

कदम सर बोलले. मला माझ्या भाषेचा अभिमान आहेच आणि 👇

अनिकेत ही फार छान मराठी बोलतो परंतु हेच वय आहे ज्या मध्ये तो कोणतीही भाषा अगदी सहज शिकू शकेल. म्हणूनच विशेष अनिकेत साठी मंडारीन शिकवणाऱ्या शिक्षकाची सोय केली आहे मी.

माझा त्यांना प्रश्न चालूच होते. पण सर तीच भाषा का? म्हणजे मला या आधी या भाषेविषयी इतकी माहिती नव्हतीच, 👇

पण मला इतकं माहीत आहे की जगात सर्वात जास्त बोलली जाणारी भाषा आहे. मग आपण तीच का शिकवत आहात त्याला?

ते म्हणाले हे बघ मला शिक्षणात रस नव्हता पहिल्यापासून त्यामुळे माझे शिक्षण जास्त नाही झाले पण हे शिक्षण म्हणजे एक गुंतवणूक आहे बघ म्हणजे मी त्याला आज ही भाषा शिकवत आहे.👇

उद्या त्याला जे शिकायचं आहे तो शिकेल. डिग्री मिळवेल किंवा उद्योग करेल स्वतचा व्यवसाय वगेरे टाकेल. ते त्याच्या हुशारी आणि कर्तृत्वावर असेल. पण जर उद्या यातील काहीच नाही झाला तर मग? म्हणजे शिक्षणात रस नसला त्याला ही तर त्याच भविष्य काय? म्हणूनच आज ची ही योजना 👇

त्याच्या भविष्याची गुंतवणूक ठरेल. त्याचा फायदा होईल न होईल परंतु भांडवल वाया जाणार नाही.

मी म्हणालो मला हे सर्वच पटतय गुंतवणूक वगेरे.. पण तीच भाषा का? मी माझा प्रश्न कायम ठेवला.

कदम सरांनी जे उत्तर दिले ते ऐकून मला गुंतवणुकीचा दृष्टिकोन कसा असावा 👇

आणि आपल्याला कोणत्या गोष्टीचा अभ्यास करायचा हे समजले.

उत्तर होते २०१५ ला सर्वदूर पसरलेली एक बातमी. ती म्हणजे एफडीआय (FDI) foreign direct investment.

सर म्हणाले हे बघ ही संकल्पना आज आली आहे बाजारात किंबहुना भारतात पण ती खरोखर प्रत्यक्षात यायला अजुन १५-२० वर्ष जातील. 👇

आपल्या चाकण परिसरात विविध परदेशी कंपन्यांनी बस्तान मांडण्यासाठी जमिनी संपादित करण्यासाठी सुरुवात केली आहे. बहुतेक कंपन्या पूर्वे कडून येणार आहेत. मग उद्या जर अनिकेत त्याच्या आवडीच्या क्षेत्रात काही करू नाही शकला तरी या कंपनी मध्ये दुभाषी म्हणून चांगल्या पगारात काम करू शकेल. 👇

आणि नाहीच काही झाले तरी एका भाषा शिक्षकाचे काम नक्कीच मिळेल त्याला. त्या साठीच ही गुंतवणूक.

मी यापुढे एक ही प्रश्न न विचारता फॉर्म भरून घेतले आणि ऑफिस वर गेलो.
त्या दिवशी मला गुंतवणुकीचा एक मोठा धडा मिळाला.

हे उदाहरण आज मी लिहीत आहे कारण योजना ह्या तुमच्या भविष्यातील 👇

भीती आणि लालसे ला नेहमी लांब ठेवतात. आणि शेअर बाजारात नेमके तेच अपेक्षित आहे.

उद्या आपण आणखी एक उदाहरण पाहू पण ते शेअर बाजाराशी निगडित असेल. ज्या मध्ये आपण व्यापार योजना कशा तयार करायच्या असतात याबद्दल पाहू.

या आधीचे सर्व धागे ब्लॉग वर आहेत. anrpstock.wordpress.com👇🙏

@Annu_kadle @Am_here_DURGA @manju77077 @ashaysant @MarathiPrachi @dipaligaikwad07 @nastik_Shubham @NANASAHEB_Y @sidtalk27 @Madhuri47_47_47 @Aparichit_Mi @MiBhandarkar @AtulAmrutJ @ShamalShingte @d_d_dhuri @anu_bundhe @Amol_A_S @Manoj2211Khare @mi_prasaddesai