Thread by @RaneSays

📌📌📌

ही 'मुद्रा' आपल्या कामी उमटुदे..

आज मुद्रा योजनेबद्दल उपलब्ध माहिती शेअर करणारच आहे. मात्र तत्पूर्वी एक अनुभव सांगायचा आहे. काल एका व्यावसायिक मित्रासोबत बोलणे झाले. काही गोष्टी समजून घ्यायच्या होत्या. अनेकांना समजतील अशा पद्धतीने मांडायच्या होत्या. (१/२४)

यापूर्वीच्या थ्रेडमध्ये 'काय नको, आणि काय करायला हवं' याची माहिती दिली. मात्र कालच्या चर्चेनंतर एक सहजसोपा मात्र महत्त्वाचा मुद्दा लक्षात आला. की आपल्याकडे (अपवाद वगळता) वैचारिक कक्षांची चौकट फार संकुचित आहे. आपण एखाद्या व्यवसायाचा विचार स्थानिक स्तरावर करत आहोत. (२/२४)

अर्थात वर्षांनुवर्षे आपल्याला 'स्थानिक' म्हणूनच जाणीवपूर्वक ठेवलं गेलंय. व्यवसाय म्हणजे वडापाव, भाजीची गाडी इतकंच स्वप्न आम्हाला दाखवलं गेलं. त्यात यश नाही असे नाही. पण सर्वांनी तिथेच जायला हवे असे काही नाही. आणि बदल व्यावसायिक मानसिकतेत नकोयत. नोकरी करतानाही (३/२४)

आपण ठरविक आयुष्य जगतो. तिथेही बदल अपेक्षित आहे. हरकत नाही. आपण शक्य तितका बदल करू. आपल्यापासून सुरुवात करू म्हणजे तशी मानसिकता आपल्यातून पुढील पिढीत रुजेल. मारवाडी, गुजराथी म्हणजे 'बिजणेशमन' असं ठरवून नाही बोलत आपण.. तशी प्रतिमा अनेक वर्षानंतर तयार झालीय. (४/२४)

यापुढे आपल्याला ती तयार करायची आहे.

आता एक व्यावसायिक म्हणून विचार करा. मी एक परिस्थिती सांगतो. त्याचे चित्र नजरेसमोर उभे करा. 'तुम्ही एक व्यवसाय सुरु केलाय. काही महिन्यांनी नफा मिळू लागलाय. आता मनुष्यबळ लागण्याची शक्यता आहे. तुम्ही आणखी दोन व्यक्ती कामावर ठेवलेत. (५/२४)

काही महिन्यांपूर्वी एकूण व्यक्तींची संख्या १५ इतकी झाली. सध्या त्यांना आपण फक्त पगार देत आहोत. आता कामाचा ताण प्रचंड वाढलाय. श्रमिकांची गरज भासणार आहे. अशावेळी 'व्यावसायिक' म्हणून तुम्ही काय कराल? मी अनेकांना प्रत्यक्षात हि परिस्थिती आणि प्रश्न विचारला. (६/२४)

अनेकांनी आणखीन श्रमिक वाढवू, किंवा प्रोडक्शन क्षमतेनुसार नियंत्रणात आणू वगैरे वगैरे उत्तरे दिली.

मात्र आपल्या व्यवसायात गुंतवणूकदाराला सहभागी करून, आपल्या व्यवसायाचा परीघ वाढवावा. लोन घ्यावे. आपल्या व्यवसाय प्रायव्हेट लिमिटेड करून त्यास कंपनी स्वरूप द्यावे. (७/२४)

मग कर्मचाऱ्यांची भरती, पीएफ, पगार, मेडिक्लेम इ. तर कंपनीसाठी सीए फर्मची निवड आणि बरच काही. डोकं भंजाळलं असेल ना? जवळपास ९० टक्के या 'भविष्यापर्यंत' पोहोचलेच नव्हते. आपली चौकट मोडण्यास कोणी मानसिकरीत्या तयार वाटले नाही. किंवा वैचारिक कक्षा तितक्या रुंदावल्याच नव्हत्या. (८/२४)

