Thread by @aram_Gj

அணு உலை இறுதி பாகம் - 10
ரியாக்டர் ஹாலிலிருந்து பெரும் தீயும் புகையும் மேல்நோக்கியவாறு சென்று கொண்டிருந்ததால அலெக்ஸாண்டருக்கு இன்னமும் ரியாக்டரின் உண்மை நிலை தெரியவில்லை.
அவர் சில உதவியாளர்களை அழைத்து ரியாக்டர் ஹாலுக்கு அருகே வேலை செய்து கொண்டிருந்தவர்களை தேடி மீட்க அனுப்பினார்.

https://twitter.com/aram_Gj/status/1284463084422098944

உலையின் கதிரியக்கத்தை கண்காணிக்கும் பணியாளரை அழைத்து வரச்சொன்னார். அவரோ இடிபாடுகளில் சிக்கி மயக்கமுற்று கிடந்தார். அவரது முகத்தில் உள்ள தோல் முழுவதும் சிதைந்து எலும்புகள் தெரிந்தன. அவரை தூக்கும்போது உடலில் உள்ள தோல் கையோடு உரிந்து வந்தது. இருவர் சேர்ந்து அந்த மயங்கிய பணியாளரை

அம்புலன்ஸ் மூலம் பிரிப்யாட் மருத்துவமனையில் சேர்த்தனர்.

அதன் பின்னர் மேலும் சிலரை அழைத்து உலை மையத்தை குளிர்விக்கும் பம்புகளை இயக்க ஏற்பாடு செய்ய சொன்னார். அந்த பம்புகளுக்கு செல்லும் மின்சார கேபிள்கள் கிழிந்து தொங்கி தீப்பொறியை கொட்டுவதாக அவர்கள் திரும்பி வந்து சொன்னார்கள்.

டாப்டுநோவின் உதவியாளர்கள் இருவர் கட்டுப்பாட்டு அறைக்கு ஓடி சென்று தலைமை பொறியாளர் அனடோலியிடம் உலை வெடித்துவிட்டதாக சொன்னார்கள்.அவர் இவர்களை நம்பவில்லை. உலைக்கு மேலே உள்ள அவசரகால குளிர்விக்கும் உயர் அழுத்த தொட்டி வெடித்தால் தான் மேற்கூரை உடையும், உலை ஒன்றும் ஆகியிருக்காது என்றார்

மேலும் இருவரையும் கண்ட்ரோல் ராடுகளை நேரில் சென்று இறக்கச் சொன்னார். அவர்கள் இருவரும் உடைந்த வழிகளில் ஆங்காங்கே ஏறிக்குதித்து ரியாக்டர் ஹாலுக்கு அருகே உள்ள உயரமான உள்தளத்திற்கு சென்றபோது ரியாக்டரிலிருந்து நீல நிற ஒளிக்கற்றையுடன் சூழப்பட்ட வெண்ணிற தீப்பிழம்பு வெளிவருவதை பார்த்தனர்.

அங்கிருந்த கதிரியக்கத்தின் பாதிப்பால் அவர்கள் உடல் கருப்பாக மாறியது. அவர்கள் மீது தாக்கிய கதிரியக்க அளவு 2.6 சீவேர்ட்.

அவர்கள் மீண்டும் திரும்பி அனடோலியிடம் அங்கெ கண்ட்ரோல் ராடுகள் எதுவுமில்லை என்றும் எல்லாமே வீசப்பட்டுவிட்டன என்றும் சொன்னார்கள்.

நேரம் 01:28
அணு உலையிலேயே உள்ள

3 தீயணைப்பு வண்டிகளும் வந்தன.அவற்றின் தலைவர் லெப்டினன்ட் ப்ராவிக் உலையை பார்த்த உடனேயே இந்ததீயை அணைக்க தங்களின் அணியினர் மற்றும் சாதனங்கள் போதாது என முடிவெடுத்து அருகில்உள்ள பிரிப்யாட்,செர்நோபில் நகரத்திற்கும்,கீவ் தீயணைப்பு நிலையத்திற்கும் முழு சாதனங்களுடன் வரும்படி தெரிவித்தார்

தன்னுடன் மேலும் மூன்று பேரை உதவிக்கு வைத்துக்கொண்டு உலையின் எஞ்சியிருக்கும் உடையாத கூரை மேலே தீயணைப்பு ஏணி மூலம் ஏறி உலையின் மீது தண்ணீர் ஊற்றினார்கள்.

அவர்களுக்கு அணு உலை என்றால் கதிரியக்கம் வரலாம் என்றோ, கதிரியக்கம் வந்தால் என்ன பாதிப்பு ஏற்படும் என்றோ, அணு உலை தீப்பற்றினால்

அதனை எப்படி அணைக்க வேண்டும் என்றோ எதுவுமே தெரியாது. ஏறிய நான்காவது நிமிடம் நால்வரும் தலைசுற்றல் ஏற்பட்டு மயங்கி விழுந்தனர். அவர்கள் மீது தாக்கிய கதிரியக்க அளவு 4.1சீவேர்ட்.
ஏனைய தீயணைப்பு வீரர்கள் ஏதோ விஷவாயு வெளிப்படுவதாக எண்ணினார்கள். மூச்சுகவசம் அணிந்துகொண்டு மயங்கிய 4வரையும்

விரைந்து இறக்கினார்கள். இந்த பணியில் ஈடுபட்டவர்களும் தலைசுற்றலுடன் வாந்தி எடுத்தனர்.

