Thread by @aram_Gj

அணு உலை பாகம் - 08
1986, ஏப்ரல் 25ம் தேதி செர்நோபில் அணு உலையில் திட்டமிடப்பட்ட ஸ்டீம்-டர்பைன் டெஸ்ட் என்றழைக்கப்பட்ட சோதனைக்கான திட்டம் இதுதான்:
(1) அணுஉலையை சோதனை செய்வதற்கு அதன் வடிவமைப்பாளர்களால் சிபாரிசு செய்யப்பட்ட 700லிருந்து 1000க்குள்ளான மெகாவாட் திறனில் இயக்குவது.

https://twitter.com/aram_Gj/status/1279403727993044992

2)நீராவி கொதிகலனில் அதிக நீராவியை முடுக்கி டர்பைனை அதன் முழு வேகத்தில் இயக்குவது.
3)டர்பைன் முழுவேகத்தை அடைந்த உடன் கொதிகலனிலிருந்து டர்பைனுக்கு செல்லும் நீராவியை நிறுத்துவது.
4)டர்பைன்,எஞ்சியிருக்கும் நீராவியாலும்,தனது சுய விசையாலும் எவ்வளவு நேரம் திறனுடன் சுழன்று குளிர்விக்கும்

பம்புகள் இயங்க மின்சாரம் அளிக்கிறது என்பதை பதிவு செய்வது.
5)கூடுதல் ஜெனெரேட்டர்கள் துவங்கி மின்சாரம் வழங்குவதற்குள் டர்பைனின் திறன் குறைந்தால் பாதுகாப்பிற்காக உடனே நீராவியை செலுத்தி டர்பைனை இயக்குவது.

ஏற்கனவே 1985 ஆம் ஆண்டு செய்துபார்த்த அதே சோதனைதான் இது. ஆனால் இம்முறை கொஞ்சம்

தொழில்நுட்ப ரீதியாக சில மாறுதல்கள் மட்டும் செய்திருந்தார்கள்.இதனை செய்து பார்க்கும் பொறுப்பு பகல் நேர தலைமை பொறியாளரிடம் வழங்கப்பட்டிருந்தது.ஆனால் கீவ் தேசிய மின்பகிர்மான மையம் அணுஉலையின் மின் உற்பத்தியை பகல் நேரத்தில் குறைக்க அனுமதிக்காததால் இரவு நேரத்திற்கு தள்ளி வைக்கப்பட்டது.

எனவே சோதனை செய்து பார்க்க வேண்டிய பொறுப்பு,துணை தலைமை பொறியாளரும் இரவு நேர பொறுப்பாளருமான அனடோலி ஸ்டெபொனோவிச் இடம் வந்து சேர்ந்தது.அன்டோலி முன்னர் செய்த அதே செய்முறைகளை செய்து பார்க்க விரும்பாமல் திட்டத்தில் மேலு சில மாறுதல்களை செய்து பார்க்க முடிவெடுத்தார்.இரவு நேர பணியாளர்களின்

பொறுப்பாளர் போர்மேன் அலெக்ஸாண்டர் இந்த சோதனைகளை செய்யுமளவு இரவு நேர பணியாளர்கள் அனுபவமற்றவர்கள் என மறுத்ததும், இதை இப்பொழுதே செய்யாவிட்டால் அலெக்ஸாண்டரை வேலையை விட்டு நிறுத்தி விட்டு உடனடியாக வேறு ஒருவர் மூலம் சோதனை பணிகள் நிற்காமல் நடக்கும் என்றும் மிரட்டினார். அலெக்ஸாண்டரின்

அச்சம் இதர பணியாளர்களை எந்த சிக்கலும் இன்றி காப்பதாக இருந்தது.எனவே வேறுவழியின்றி ஒப்புக்கொண்டார்.

செர்நோபில் 4ம் எண் அணுஉலையின் ரியாக்டர் (அணுஉலை) 47.6அடி விட்டமும் 32அடி ஆழமும்,16mm கனமுள்ள ஸ்டீலால் ஆன உருளை ஆகும். இதனுள் 1661 பியூல் ராடுகளும் 211 கண்ட்ரோல் ராடுகளும் இருக்கும்.

எல்லா ராடுகளும் சேர்த்து 1,90,516 கிலோ எடை இருக்கும். இவற்றின் நடுவே ஸ்டெயின்லெஸ் ஸ்டீலால் ஆன நீராவி குழாய்கள் பொருத்தப்பட்டிருக்கும்.