यापैकी अनेकजण छोटे व्यावसायिक होते. आणि ते स्थानिक स्तरावर सुरु असलेल्या व्यवसायात खुश होते. आता यापुढे आपल्याला 'व्यावसायिक' आणि 'उद्योजक' या दोन स्वतंत्र संकल्पना आहेत हे लक्षात घ्यायला हवे. त्यानुसार नियोजन करण्यास सुरुवात करा. व्यवसाय करायचा कि उद्योग? (९/२४)

व्यावसायिक व्हायचे की उद्योजक ? हे स्वतःला विचारण्यास सुरुवात करा.
--------
तर मुद्रा योजनेबद्दल..

तुम्ही व्यावसायिक असाल तर 'उद्योजक' बनण्यासाठी मुद्रा योजनेचा फायदा तुम्हाला घेता येईल. मी असे म्हणतोय कारण, हे कर्ज फक्त चालू व्यवसायांना (existing) मिळते. (१०/२४)

नवीन उद्योजकांना इथून कर्ज घेता येणार नाही. त्यासाठी आपला व्यवसाय किमान दोन वर्षे जुना असायला हवा. (नवउद्योजकांना काय पर्याय असू शकतो याबाबत पुढील थ्रेडमध्ये लिहेन. इतरांनी आपल्याकडे दोन वर्ष संयम आहे का तपासून पाहायला हवे. कुठलीही गोष्ट मोफत मिळत नाही. (११/२४)

काही सॅक्रिफाईझ आपल्याला करावे लागतात.) मायक्रो युनिट डेव्हलपमेंट अँड रिफायनान्स एजन्सी (MUDRA). या योजनेअंतर्गत लघु उद्योजकांना १०लाखांपर्यंत कर्ज मिळू शकते. तसेच कुठल्याही प्रकारचे तारण किंवा जामीनदाराशिवाय (गॅरेंटर्स) तरुणांना हे अर्थसहाय्य मिळते. (१२/२४)

याठिकाणी तुम्हाला कोणतं कर्ज हवंय त्यानुसार कॅटेगरी ठरवण्यात येते. यात शिशु (५० हजारपर्यंत), किशोर (५१ हजार ते ५ लाखांपर्यंत), आणि तरुण ( ५ लाख ते १० लाखांपर्यंत) अशा तीन कॅटेगरी आहेत. यासाठी सरकारने जवळपास २० हजार कोटींची तरतूद केलीय. (१३/२४)

सर्व प्रकारच्या उद्योगांना यातून कर्ज घेता येऊ शकते. शेतीशी पूरक व्यवसाय करणारे देखील यात येतात. त्याचबरोबर भाजीवाले, सलून यांनाही कर्ज घेण्याचा पर्याय खुला आहे. पंतप्रधान मुद्रा योजनेत प्रत्येक क्षेत्रानुसार योजना तयार करण्याबाबत सूचना देण्यात आल्या आहेत. (१४/२४)

या कर्जासाठी आकारण्यात येणाऱ्या व्याजाचा दर कमी आहे. कर्ज मंजूर झाले की त्यानंतर कर्जदाराला 'मुद्रा कार्ड' दिले जाते. त्याचा वापर क्रेडीट कार्ड सारखा करता येतो. अनेकदा तरुण 'स्टार्टअप' घेऊन बँकेत जातात. मुद्रा लोंबद्दल विचारणा करतात. (१५/२४)

