Thread by @OmkarDabhadkar

नरेंद्र मोदींचा पुनश्च विजय होऊन आज १ वर्ष पूर्ण झालं! काय दिवस होता तो! आजही आठवला की अंगावर रोमांच उभे रहातात!

देशभर अपप्रचाराची मोठी फळी उघडली गेली. बिनबुडाचे आरोप केले गेले. अख्खी इकोसिस्टिम कामाला लावली गेली. पण नरेंद्र मोदी नावाच्या माणसावर या देशाने विश्वास कायम ठेवला. +

तो दिवस अश्याच भारावलेल्या अवस्थेत गेला. दिवसभर नुसता जल्लोष केला.

रात्री विचार केला - मोदी पुनश्च निवडून आल्याने "मला" आनंद व्हावा असं खरंच काही आहे का?

उत्तर निःसंदिग्ध "हो" असंच मिळालं.

दुसऱ्या दिवशी फेसबुकवर एक लेख खरडला. तो आजही १००% व्हॅलिड आहे. तो लेख पुढे देतोय : +

कालचा विजय फक्त मोदी शहांचा नव्हता. फक्त भाजप-संघाचा नव्हता. फक्त कार्यकर्ता-प्रचारकांचा नव्हता. कालचा विजय आमच्या सारख्यांचा सुद्धा होता.

आमच्यासारखे असे काही लोक, जे चहूकडे सुरु असलेल्या दांभिक, अप्पलपोट्या प्रचारकी प्रस्थापितांना वैतागून ठोस भूमिका घेत होते. +

आमच्यासारखे असे काही - ज्यांनी ही ठोस भूमिका घेतल्यामुळे कित्येक शिव्याशाप सहन केले होते. ट्रोलिंग पचवली होती.

म्हणूनच कालचा विजय फार महत्वाचा होता. आमच्या सारख्यांसाठी.

आम्ही फक्त सत्य बोलतो म्हणून पेड ठरवले जात होतो.
खोटं उघडं पाडतो म्हणून मूर्ख ठरवले जात होतो. +

मुद्द्यांवर बोलत होतो म्हणून ट्रोल ठरवले जात होतो.

हे ठरवलं जाणं कुणा पक्षाकडून, पक्ष कार्यकर्त्यांकडून होणं सहाजिक होतं. त्याचं फार काही वाटलं नसतं. पण हा मानसिक त्रास त्या लोकांकडून होत होता जे चहूकडे वैचारिक, विश्लेषक, विचारवंत वगैरे म्हणून मिरवत होते. +

त्यांच्यासमोर आपली काय बिशाद?! हुशार लोक! ते म्हणतील ती पूर्व दिशा! नि त्यांनी दाखवलं त्या दिशेकडे धावत सुटणारे त्यांचे कंपू!

या कंपूने गेली २-३ वर्षं काय नाही केलं?!

आमच्या व्यवसायावर शेरेबाजी केली. फेक प्रोफाईल्स तयार करून अपमानास्पद लिखाण केलं. आमच्या कुटुंबाच्या, +

बायको-पोरांच्या नावाने नीच विनोद केले. फोटोज, मिम्स करून ट्रोलिंग केलं...!

आणि हे सगळं कशासाठी? का बरं?

कारण आम्ही सत्य काय ते मांडत होतो.

आम्ही हे मांडत होतो की मोदींनी १५ लाखांचं वचन दिलंच नव्हतं. आम्ही हे दाखवून देत होतो की - +

सिंग आणि मोदींच्या परदेश भेटींच्या दिवस व खर्चात फारसा फरक नव्हता, पण त्यातून आलेला RoI मात्र फारच वेगळा होता! आम्ही हे सिद्ध करत होतो की देशावर वाढलेलं "कर्ज" हा मुद्दा चूक असून - डेट टू जीडीपी रेशो बघून निष्कर्ष काढायचे असतात - जे काढले तर सध्याच्या सरकारचं काम उजवं ठरतं. +

आम्ही हे दाखवून देत होतो की राफेल वरील सर्व आरोप चुकीचे आहेत नि ३०,००० कोटी अन अंबानींच्या ईमेलमागचं सत्य अगदीच वेगळं होतं.

भारतात मॉब लिंचिंग "वाढलं" आहे हे दाखवणारी आकडेवारी कुठेही उपलब्ध नाही - हे स्पष्टपणे म्हणालो म्हणून आम्ही कम्युनल ठरलो. +

NAC द्वारे कारभार चालवणाऱ्या काँग्रेसच्या काळात लोकशाही धोक्यात नव्हती काय? - हा प्रश्न विचारला म्हणून आम्ही फॅसिस्ट ठरलो.

विविध मार्गांनी गुडूप होणारा पैसा डीबीटी द्वारे कसा वाचवला गेला - हे समोर आणलं म्हणून आम्ही कॉर्पोरेटचे दलाल ठरलो.

कुणी ठरवलं हे सगळं? +

त्या लोकांच्या ट्रोल गॅंग ने, ज्यांचं देशाच्या सामाजिक विश्वातलं काँट्रीब्युशन फक्त एकच - वेगवेगळ्या समूहांना एकमेकांची भीती दाखवत समाजात फूट कायम ठेवणे.

आणि हे लोक आम्हाला देश तोडणाऱ्या मानसिकतेचे समर्थक ठरवत होते. +

या सगळ्याचा त्रास झाला नाही, याकडे दुर्लक्ष करतो - हे बोलायला सोपं आहे. पण खरंच जमतं का हे? नाही जमत! होतोच त्रास.

वाटायचंच कधीकधी...ज्यातून कोणताही व्यावहारिक लाभ होत नाही, त्या लढाईत पडायचंच कशाला?! खासकरून तेव्हा - +

जेव्हा जरासं खुट्ट वाजलं कि तुमच्याच बाजूचं सैन्य तुमच्यावर आक्रमण करत धावत येतं!

पण काल या सगळ्या त्रासाचा निचरा झाला.

गेल्या ५ वर्षांत - खासकरून गेल्या अडीच वर्षांत - ज्या अपप्रचाराविरोधात आपण उभे राहिलो - तो प्रोपागंडा काल परास्त झालेला दिसला आणि सगळ्या त्रासाचा निचरा झाला.+

काल हे सिद्ध झालं की भारतीय जनता खरंच हुशार आहे. प्रचार-अपप्रचार ओळखू शकते. सगळं काही ओळखून योग्य तो निर्णय घेऊ शकते.

कालचा विजय मोदी शहा - भाजप संघ वगैरे सर्वांचाच होता - +

पण त्याचवेळी तो ठामपणे सत्याला सत्य आणि असत्याला असत्य म्हणणाऱ्या सुज्ञ भारतीय जनतेचा होता.

जय हिंद!
वंदे मातरम!

भारतीय लोकशाहीचा विजय असो!

: ओंकार दाभाडकर
[e-mail]