மொத்தமுள்ள 211 கண்ட்ரோல் ராடுகளில் 12 மட்டும் தானியங்கி வகை. இவற்றை ரியாக்டரிலிருந்து 300மீட்டர் தொலைவில் அமைந்துள்ள கட்டுப்பாட்டு அறையிலிருந்து

ஏற்றவும் இறக்கவும் முடியும். மற்றற்றை பணியாளர்தான் ஏற்றி இறக்க வேண்டும்.உலை பாதுகாப்பாக செயல்பட குறைந்தபட்சம் 28கண்ட்ரோல் ராடுகள் முழுவதும் செருகப்பட்டே இருக்க வேண்டும்.ஏதெனும் அவசரநிலை ஏற்பட்டால் எல்லா கண்ட்ரோல் ராடுகளையும் ஒரு தானியங்கி சாதனம் மூலம் ரியாக்டரின் அடிவரை முழுவதும்

உள்ளே செருகிவிட முடியும். அந்த தானியங்கி சாதனத்தை இயக்க "AZ-5" என குறிக்கப்பட்ட சுவிட்ச் கட்டுப்பாட்டு அறையில் இருக்கும்.

அணு உலை சீராக செயல்படும்போது 300 டிகிரி வெப்பத்தை உற்பத்தி செய்யும். இதனோடு மிக நெருக்கமாக இணைக்கப்பட்டுள்ள நீராவி குழாய்களில் உள்ள நீர் இதே வெப்பத்தில் மிக

அழுத்தத்துடன் நீராவி கொதிகலனை சென்றடையும். அங்கே நீராவி பிரிக்கப்பட்டு டர்பைனுக்கு சென்றுவிடும்.மிக அதிக அழுத்தத்தில் (1000PSI ) உள்ள நீர் குளிர்விக்கும் கோபுரங்கள் மூலம் சிறிதளவு குளிர்விக்கப்பட்டு 265 டிகிரி வெப்பத்தில் ரியாக்டரின் அடிப்பகுதி வழியே உட்புகும். கடும் வெப்பத்தில்

இருக்கும் நீரை அதிக அழுத்தத்துடன் உலைக்குள் செலுத்த 690 கிலோவாட் திறனுள்ள 8மிகப்பெரிய பம்புகள் இருக்கும்.

நேரம்: 23:04
கீவ் தேசிய மின்பகிர்மான மையத்திலிருந்து செர்நோபிலில் மின் உற்பத்தியை குறைத்துக்கொள்ள அனுமதி வழங்கப்பட்டது. 4000மெகாவாட் மின்சாரம் தயாரித்துக்கொண்டிருந்த அணுஉலை

படிப்படியாக உற்பத்தியை குறைத்தது.

நேரம்: 00:05 ஏப்ரல் 26
அணு உலையின் உற்பத்தி திறன் 700 மெகாவாட் ஆக குறைக்கப்பட்டது.
ஆனால் அனடோலியின் புதிய மாறுதல்களின் படி 200 மெகாவாட்டாக குறைக்க உத்தரவிட்டார்.

நேரம்: 00:35 மணி
அணு உலையின் வெப்பத்திறன் 500 மெகாவாட் ஆக குறைக்கப்பட்டது. உலையின்

பாதுகாப்பு அலாரம் அலற தொடங்கியது. அனடோலி அவற்றை செயலிழக்க வைக்க கட்டளையிட்டார். இது ஏனைய பணியாளர்களை அச்சம் கொள்ள செய்தது. இதன் பின்னால் உலையின் உற்பத்தித்திறன் வேகமாக சரிய தொடங்கியது.

நேரம்: 00:38
உலையின் உற்பத்தித்திறன் குறைந்தாலும் உலையின் உள்ளே வெப்பம் அதிகரித்துக்கொண்டுதான்

இருந்தது. ஏனெனில் உள் செலுத்தப்படும் நீரின் அளவு மிகவும் குறைவாக இருந்தது. ஆனால் இதை தவறாக புரிந்து கொண்டு உலையின் வெப்ப உற்பத்தியை குறைக்க அணுப்பிளவு நிகழ்வை மேலும் குறைக்க நினைத்து கண்ட்ரோல் ராடுகள் அனைத்தையும் முழுமையாக உலையின் அடி வரை செலுத்தினார்கள்.இதனால் உலையின்

உற்பத்தித்திறன் 30 மெகாவாட்டாக குறைந்தது. ஆனால் வெப்பம் குறையவில்லை.மாறாக கூடியது.

நேரம்: 00:42
உலையை 200 மெகாவாட்டில் செயல்படுத்தவே அனடோலி விரும்பினார். எனவே மீண்டும் கண்ட்ரோல் ராடுகளை உயர்த்த சொன்னார்.

