Thread by @Peer_Kamil_

1/ مدینہ کا محافظ
فخرالدین پاشا
یقینا آپ اس نام کو پہلی بار سن رہے ہیں۔
یہ خلافت عثمانیہ کا وہ بہادر جرنیل تھا جو تن تنہا عرب باغیوں اور برطانیہ اور اسکی اتحادی افواج سے 72 دن تک لڑتا رہا، اور بعد میں برطانیہ نے اسکی بہادری اور دلیری سے متاثر ہوکر Tiger of the desert یعنی

2/ "صحرائی چیتا" کا خطاب دیا تھا۔ تاریخ اسے "مدینہ کا محافظ" کے نام سے یاد کرتی ہے۔

وہ  خلافت عثمانیہ کا ایک بہادر جرنیل تھا لیکن جس چیز نے اسکی شخصیت اجاگر کی، وہ تھا اسکا حضور صلی اللہ علیہ وآلہ وسلم سے تعلق اور عشق.

پہلی جنگ عظیم کے دوران برطانیہ تقریبا ہر جگہ سلطنت

3/ عثمانیہ کے ہاتھوں شکست پہ شکست کھاتا جا رہاتھا تو اسے ایک چال سوجھی. اس نے شریف مکہ حسین بن علی جو کہ حجاز کا گورنر تھا اپنے ساتھ اس لالچ پے ملا لیا کہ جنگ کے اِختتام پر اسے مسلمانوں کا خلیفہ بنایا جائے گا۔

شریف مکہ نے خلافت عثمانیہ کے خلاف بغاوت کردی اور مکہ اور جدہ پر

4/ قبضہ کر لیا۔ اسکے بعد وہ مدینہ کے طرف بڑھا۔ اسکے ساتھ انگریز اور فرانسیسی فوجیں بھی تھے اور لارنس آف عریبیہ نامی بدنام زمانہ جاسوس بھی تھا۔

انہوں نے 1916 کو مدینہ کا محاصرہ کر لیا، یہ محاصرہ 1919 تک جاری رہا کیونکہ انکو یہاں کے عثمانی مجاہدوں کی طرف سے سخت مزاہمت کا سامنا

5/ پڑ رہا تھا۔ اس وقت مدینہ شہر کا دفاع ایک عثمانی سپہ سالار "فخری پاشا" یا "عمر فخرالدین پاشا" کے زیر نگرانی تھا۔

یہ شخص انتہائی دلیر اور صاحب ایمان تھا۔ مدینہ منورہ کے باسی اسکی بہادری اور حسن انتظام پر اسے بہت پسند کرتے تھے۔ عربوں کی غداری کی وجہ سے عثمانیہ کو شدید دھچکا

6/ لگا اور برطانیہ اور اسکی اتحادی بڑی تیزی سے عثمانیہ کے علاقوں کو اپنی قبضے میں لیتے جا رہے تھے۔

عثمانیہ کے اتحادی، بلغاریہ کے ہتھیار ڈالنے پر جرمنی نے بھی ہتھیار ڈالے اور اسی وجہ سے بالاخر سلطنت عثمانیہ کو بھی برطانیہ اور اتحادی کے سامنے ہتھیار ڈالنے پڑے. اس وقت شریف مکہ

7/ اور ان کے بیٹے علی، فیصل اور عبداللہ اس خیال میں تھے کہ اب فخرالدین بھی ہتھیار ڈال دیگا اور مدینہ اسکے ہاتھ آجائے گا لیکن فخرالدین نے ہتھیار نہیں ڈالے اور برابر لڑتا رہا۔

مدینہ شہر کو سامان رسد پہنچانے والے ٹرین کو انگریز ناکارہ کر چکے تھے اور اسی طرح فخرالدین کو باہر سے

8/ کوئی امداد نہیں پہنچ رہی تھی۔ محاصرے کے دوران مدینہ پر 130 بار حملہ کیا گیا اور 30 اپریل 1918 کو مدینہ کی مقدس سر زمین پر 300 بم برسائے گئے۔

کھانے پینے کے چیزیں ختم ہو چکی تھی اور فخرالدین اور اسکی فوج ٹڈے کھاتے رہے، لیکن ہتھیار نہیں ڈال رہے تھے۔ اسلئے کہ اسکو خواب میں

9/ حضور اکرم صلی اللہ علیہ وآلہ وسلم نے حکم دیا تھا کہ ہتھیار نہیں ڈالنا۔

ایک ترک مصنف لکھتا ہے:
"ایک مرتبہ 1918 میں جمعہ کے دن فخرالدین پاشا مسجد نبوی میں نماز کے دوران خطبہ دینے منبر کی سیڑھیوں پر چڑھنے لگا تو آدھے ہی راستے میں رک گیا اور اپنا چہرہ حضور صلی اللہ علیہ وآلہ

10/ وسلم کے روزے مبارک کی طرف کرتے ہوئے کہنے لگا
'اے اللّٰه کے رسول صلی اللہ علیہ وآلہ وسلم! میں آپ صلی اللہ علیہ وآلہ وسلم کو کبھی نہیں چھوڑوں گا'
اس کے بعد اس نے نمازیوں اور مجاھدین سے ولولہ انگیز خطاب کیا:
'مسلمانو! میں تم سے حضور صلی اللہ علیہ وآلہ وسلم کا نام لے کر جہاد

