Thread by @aram_Gj

அணு உலை பாகம் - 09
ரியாக்டர் எண் 4ன் கட்டுப்பாட்டு அறையில் உள்ள பணியாளர்களுக்கு என்ன நடக்கிறது என கணிக்க அவகாசம் ஏதும் கிடைக்கவில்லை. கண்ட்ரோல் ரோடுகள் வினாடிக்கு 15 இன்ச் வீதம் மொத்தமுள்ள 7 மீட்டர் ஆழம் இறங்க 18sec ஆகும். போர்மேன் அலெக்ஸாண்டர் அகிமோவ் கண்ட்ரோல் ராடுகள் இறங்கும்

https://twitter.com/aram_Gj/status/1282348366324813824

வேகம் போதவில்லை என கருதி, அவற்றை இயக்கும் கிளட்ச்சுக்கான மின்சாரத்தை துண்டித்தார். இப்படி செய்தால் ராடுகள் வடிவமைக்கப்பட்ட வேகத்தில் அல்லாமல் தனது சுய எடையால் வெகு வேகமாக ஒரே நொடியில் கீழிறங்கும். ஆனால் ராடுகள் அசையவில்லை. மாறாக ரியாக்டரிலிருந்து வினோதமான
உருட்டும் ஒலிகள் வந்தன.

வினாடிக்கு வினாடி உலையினுள் ஆற்றல் வெளிப்பாடு இருமடங்காக அதிகரித்துக்கொண்டே சென்றது. 1000MW மின் உற்பத்தி திறன் கொண்ட அந்த உலையின் திறன் வெளிப்பாடு,அதனை காட்டும் கருவி கடைசியாக காட்டிய அளவு: 3300MW
நேரம்:01:24:00
அணு உலையின் அடிப்பகுதியிலிருந்து வெப்பம் அதிக அளவில் உருவானதாலும்

உலைக்குள் அளவுக்கு மீறிய நீர் இருந்ததாலும், உருவான நீராவி வெளியேற வழியின்றி 5600 டன் தாங்கு திறனுடைய வால்வு அடைக்கப்பட்டிருந்ததாலும் உலையினுள் உள்ள நீராவி குழாய்கள் வெடித்தன.

உலையின் வெப்பம் 2000 டிகிரி செல்ஸியஸை தாண்டி விட்டதால் ஏராளமான வலிமையான போல்ட்டு நட்டுகளால் இணைக்கப்பட்ட

உயிரியல் கவசமாகிய 2000டன் மேல்மூடியை பிய்ப்பது நீராவிக்கு சிரமமாக இல்லை.பெரிய சப்தம் மற்றும் கடும் அதிர்வுடன் மேல்மூடியை இரண்டாக உடைத்து மேல்நோக்கி எறிந்தது.உடைந்த மேல்மூடி 60அடி உயரத்தில் இருந்த,500டன் எடை கொண்ட ஸ்டீலால் ன உத்திரங்களை கொண்ட மேற்கூரையை கிழித்து சில நூறு அடி உயரம்

வரை சென்று மீண்டும் உலையின் மீதே வந்து விழுந்தது.

நேரம்: 01:24:04
உயிரியல் கவசம் தூக்கி எறியப்பட்ட உடன் வெளிக்காற்று ரியாக்டரினுள் புகவும் 2100 டிகிரி செல்சியல் வெப்பத்தில் இருந்த உலை தீப்பிடித்தது. உலையின் அடியில் இருந்த அணு பிளவு கழிவுகளில் ஒன்றாகிய ஸெனான் 135 (Xenon 135)

தீப்பற்றியதால், செந்நிறத்தில் மிக உயரமான தீப்பிழம்புடன்,முதல் வெடிப்பிற்கு 4 வினாடி இடைவெளியில் மீண்டும் அணு உலை பெரிய சப்தத்துடன் வெடித்தது.வெடித்த நொடியில் தீப்பிழம்பு ஒரு கிலோமீட்டர் உயரம் வரை சீறிச் சென்றது. இதை பிரிப்யாட் நகரத்தில் இருந்த பலர் தெளிவாக பார்த்துள்ளனர். உருகிய

நிலையில் கிராஃபைட் மாடரேட்டர்களை எரிமலை எரிகுழம்பை கக்குவது போல,கொழுந்து விட்டெரியும் தீ அள்ளி நாலாபுறமும் எறிந்தது.அவற்றில் பல எரியும் துண்டுகள் அருகில் இயங்கி வந்த ரியாக்டர் எண் 3ன் மீதும் விழுந்தது.ஆனால் அதனுள் வேலை செய்தவர்கள் அவற்றை பெரிதுபடுத்தாமல் தங்கள் பணியை தொடர்ந்தனர்.

மேல்மூடியும் கிராஃபைட் மாடரேட்டரும் இல்லாத நிலையில் பியூல் ராடுகளில் கட்டுப்படுத்த முடியாத தொடர்வினையாக அணுப்பிளவு நிகழ தொடங்கி கடும் வெப்பம் உருவாகி பியூல் ராடுகள் உருக தொடங்கின.
மிகப்பெரிய கட்டுப்படுத்த முடியாத அணுப்பிளவு+ ஸெனான் 135ன் தீ பிழம்பு+ எரியும் கிராஃபைட் இவையெல்லாம்

சேர்ந்து தொடர்ந்து மிகப்பெரிய தீ எரிந்து கொண்டே இருந்தது.பியூல் ராடுகளின் கனமான மேலோடாகிய சிர்கோனியம் என்கிற அலோகம் எரிந்து ஏராளமான ஹைட்ரஜன் & கார்பன் மோனாக்சைடு வாயுக்களை வெளியேற்றியது.நீராவி குழாய்கள் சிதறிப்போனதால் கொதிக்கும் நீர் உலையில் கொட்டி அதுவும் நீராவியாகி வெளியேறியது.

