Thread by @The_Nationfirst

"गोंदया आला रे "
२२ जून १८९७ साली पुण्याच्या गणेशखिंडीत आरोळी घुमली! गोंदया आला रे...
आणि पुण्यावर अत्याचार करणाऱ्या रँडचा वध !!!
प्रसंग १ : रात्रीच्या वेळी एक बग्गी जातेय. फक्त घोड्यांच्या टापंचा आवाज, मागे एक तरुण धावतोय. योग्य ठिकाणी तो आवाज देतो.

"अण्णा गोंद्या" शेजारच्या झाडीतून एक तरुण बाहेर येतो व बग्गीवर चढून गोळीबार करतो.

प्रसंग २ : धावत एक तरुण घरात घुसतो. लोकमान्यांना कार्यक्रमातून बाहेर बोलावतो आणि सांगतो की " खिंडीतला गणपती नवसाला पावला"

प्रसंग ३ : एका तरुणाला फाशी द्यायला नेत आहेत. चालता चालता तो एका कोठडीपाशी थांबतो व म्हणतो "येतो मी" आतून आवाज येतो "4 दिवसांनी भेटूच" कारण ४ दिवसांनी त्याला फाशी होणार असते. चापेकर बंधू हे आद्यक्रांतिकारी होते. १९व्या शतका अखेरीस पुण्यात प्लेगने थैमान घातले.

प्लेगला आळा घालण्याच्या निमित्ताने विल्यम चार्ल्स रॅन्ड या बिटिश अधिकाऱ्याने लोकांचा छळ केला. त्याच्या क्रूर आणि अमानवी कृत्यांमुळे समाजाच्या सर्वच थरांमध्ये संतापाची लाट उसळली. सूडाची ठिणगी मनात
पडली आणि धगधगू लागली होती.

राष्ट्रप्रेमाच्या जाज्ज्वल्य भावनेतूनच चापेकर बंधू रँडच्या विरोधात पेटून उठले .२२ जून १८९७ , बरोबर १२३ वर्षांपुर्वी याच दिवशी प्लेगच्या साथीमध्ये जनतेवर अनन्वित अत्याचार करणारा इंग्रज अधिकारी रँड याचा क्रांतीवीर चापेकर बंधूंनी - दामोदर हरी चापेकर व बाळकृष्ण हरी चापेकर यांनी

गणेशखिंडीनजीक वध केला. या दोघांना द्रविड बंधूंच्या फितुरीमुळे अटक झाली. याचा बदला चापेकरांचे तिसरे बंधू वासुदेव हरी चापेकर व त्यांचे एक सहकारी महादेव रानडे यांनी खुन्या मुरलीधराजवळ द्रविड बंधूंचा वध करून घेतला. यथावकाश त्यांनाही अटक झाली.

मातृभूमीसाठी एकाच कुटूंबातील तीनही बंधू फाशी गेल्याचे हे ऐकमेव उदाहरण असावे.
ह्या महान क्रांतीकारकांना मानाचा मुजरा.
धन्य ते वीर, चापेकर बंधूंना शतशः दंडवत !!
- संकेत फडके
#दिनविशेष #चाफेकर_बंधू #मराठी #म