Thread by @MarathaOrg

अपेक्षे प्रमाणे वाद वाढला आणि प्रसिद्धी मिळाल्यावर अग्रीमा जोशुआने माफी मागितली आहे.
अर्थात छत्रपती शिवरायांबद्दल आक्षेपार्ह भाषा किंवा विधान करणारी ही एकच व्यक्ती नाही. साधारण वर्षे दीडवर्ष पूर्वी कुणीतरी सौरव घोषने हे केलंच होतं. (१/९)

#अग्रिमा_जोशुआ #शिवाजीमहाराज

आणि मी निर्लज्ज पणे हे सांगतोय की हे भविष्यात सुद्धा होणारच आहे.
का? कारण असं काही विधान केलं की एक समुदाय आपल्यावर चिडणार आणि अत्यंत जहाल टीका होणार.
परिणाम असा की थोडा सहिष्णू गट मग या पातळीवरची टीका चुकीची आहे अशी सहानुभूतीची भूमिका घेणार. (२/९)

#AgrimaJoshua #ShivajiMaharaj

त्यातून जर स्त्री असेल तर मग तिच्यावर होणारी टीका ही तिच्या इंद्रियांशी जोडली जाणार आणि मग गुन्हा केलेली व्यक्तीच त्याचा उलट फायदा घेणार.
दुसरं असं की माफी मागितल्या नंतर हे सगळे गुन्हे लख्ख धुऊन निघतात. म्हणजे प्रसिद्धी मिळाली, सहानुभूती मिळाली आणि शिवाय गुन्हा माफ.. (३/९)

आता त्या जोरावर यांच्या कार्यक्रमांचे दर चौपट..

बरं हे मुंबई पुण्यासारख्या महानगरात का होतं?
तर इथली स्थानिक मराठी माणसाची खरेदी करण्याची क्षमता कमी आहे. तुम्ही म्हणाल "काय संबंध??"
या सर्व इंग्रजी/हिंदी स्टँड अप कॉमेडी शो होणाऱ्या ठिकाणी मराठी माणसे किती असतात? (४/९)

मग जर मराठी माणूस तिथे जातच नाही तर त्याची संस्कृती, त्याची आदरस्थाने यांच्या विषयी काहीही बोललं तरी मला कोण विचारणार??
मूळ मुद्दा इथं आहे की मुंबई महाराष्ट्रात राहूनही यांना इथली संस्कृती, इथली भाषा, इथल्या आदरणीय व्यक्ती यांच्याबद्दल आदर कधी वाटलाच नाही (५/९)

आणि तो तुम्ही आम्ही कधीच जाणवू दिला नाही. उलट तसं करण्या ऐवजी मराठी माणूस भंपक सहिष्णुता आणि सर्वसमावेशकपणा दाखवतो. ही आपली सर्वात मोठी चूक आहे. आपल्या राज्याची धर्मशाळा बनवण्यास इतर कुणी जबाबदार नसून आपणच जबाबदार आहोत. (६/९)

ज्या पहिल्या व्यक्तीने ही चूक केली होती, तिला आयुष्यभर महाराष्ट्रात प्रवेश बंदी, महाराष्ट्रात कुठेही नोकरी, व्यवसाय न करण्याची शिक्षा झाली असती, ज्या ठिकाणी असा कार्यक्रम झाला त्याचा परवाना तात्काळ बरखास्त झाला असता, तर पुढच्या कुणी हे पाऊल उचलले असतं का? (७/९)

अजूनही मला वाटतं की अशा वृत्तीच्या पोटावरच मारलं पाहिजे. यांची आणि फक्त यांचीच नाही तर संबंधित सर्वांचीच आर्थिक मुस्कटदाबी करण्याशिवाय काहीही बदल होणार नाही.
म्हणूनच मराठी माणसाने एकजुटीने पोलीस आणि प्रशासनावर दबाव आणून कडक कारवाईची मागणी करायला हवी. (८/९)

पण त्याऐवजी तुम्ही जर फक्त निषेध म्हणून तुमच्या फेसबूकच्या भिंती रंगवत राहिलात तर त्यातून फक्त झुक्याचा धंदा होणार आहे.

गटारीत लोळणाऱ्यांना वर काढायला गेलं की आपलेच कपडे घाण होतात आणि गटारीत लोळणाऱ्यांना मात्र फुकटचा आनंद मिळतो. (९/९)

- चंदन तहसीलदार