நேரம்: 01:05
கண்ட்ரோல் ராடுகள் உயர்த்தப்பட்டன.
ஆனால் உலையின் உற்பத்தி

மெதுவாகவே 200மெகாவாட்டை தொட்டது. இப்போது உலையில் போதுமான நீர் இல்லை என்று அலாரம் ஒலித்தது. எனவே நீரை திறந்து விடும்படி அனடோலி கட்டளையிட்டார்.

நேரம்: 01:19
உலையில் தேவையை விட அதிக அளவு நீர் நிரம்பிவிட்டது. இதனால் கொதிக்கலனில் நீராவியின் அளவு குறைந்துப்போனதால் அழுத்தம் குறைந்தது.

உலை சீராக இயங்க இதன் அழுத்தம் 1000 PSI இருக்க வேண்டும்.

நேரம்: 01:21
இனி பம்புகளையும், டர்பைனுக்கு செல்லும் நீராவியையும் நிறுத்திவிட்டு டர்பைனில் எஞ்சியிருக்கும் நீராவியை கொண்டு டர்பைன் எவ்வளவு மின்சாரம் தயாரிக்கிறது என சோதிக்க வேண்டும். எனவே அனடோலி பம்புகளை நிறுத்தச்சொன்னார்.

அதே நேரம் உலையின் வெப்ப உற்பத்தியை அதிகரிக்க அவசரமாக எல்லா கண்ட்ரோல் ராடுகளை மேலே தூக்கினார்கள்.

நேரம்: 01:23
தவறுதலாக குறைந்தபட்சம் இருக்க வேண்டிய ராடுகளையும் உயரத்திவிட்டார்கள். இப்பொழுது தானாக இயங்க கூடிய வெறும் 12 கண்ட்ரோல் ராடுகளுடன் உலை இயங்கியது.

டர்பைன்களுக்கு

செல்லவேண்டிய நீராவி நிறுத்தப்பட்டது. இதிலிருந்து நாற்பது வினாடிகளில் கூடுதல் ஜெனெரேட்டர்கள் இயங்கி பம்ப் நின்றுவிடாமல் இயக்க வேண்டும் என்பதே சோதனையின் எதிர்பார்ப்பு.

நீராவி நிறுத்தப்பட்ட டர்பைன் அதன் உள்ளுக்குள் எஞ்சி இருக்கும் நீராவியின் அழுத்தத்தால் சிறிது நேரம் ஓடி நிற்கும்.

கூடுதல் ஜெனெரேட்டர்கள் துவங்கி பம்ப் இயங்கும் வரை டர்பைனின் தற்காலிக உற்பத்தி நீடிக்கிறதா என பார்க்கப் போகிறார்கள்.

நேரம்: 01:23:40
உலையில் வெப்பம் வேகமாக அதிகரித்து 600 டிகிரியை தாண்டி சென்றுகொண்டிருந்தது. எல்லா பாதுகாப்பது அலாரமும் அலற தொடங்கின. உடனே அணுப்பிளவு நிகழ்வை நிறுத்த

எல்லா கண்ட்ரோல் ராடுகளையும் கீழிறக்க வேண்டும். பணியாளர்கள் மூலம் இதனை செய்ய அவகாசம் இல்லை. எனவே போர்மேன் அலெக்ஸாண்டர் அகிமோவ் அவசர நிலை சுவிட்ச்சாகிய AZ-5 ஐ இயக்கினார்.

நிலைமை அவர்கள் எதிர்பார்த்தது போல் இல்லை.உலையின் உள் வெப்பம் 600டிகிரியை தாண்டி விட்டதால் கிராஃபைட் மாடரேட்டர்

உருகிவிட்டது. இதனால் 7மீட்டர்கள் இறங்க வேண்டிய கண்ட்ரோல் ராடுகள் வெறும் 2.25 மீட்டர் ஆழத்திலேயே சிக்கிக்கொண்டன. இதனால் வெப்பம் அதிகரிப்பதை தடுக்க முடியவில்லை. ஆனால் 300 மீட்டர் தூரத்தில் உள்ள கட்டுப்பாட்டு அறையில் உள்ள பணியாளர்களுக்கு கண்ட்ரோல் ராடு இறங்கவில்லை என்பதே தெரியாது.

ஆனால் ஏன் வெப்பம் உயர்ந்துகொண்டே வருகிறது என குழப்பத்துடன் பார்த்து வந்தனர். ரியாக்டர் மிகவும் அதிர்வதாக கண்ட்ரோல் ராடுகளை இயக்கும் இளம் பொறியாளர் டாப்டுநோவ், ரியாக்டர் அருகிலிருந்து தொலைபேசி மூலம் போர்மேன் அலெக்ஸாண்டரிடம் தெரிவித்தார்.
உலையின் வெப்பம் 2000 டிகிரியை தொட்டது.

- இன்னும் விவரம் வரும்