Thread by @gawande_poonam

पत्र तर नक्कीच लिहिले आहे पण फक्त आणि फक्त परिक्षेत औपचारिक आणि अनौपचारिक...😜
वास्तव जीवनात पत्र लिहिण्यासाठी ना कधी हाती पेन घेतला ना कधी माझ्यासाठी हाती एखादं पत्र पडलं...
हे पहिलं #माझंपत्र #SushantSinghRajpoot सरांसाठी...
1/n

#पूनमच्या_लेखणीतुन
#पूnm
#मराठी

Dear Sir,
'शेवटी का' असा प्रश्न तुम्ही गेल्यावर सर्वांनाच पडला. या प्रश्नांत गुरफटुन अनेकांचे दुःख आणि अश्रुंचे अभिनयही झाले. अनेक जण Hate You म्हणून मोकळे झाले.
तुमची एक्झिट मनाला चटका लावून तर गेलीच पण अशा एक्झिटची कल्पना तुमच्याकडून तरी कुणालाच नव्हती
2/n
#माझंपत्र

जगण्याची प्रेरणा देणारे तुम्ही एकदिवस स्वतःचं जीवन संपवता हे कुठंतरी रूचत नाही पण दुसरं मन म्हणतं 'का?' हा एकच प्रश्न शेवटी सोडून गेलात खरं पण कुणी विचार केला नसेल कि तुम्हालापण अशा प्रश्नांनी खुप छळलं असेल ना ज्याचं अनुत्तरीत राहणं तुम्हाला अनुत्तरीत होऊन जाण्यास विवश करतं
3/n

जगासमोर जरी न उलगडणारं कोडं उरलं असलं तरी त्या पुर्वी अनेकदा तुम्ही त्या अशा एका कोड्यात पार गुरफटुन गेला असाल कि ज्यातुन बाहेर पडण्यासाठी तुमचा जीव कासावीस होत असेल.. तो एक एक क्षण तुम्हाला खात असेल.
4/n
#माझंपत्र #म

जगासमोर हसरा चेहरा घेऊन घेऊन वावरताना तुमचा गुदमरणारा श्वास तुम्हाला एकच प्रश्न करत असेल कि किती दिवस या खोट्या हासुचा भार पेलवणार? मी पुर्वीसारखा मनसोक्त हसणार नाहीच का? आतल्या आत चालणारं भीषण द्वंद्व तुमच्या अनेक रात्रींचा दिवस करत असेल ना?
5/n
#माझंपत्र #म

किंबहुना त्या पापण्या पण गाढ झोप विसरल्या असतील. कदाचित हा मुखवटा जरी जगाला प्यारा असला तरी त्याचं ओझं तुम्हाला क्षणोक्षणी मरणयातना देऊन जात असेल. एकांत तो मुखवटा उतरवून तुम्ही जीवाच्या आकांताने मोठमोठ्याने हंबरडा फोडुन तुमच्या आतीव दुःखाला वाट मोकळी करून दिली असेल
6/n
#माझंपत्र

असे अनेक क्षण गेले असतील जेथे तुम्ही स्वतःला मेलेलं अनुभलं असेल ना.
जगाने एकदा तुमच्या जाण्याची बातमी ऐकली तर ते दुःख सर्वांना असह्य झालं मग तुम्ही जेव्हा हजारदा स्वतःचं मरण अनुभवलं असेल त्या यातना किती भयानक आणि अवर्णनीय असतील याचा कुणी विचारही केला असेल का?
7/n
#माझंपत्र #म

सर्वांसमोर तुम्ही हास्याचं पांघरूण ओढलं पण ते हसणं अनुभवण्यासाठी तुमच्या आत तुम्हीच उरले नसाल ना..
तुमचं मन कदाचित एवढं छिन्नविछिन्न झाले असेल कि कोणताही 'पवित्र रिश्ता' तुम्हाला अडवु शकला नाही...
8/n
#माझंपत्र #म

काय पो छे!, शुद्ध देशी रोमांस, डिटेक्टिव्ह ब्योमकेश बक्शी, एम. एस. धोनी, रब्ता, केदारनाथ, सोनचिडिया, छिछोरे, ड्राइव हे तुमचे चित्रपट जगाने पाहिले पण तो एक अज्ञात चित्रपट ज्याने तुमचं आयुष्य बरबाद केलं तो फक्त तुम्हीच पाहीला, अनुभवला, जगला ती भुमिका निभावणं अत्यंत कठीण असेल ना
9/n