நேரம்:01:45
பிரிப்யாட் & செர்நோபில் நகர தீயணைப்பு வண்டிகள் வந்து சேர்ந்தன.அவர்களுக்கு மட்டும் அணுஉலை பற்றி தெரிந்திருக்குமா என்ன.. lஆனால் லெப்டினட் ப்ராவிக்ன் அறிவுறுத்தலால் தூரமாக நின்றுகொண்டே

முகக்கவசம் மட்டும் அணிந்து நீரை பீய்ச்சி அடித்தனர்.
யாரிடமும் கதிரியக்கத்தை தடுக்க கூடிய கவச உடையோ,டோசிமீட்டர் எனப்படும் கதிரியக்க பாதிப்பை அளக்கும் கருவியோ இல்லை.

நேரம்:02
பொறியாளர் அனடோலி கட்டுப்பாட்டு அறையை விட்டு வெளியே வந்து அலெக்ஸாண்டரை சந்தித்தார். அவரிடம் ஜெனெரேட்டருக்கு

வரும் ஹைட்ரஜனை திறந்து விடவும், உலையை குளிர்விக்கும் பம்புகளை இயக்க ஏற்பாடு செய்யவும் கூறினார். ஆனால் இவற்றை தான் முன்னரே செய்துவிட்டதாக போர்மேன் அலெக்ஸாண்டர் தெரிவித்தார்.
பின்னர் பொறியாளர் அனடோலி ரியாக்டர் எண் 3க்கு சென்று விபத்தை எடுத்துச் சொல்லி உலையை நிறுத்த சொன்னார். ஆனால்

அங்குள்ள பொறியாளர் அதனை அலட்சியப்படுத்தி விட்டு தனது பணியாளர்களுக்கு முன்னெச்சரிக்கையாக அயோடின் மாத்திரைகளை விழுங்க கொடுத்துவிட்டு உற்பத்தியை தொடர்ந்தார்.பின்னர் அனடோலி எரியும் உலையை பார்ப்பதற்காக உலையின் வெளியே சென்றுவிட்டார்.

நேரம்:02:15
டர்பைன் ஹால் மேற்கூரையில் உள்ள தீ ஒரளவு

அணைக்கப்பட்டது.
பிரிப்யாட் நகர நிர்வாக குழு போக்குவரத்தை நிறுத்த முடிவு செய்தது. இதற்காக ஆயிரக்கணக்கான காவலர்கள் பணியிலமர்த்தப்பட்டனர். தீயணைப்பு குழுவினர் போலவே இவர்களுக்கும் கதிரியக்கம் பற்றி ஏதும் தெரியாது. இவர்களிடம் பாதுகாப்பு சாதனங்களும் கிடையாது.

நேரம்: 02:30
ரியாக்டர்

ஹாலின் மேற்கூரையில் உள்ள தீ அணைக்கப்பட்டது.
பிளான்ட் மேனேஜர் வந்து சேர்ந்தார்.அவரிடம் போர்மேன் அலெசாண்டர் விபத்தை விளக்கிவிட்டு கதிரியக்கம் ஏற்பட்டிருக்கும் என்றும் அதன் அபாயங்களையும் விளக்கினார்.

நேரம்: 03:00
நிலைமையை உணர்ந்த மேனேஜர் நிலைமையை உயர் மட்டக்குழுவிற்கு தெரியப்படுத்த

அதன் தொடராக அமைச்சரகம் வரை செய்தி சென்றது. மாஸ்கோவில் உள்ள அணு உலை தொடர்பான மையத்திலிருந்து உலைக்கு தொடர்ந்து குளிர்விக்கும் நீரை செலுத்திக்கொண்டிருக்க உத்தரவு வந்தது.சோவியத் அரசு ராணுவத்தை உதவிக்கு அனுப்ப உத்தரவிட்டது.

நேரம்:04
கீவ் மற்றும் வேறு சில நகரங்களிலிருந்தும் தீயணைப்பு

வாகனங்கள் வந்து சேர்ந்தன.

நேரம்: 04:30
உலையின் பகல் நேர பணிகளுக்கான பொறுப்பு பொறியாளர் போமின் வந்து சேர்ந்தார். அவர் ஏற்கனவே போர்மேன் செய்துவிட்ட ஏற்பாடுகளையே மீண்டும் உத்தரவிட்டார். உலைக்கு தொடர்ந்து குளிர்விக்கும் நீர் வரும்படி பார்த்துக்கொள்ள சொன்னார். ஆனால் நடு வழியிலேயே அவை

கிழிந்து கிடந்ததால் உலைக்கு இரண்டு தளங்கள் கீழே உள்ள தரை தளத்தில் போய் சேர்ந்து கொண்டிருந்தது.
தீ ரியாக்டர் எண் 3 ன் மேற்கூரையில் பரவியது.