11/ کی اپیل کرتا ہوں جو اس وقت میرے گواہ بھی ہے، میں تمہیں یہ حکم دیتا ہوں کہ دشمن کی طاقت کی پرواہ نہ کرتے ہوئے ان(حضور صلی اللہ علیہ وآلہ وسلم) کا اور آپ صلی اللہ علیہ وآلہ وسلم کے شہر کا آخری گولی تک دفاع کرو. اللّٰہ ہمارا حامی وناصر ہو اور حضور صلی اللہ علیہ وآلہ وسلم کی

12/ برکت ہمارے ساتھ ہو۔
ترک افواج کے بہادر آفیسرو! اے چھوٹے محمدیو! آگے بڑھو اور میرے ساتھ مل کر اللّٰہ اور اسکے رسول صلی اللہ علیہ وآلہ وسلم کے سامنے وعدہ کرو کہ ہم اپنے ایمان کی حفاظت اپنی زندگیاں لٹا کر کریں گے۔'

اس کے بعد فخری پاشا نے کہا کہ اسے خواب میں حضور اکرم صلی

13/ اللہ علیہ وآلہ وسلم  نے حکم دیا تھا کہ وہ ابھی ہتھیار نہ ڈالے۔"

آگست 1918 میں جب اسے شریف مکہ کی طرف سے پیغام ایا کہ ہتھیار ڈال دو تو اس نے ان الفاظ میں جواب دیا
'فخری پاشا کی طرف سے، جو عثمانی افواج کا سپہ سالار اور سب سے مقدس شہر مدینہ کا محافظ اور حضور صلی اللہ علیہ

14/ وآلہ وسلم کا ادنی غلام ہے۔ اس اللّٰہ کے نام سے جو ہر جگہ موجود ہے۔ کیا میں اس کے سامنے ہتھیار ڈالوں جس نے اسلام کی طاقت کو توڑا، مسلمانوں کے درمیان خونریزی کی اور امیرالمومنین کی خلافت پر خطرے کا سوالیہ نشان ڈالا اور خود کو انگریز کے ماتحت کیا۔ جمعرات کی شب، میں نے خواب

15/ میں دیکھا کہ میں تھکا ہوا پیدل چل رہا تھا اس خیال میں کہ کس طرح مدینہ کا دفاع کیا جائے اچانک میں نے ایک جگہ پر خود کو نامعلوم آفراد کے درمیان پایا جو کہ کام کررہے تھے. پھر ان میں سے میں ایک بزرگ شخصیت کو دیکھا وہ حضور اکرم صلی اللہ علیہ وآلہ وسلم تھے. ان پر اللّٰہ کی رحمت

16/ ہو. انہوں نے اپنا بایاں ہاتھ میری پیٹھ پر رکھا اور مجھ سے تحفظ کا احساس دلانے والے انداز میں کہا
'میرے ساتھ چلو'
میں ان کے ساتھ تین چار قدموں تک چلا اور پھر بیدار ہو گیا. میں فورا مسجد نبوی گیا اور (انکے روضے کے قریب) اپنے رب کے حضور سجدے میں گر پڑا اور اللّٰہ کا شکر ادا

17/ کیا. اب میں حضور صلی اللہ علیہ وآلہ وسلم کی پناہ میں ہوں جو میرے سپہ سالار اعلی ہیں. میں مدینہ کی عمارتوں سڑکوں اور اس کی حدود کے دفاع میں دل و جان سے مصروف ہوں. اب مجھے ان بیکار پیش کشوں سے تنگ نہ کرو'.

30اکتوبر 1918 کو سلطنت عثمانیہ نے ہتھیار ڈال دیئے اور وزیر جنگ نے

18/ فخری پاشا کو پیغام بھیجا کہ ہم نے معاہدہ کر کے ہتھیار ڈال دیئے ہے اب تم بھی ہتھیار ڈال دو لیکن فخری پاشا نہ مانے اور اپنی تلوار حوالہ کرنے سے انکار کیا۔ اس پر عثمانیہ نے اسے عہدے سے برطرف کردیا لیکن اسکے باوجود بھی وہ ڈٹے رہے اور اسی طرح لڑتے رہے۔

اسی طرح جنگ ختم ہونے کے

19/ باوجود یہ صحرائی چیتا، یہ عاشق رسول صلی اللہ علیہ وآلہ وسلم 72 دن تک اکیلے عرب باغیوں کے ساتھ ساتھ برطانیہ اور اسکے اتحادیوں سے لڑتا رہا اور اپنے چھوٹے سے دستے سے مدینہ کی حفاظت کرتا رہا۔ آخر کار اسکے اپنے ہی ساتھیوں نے  تنگ آکر خود اسکو پکڑ کر دشمنوں کے حوالے کر دیا.

یوں

20/ 2 فروری 1919 کو شریف مکہ کے بیٹے علی اور عبداللہ شہر مدینہ میں داخل ہوئے اور 12 دن تک شہر نبی صلی اللہ علیہ وآلہ وسلم میں لوٹ مار کرتے رہے۔ 4850 گھروں کو، جنھیں فخرالدین نے تالے لگوائے تھے، انھیں توڑ کر لوٹ لیا گیا۔

فخرالدیں نے 2 سال مالٹا میں قید میں گزارے۔ 1921 کو رہائی

21/ ملنے کے بعد دوبارہ ترکی افواج میں شامل ہوئے اور یونان اور فرانسیسیوں کے خلاف جنگیں لڑی.

اسکے بعد وہ افغانستان میں ترکی کے سفیر رہے۔ 22 نومبر 1948 کو دل کا دورہ پڑا اور اپنے خالق حقیقی سے جا ملے۔ اس کی خواہش کے مطابق اسے استنبول میں دفن کیاگیا۔
#پیرکامل #تعمیرکردار
#قلمکار