जगासाठी तुमचं जाणं कदाचित प्रचंड भित्रेपणाचं प्रतीक ठरलं असेल पण जगासमोर तुमचं आतीव दुःख अगदी छोटं डोंगराएवढे असेल नाही का??
कदाचित तुम्हाला पुन्हा खळखळून हसायचं असेल, तुमच्यातुन संपलेल्या तुम्हालाच पुन्हा नव्याने परतायचं असेल,
10/n
#माझंपत्र #म

आतुन पोखरून पोखरून काहीच न उरलेल्या तुमच्या मनाला पुन्हा नव्याने बहरायचं असेल फुलायचं असेल... हे सर्व ज्यावेळी अशक्य झालं त्यावेळीच कदाचित तुमच्या मनाने या दुःखातुन कायमची सुटका हवीय अशी तुमच्याकडे विनवणी केली असेल...
11/n
#माझंपत्र #म

आतुन संपुर्णपणे संपलेलं असताना मागे उरलेल्या भयंकर वेदना कायमच्या मिटवण्याच्या विचारांनी अहोरात्र थैमान घातले असेल ना..
हे सर्व जरी अंशतः अथवा पुर्णतः खरं असलं तरी तुमच्या या अवस्थेला कारणीभूत असणाऱ्यांना रत्तीभर फरक पडत नाही, ना पडला, ना ही नंतर पडेल.
12/n
#माझंपत्र

हे स्वार्थी त्याचं आयुष्य कोणताही पश्चाताप न करता मजेत अगदी आनंदाने जगत असतात... फरक पडणाऱ्यांचंच जीवन उद्ध्वस्त होत असतं.
गळ्याभोवती येणारे हात शेवटी सगळं संपल्यावर मात्र मदतीसाठी पुढे येण्याचा अभिनय करतातच ना...
13/n
#माझंपत्र #म

शेवटी मात्र एकमेकांसमोर येऊन पण कधी दोन शब्द न बोलणारे मित्रमैत्रिणींसोबत बोलत रहा असे अनेक उपदेशाचे डोस पाजताना दिसले... इतरांना तत्वज्ञान सांगणे आणि स्वतः त्या जागी असताना ती भुमिका साकारणं अत्यंत कठीण असतं याची कल्पना आहे..
14/n
#माझंपत्र

जगासाठी ती एका क्षणाची बातमी होती पण तुमच्यासाठी एका असह्य पर्वाचा अंत असेल ना.. जगाच्या गोंगाटात 'मला मोकळं व्हायचं आहे' या अबोल आवाजाने तुमच्या कानठळ्या बसवल्या असतील कदाचित..
15/n
#माझंपत्र #म

जगाच्या रंगमंचावर तुम्ही जीवन जगण्याची प्रेरणा दिली तशीच स्वतःलाही अनेकदा हिंमत दिली असेलच ना पण कदाचित क्षणाक्षणाला होणाऱ्या मरणयातनांतुन तुम्ही एकदाचं मोकळं होणं निवडलं असेल जगाला अपरिचित असलेलं आतीव दुःख कायमचं संपवण्यासाठीच....
16/n
#माझंपत्र #म

आत्महत्येचं समर्थन नाही पण Hate, दोष, तिरस्कार, द्वेष यांचा लवलेशही माझ्या मनात नाही. कदाचित मनाची ती अवस्था चांगल्या प्रकारे समजु शकते.
म्हणतात ना जावे त्याच्या वंशा तेव्हा कळे.....
तुम्ही ते 'मानव' आहात जे रसिकांच्या मनात एक अतुट 'पवित्र रिश्ता' च्या रूपाने सदैव रहाल...
17/n

जगाने 'का?' हा प्रश्न विचारला.
शेवटी मी एक विचारू????

आज खरंच मोकळे झालात का तुम्ही???
सुटका झालीय का तुमची त्या अवर्णनीय आतीव दुःखातुन???
सुटकेचा श्वास घेऊन कायमचा सुखी झालाय का "दिल बेचारा"??????
n/n
#माझंपत्र
#पूनमच्या_लेखणीतुन
@threadreaderapp Unroll