நேரம்: 05:00
ரியாக்டர் எண் 3ல் உள்ள பணியாளர்கள் பயத்தினால் வேலை செய்ய மறுத்து அங்கு பொறுப்பில் இருந்த தலைமை பொறியாளரிடம் வாக்கு வாதத்தில்

ஈடுபட்டனர்.எனவே அவர் மூன்றாம் எண் உலையை நிறுத்த ஒப்புக்கொண்டார்.அடுத்த 1 மணி நேரத்தில் மூன்றாம் எண் உலை முழுவதுமாக நிறுத்தப்பட்டது.
வெளியே சென்றிருந்த பொறியாளர் அனடோலி கட்டுப்பாட்டு அறைக்கு திரும்பினார்.கதிரியக்க தாக்குதலால் மயங்கம் ஏற்பட்டதால் ஆம்புலன்ஸ் மூலம் மருத்துவமனை கொண்டு

செல்லப்பட்டார்.

நேரம் 06:00
போர்மேன் அலெக்ஸாண்டர் வெளியே இருந்து வரும் குளிர்விக்கும் நீர் உலைக்கு வராததை கவனித்தார். அவருக்கு பணி நேரம் (10:00PM - 06:00AM) முடிந்து அடுத்த பணியாளர் வந்து அவரது பணியை ஏற்றுக்கொண்ட போதும் அவர் வெளியே செல்லவில்லை. தனக்கு உதவிக்கு டாப்டுநோவ் மேலும்

இருவரையும் அழைத்துக்கொண்டு வால்வுகளை கையால் திறக்க சென்றார். அந்த இரண்டு வால்வுகளை கையால் திறக்க 4 மணி நேரம் ஆகும். அந்த இடம் முழுவதும் முட்டியளவு நீர் நின்று கொண்டிருந்தது.அதில் கலந்திருந்த கதிரியக்க மாசு இவர்கள் அனைவரையும் தாக்கியது.அனைவரும் மாறி மாறி வால்வை திறக்க முயற்சித்து

வந்தனர். அனைவருக்கும் தலைசுற்றல் ஏற்பட்டது. உடன் வந்த இருவரையும் அனுப்பி விட்டு டாப்டுநோவுடன் பல மணிநேரம் போராடி வால்வுகளை திறந்தார்.

விபத்து நடந்து நான்கரை மணி நேரத்திற்கு பின்னர் (6:00AM) கதிரியக்கத்தால் இறப்பு துவங்கியது.
பிரிப்யாட் மருத்துவமனையில் சேர்க்கப்பட்ட கதிரியக்கத்தை

கண்காணிக்கும் பணியாளர் தீவிர கதிரியக்கத்தால் தோல் மற்றும் உள்ளுறுப்புகள் எரிந்த நிலையில், வாயிலிருந்து கரிய நிறத்தில் ரத்தம் வடிய இறந்தார். அவரை காப்பாற்ற தூக்கி சென்றவர்களில் ஒருவர் சில நிமிட இடைவெளியில் அதே போல இறந்தார். இதிலிருந்து தீயணைப்பு மற்றும் மீட்பு பணியில் ஈடுபட்ட

ஒவ்வொருவராக தீக்காயம் போன்ற எரிந்த காயங்களுடன், வீக்கம், வாந்தி, வயிற்று போக்கு, காதுகளின் வழியே ரத்தகசிவு ஏற்பட்டு இறக்க தொடங்கினார்கள்.

நேரம்: 06:35
ரியாக்டர் எண் 3 ல் ஏற்பட்ட தீயை நைட்ரஜன் மூலம் எட்டு தீயணைப்பு வீரர்கள் போராடி தீயை அணைத்தனர். அந்த போராட்டத்தில் 4 வீரர்கள்

இறந்தனர். 37 தீயணைப்பு வாகனங்களில் 186 தீயணைப்பு வீரர்கள் போராடி எரிந்து கொண்டிருந்த உலையை தவிர எஞ்சிய இடங்களில் உள்ள தீ முழுவதையும் அணைத்து விட்டனர். இவர்களில் 2 சீவேர்ட்டுக்கு குறைவாக கதிரியக்க தாக்கம் பெற்றவர் எவருமில்லை. எனவே அடுத்த மூன்று வாரங்களுக்குள் இவர்கள் அனைவரும்

கதிரியக்க பாதிப்பால் இறந்துவிட்டனர். அன்று ஏற்பட்ட பாதிப்பு இன்று வரை தொடர்கிறது. (அயோடின் உப்பை நாம் ஏன் அதிகமா பயன் படுத்துகிறோம் தெரியுமா??)

- மரண ஓலங்களுடன் நிறைவு பெறுகிறது

@bharath_kiddo @ArvindBharath @_VarunKannan @gklravi @teakkadai1 @nkchandar @flwraj