இவற்றின் விளைவாக அயோடின்131, சீசியம்134, சீசியம்137 போன்ற கடுமையான கதிரியக்க துகள்களை மிக வலிமையுடன் வெளிக்காற்றில் வீசியது.மணிக்கு 5சீவேர்ட்ஸ் கதிரியக்கம் ஒரு மனிதனை 4 மணி நேரத்தில் கொன்றுவிடும்.ஆனால் இந்த வெடிப்பின் போது வெளிப்பட்ட கதிரியக்கத்தின் வீரியம் மணிக்கு 300 சீவேர்ட்ஸ்

என்கிற அளவில் இருந்தது. ஒரு மனிதன் ஒரு வருடத்தில் தாங்க கூடிய கதிரியக்க அளவை விட இது ஆறரை கோடி மடங்கு அதிகம். ஒப்பீட்டளவில் இது ஹிரோஷிமா நகரின் மீது வீசப்பட்ட அணுகுண்டு வெளிப்படுத்திய கதிரியக்கத்தை விட பத்து மடங்கு அதிகம்.

கட்டுப்பாட்டு அறையில் மின்சாரம் நின்றது. பேட்டரி மூலம்

இயங்கும் அவசரகால விளக்குகள் மட்டும் எரிந்தன.போதுமான கதிரியக்க பாதுகாப்பு செய்யப்பட்டிருந்ததால், அவற்றையும் மீறி பரவி வந்த 30மில்லி சீவேர்ட் கதிரியக்கத்தை கட்டுப்பாட்டு அறையில் உள்ள பணியாளர்கள் யாரும் உணரவில்லை.அவர்கள் அனைவரும் நீராவி கொதிகலன் வெடித்து விட்டதாக நினைத்தனர்.போர்மேன்

அலெக்ஸாண்டர் மட்டும் ரியாக்டர் வெடித்து விட்டதை உணர்ந்திருந்தார்.ஏனெனில் 5600டன் அழுத்தத்தை தாங்க கூடிய நீராவி கொதிகலனை விட உலையினுள் இருக்கும் நீராவி குழாய்கள் இலகுவானவை. ஆனால் உயிரியல் கவசம் உடைந்து மேல்நோக்கி தூக்கி வீசப்பட்டிருக்கும் என அவர் நினைத்திருக்கவில்லை. மிக உயரிய

வெப்பத்தினால் நீராவி குழாய்கள் வெடித்து உலையினுள் ஹைட்ரஜன் உருவாகி,அதனால் தீ விபத்து ஏற்பட்டிருக்கும் என நினைத்தார்.ஏதோ காரணத்தினால் உலையை குளிர்விக்கும் சாதாரண நீர் வரும் வழியில் உள்ள வால்வுகள் அடைபட்டிருக்கலாம் என கணித்தார்.
உலையின் நீர் சுழற்சி பம்புகளை இயக்கும் ஆபரேட்டர் மீது

உலையிலிருந்து சிதறிய உலோக குழம்பு கொட்டியதில் வெடிப்பு நடந்த நொடியே இறந்து போனார். அவரது உடல் இறுதிவரை கிடைக்கவில்லை. ரியாக்டர் பகுதியின் போர்மேன் பெரிவோஷிங்கோ கட்டுப்பாட்டு அறைக்கு ஓடி வந்து மேற்கூரை இடிந்து விட்டதாக தெரிவித்தார். டர்பைன் ஹாலில் இருந்த பணியாளர் ஒருவர் ஓடிவந்து

தீப்பிடித்து எரிவதை தெரிவித்தார். போர்மேன் அலெசாண்டர் தனது சக பணியாளர்களுடன் டர்பைன் ஹாலுக்கு ஓடி சென்று பார்த்த போது நிலைமை மிக மோசமாக இருப்பதை உணர்ந்தார்.

நேரம்: 01:26:03
உடன் துரிதமாக அடுத்த கட்ட பணிகளுக்கு ஏற்பாடு செய்தார். தீ அபாய சங்கை உடனே ஒலிக்க செய்தார்.
மின்சாரத் துறை

உயர் அதிகாரிகளை தொலைபேசியில் அழைத்து குளிர்விக்கும் பம்புகளுக்கு மின்சாரம் அளிக்க ஏற்பாடு செய்ய சொன்னார்.நிலையத்தில் உள்ள ஹைட்ரஜன் தயாரிக்கும் மையத்திலிருந்து ஹைட்ரஜனை திறந்துவிட சொன்னார்.ஏனெனில் அதில் தீ பரவினால் மற்றுமொரு வெடிவிபத்து நிகழலாம்.மேலும் தீ அபாயம் ஏற்படும் சமயத்தில்

செய்ய வேண்டிய அனைத்து வரைமுறைகளையும் வரிசையாக செய்தார்.
சில நிமிடங்களில் தொலைபேசி இணைப்பு செயலிழந்தது.

- விவரங்கள் இன்னும் வரும்.
@monk_offi @bharath_kiddo @_VarunKannan