Thread by @Vish_kc

ॐ

"समुद्रातील शिवाजी"
नौसेनाधिपति कान्होजी आंग्रे !

स्वकर्तृत्वावर उत्तुंग झेप घेणारा,परकीय शत्रूंची दाणादाण करून त्यांची झोप उडविणारा #मराठी सरदार, दर्याबहाद्दर कान्होजी आंग्रे यांचा स्मृतिदिन 🌷विनम्र अभिवादन 🌷🌿

#KanhojiAngre
@The_Lion_RS @SG_HJS
@KaduAmol @malhar_pandey

पुणे जिल्ह्यातील खेडजवळील कालोसे गावी १६६९ मध्ये कान्होजी आंग्रे ह्यांचा जन्म झाला. कालोसे गावातील आंगरवाडी ह्या छोट्या भागावरून त्यांचे आंग्रे हे आडनाव रूढ झाले.
कर्तृत्व, पराक्रम आणि निष्ठा याची परंपरा कान्होजीला पूर्वजांकडून लाभलेली होती.

कोकणाबरोबरच कच्छ, सौराष्ट्रापासून त्रावणकोर, कोचीनपर्यंतची सागरी सत्ता कान्होजींच्या हाती होती. समुद्रात मुक्त संचार करणार्या परकीयांवर निर्बंध आले होते.१६९८पासून मराठी राज्याची सारी सागरी सत्ता कान्होजींकडे आली होती. त्यांच्या परवान्याशिवाय कोणीही सागरावर व्यापार करू शकत नव्हते

सर्व परकीयांनी एकत्रित येऊन कान्होजींना संपविण्याचे ठरविले, तरीही त्यांनी इंग्रज, पोर्तुगीजांनाही पराभूत केले.शत्रूच्या आक्रमणांना तोंड देण्यासाठी कान्होजींनी दूरदृष्टीने अगोदरच अनेकांशी मैत्रीचे संबंध ठेवलेले होते. अशा संबंधांच्या मदतीने त्यांनी आपले आरमार अधिक शस्त्रसज्ज केले.

पोर्तुगीजांच्या मार्गदर्शनाखाली शस्त्रनिर्मितीचा कारखाना आणि कुलाबा, विजयदुर्ग, सुवर्णदुर्ग येथे सुधारीत पद्धतीचे जहाज बांधणीचे कारखाने त्यांनी उभारले. या सुसज्जतेसह कान्होजींनी समुद्र किनार्यावर एक दबदबा निर्माण केला होता.

कान्होजींचा लढा धार्मिक आक्रमणाची धार कमी करण्यासाठीही होता. कान्होजी आंग्रे यांनी कोकणातील मंदिरांसह पंढरपूर, आळंदी, जेजुरी, तुळजापूर येथील देवस्थानांना इनाम व रोख देणग्याही दिल्या. छत्रपती शिवाजी महाराजांच्या मृत्यूनंतरही औरंगजेबाला मराठी मुलूख काबीज करता आला नाही.

यामागे अनेक शूर सरदारांचे योगदान होते. कोकण किनार्यावरील राजसत्तेचा जागता पहारा असणारे कान्होजी त्यांतीलच एक !
आषाढ़ कृष्ण पंचमी (दिनांक ४ जुलै) १७२९ रोजी कान्होजींनी जगाचा निरोप घेतला.
अशा वीर योद्धयास विनम्र अभिवादन !!
🚩 हर हर महादेव 🚩

@MarathiBrain @MarathiRT @gajanan137

@threadreaderapp
Please "unroll" #Thread 🙏