त्यावेळी नियमित कागदपत्रांसोबत तीनेक वर्षांची रिटर्न्स फाइल, सहा महिन्यांचे बँक स्टेटमेंट सुद्धा मागवले जाते. मात्र हे नसल्याने तरुण निराश होऊन माघारी फिरतात. यावेळी इतर कुठल्या योजना सुरु आहेत हे विचारण्याचा प्रयत्न करा. आपण ठराविक माईंडसेट ठरवून प्रत्येक गोष्ट करतो. (१६/२४)

आणि तसे झाले नाही की निराश होऊन जातो. त्यामुळे प्रत्येक गोष्टीची वाईटाहून वाईट काय होऊ शकते याची मानसिक तयारी करून कुठेही पाऊल ठेवावं. त्रास कमी होतो. तरुणांसाठी, व्यावसायिकांसाठी, उद्योजकांसाठी कुठल्या नव्या योजना आहेत हे सांगणे, मार्गदर्शन करणे हे बँकांचे (१७/२४)

आद्यकर्तव्य आहे, यासाठी थेट व्यवस्थापकाची (मॅनेजर) थेट भेट घेण्याचा प्रयत्न करा. प्रत्येक बँकेला ठेवीदाराप्रमाणे कर्जदार देखील तितकाच महत्त्वाचा असतो. काही अडचणी असतील तर शासकीय कर्मचाऱ्यांना भेटा. जोवर शंकांचे निरसन होत नाही तोवर विचारात राहा. ते त्यांचे कामच आहे. (१८/२४)

मुद्रा कर्जासाठी आवश्यक बाबी :
० तारण किंवा जामीनदाराची गरज नाही.
० स्वतःचे १० टक्के भाग-भांडवलाची गरज नाही.
० शासकीय बँकेततर्फे लाभ मिळणार.
० उमेदवारीचे वय १८ वर्षे पूर्ण असणे गरजेचे.
० अर्जदार कोणत्याही बँकेचा थकबाकीदार नसावा. (१९/२४)

प्राथमिक कागदपत्रे :
० ओळखीचा पुरावा - मतदान ओळख पत्र, आधार कार्ड
० रहिवासी पुरावा उदा - लाईट बिल, घर पावती.
० आपण जो व्यवसाय करणार आहोत किंवा करत आहोत त्याचा परवाना व स्थायी पत्ता.
० व्यवसायासाठी लागणारे सामना किंवा यंत्र सामुग्री कोटेशन व बिले.
० अर्जदाराचे २ फोटो (२०/२४)

याव्यतिरिक्त बँकेकडून 'विश्वासाखातर' मागवण्यात येणारी इतर कागदपत्रे.. कारण या योजनांचा फायदा न घेणाऱ्यांची संख्या जशी अधिक आहे. तसेच या योजनांचा गैरफायदा घेणाऱ्या भामट्यांची संख्याही अधिक! (२१/२४)

त्यामुळे तीनेक वर्षांची रिटर्न्स फाइल, सहा महिन्यांचे बँक स्टेटमेंट अशा गोष्टी पाहिल्या जातात. या थ्रेडमध्ये ढाक्या तितकी माहिती देण्याचा प्रयत्न केला आहे. काही अनुभवसदृश्य गोष्टी शेअर केल्या आहेत. जेणेकरून त्याजागी उभे राहून तुम्हा स्वतःला पडताळून पाहू शकाल. (२२/२४)

काही त्रुटी निश्चित असतील. कालानुरूप बदल होत असतात. नवे बदल हे प्रत्यक्ष बँकेच्या भेटीनंतरच कळतील. मागच्या थ्रेडमध्ये सांगितले की, एकमेकांना धरून चला. आभाळ फार मोठ्ठय! प्रत्येकाला भरारी घेण्याची संधी आहे. आपण एकट्याने चालण्याचा प्रयत्न करतो. काहीजण यशस्वी होतात. (२३/२४)

अनेकजण फसतात. त्यामुळे एकमेकांना धरून पुढे चालत राहा. अजून काय सांगावे, योग्य ते जाणिजे!
.
धन्यवाद!
.
(२४/२४)